ចូលចិត្តទំនើប

ចង់ដឹងអត់! ការជូនអាំងប៉ាវនៅថ្ងៃចូលឆ្នាំចិន មានន័យដូចម្តេច?

ដោយ: ភារុន 9 AM, Friday, 01 Feb, 2019

តាមប្រពៃណីរបស់ជនជាតិចិន ក្នុងអំឡុងពេលចូលឆ្នាំថ្មី គេតែងជូនអាំងប៉ាវ ឱ្យគ្នាទៅវិញទៅមក ដើម្បីជូនពរជ័យ ឱ្យជួបតែសំណាងល្អពេញមួយឆ្នាំ។ ការជូនអាំងប៉ាវរួមមាន ពីឪពុកម្តាយទៅកូនៗ កូនៗជូនឪពុកម្តាយ មីងជូនក្មួយ ថៅកែឱ្យកូនចៅ…ជាដើម។ ប៉ុន្តែតើអ្នកមានដឹងឬទេ? ថាការជូនអាំងប៉ាវឱ្យគ្នាបែបនេះ មានន័យដូចម្តេច? ដើម្បីស្រាយចម្ងល់ខាងលើនេះ សូមប្រិយមិត្តអានអត្ថបទខាងក្រោមនេះ៖
1. ឪពុកម្តាយឱ្យកូន៖ នេះជាទំនៀមទំលាប់របស់ប្រជាជនចិន ដែលឪពុកម្តាយត្រូវតែឱ្យ អាំងប៉ាវពណ៌ក្រហម ជាមួយនឹងក្រូចឃ្វិច ពីរផ្លែ ទៅឱ្យកូនៗរបស់ខ្លួននៅថ្ងៃចូលឆ្នាំថ្មី ព្រោះដើម្បីឱ្យពួកគេ អាចយកទៅទិញទំនិញផ្សេងៗតាមចំណង់ចំណូលចិត្តរបស់ពួកគេបាន។

2. អ្នកមានប្តីប្រពន្ធ ឱ្យទៅអ្នកនៅលីវ ឬក្មេងៗក្នុងគ្រួសារ៖ ការឱ្យអាំងប៉ាវនេះ គឺជាពិធីសំខាន់មួយ ដែលតំណាង ឱ្យការចែករំលែក ភាពមានបាន និងពរជ័យរបស់អ្នក ជាមួយអ្នកដទៃ។ សម្រាប់អ្នកបាន រៀបអាណាហ៍ពិពាហ៍ហើយ ត្រូវរៀប ចំចែកអាំងប៉ាវ ទៅកាន់ប្អូនជីដូនមួយ និងអ្នកដែលពេញវ័យហើយ តែមិនទាន់រៀបការ នៅក្នុងគ្រួសាររបស់អ្នក អំឡុងពេលអ្នកទៅលេងពួកគេនៅថ្ងៃចូលឆ្នាំថ្មី។

3. កូនជូនឪពុកម្តាយ៖ ការជូនអាំងប៉ាវទៅកាន់ឪពុកម្តាយ គឺជាសញ្ញានៃការគោរព។ ហើយការរង់ចាំទទួលអាំងប៉ាវ ពីឪពុកម្តាយវិញ ក៏តំណាងឱ្យពរជ័យរបស់ម្តាយឪពុកសម្រាប់អ្នកផងដែរ។

4. និយោជកជូននិយោជិក៖ ការជូនអាំងប៉ាវពីថៅកែ ទៅកាន់បុគ្គលិកនៅថ្ងៃចូលឆ្នាំចិន អាចនិយាយបានថាជាប្រាក់លើកទឹកចិត្ត និងសម្រាប់ថ្លៃចំណាយក្នុងការធ្វើដំណើរទៅផ្ទះ ឬទៅកាន់ស្រុកកំណើត។ ថៅកែជាច្រើន បានផ្តល់អាំងប៉ាវ ដែលមានតម្លៃស្មើនឹងប្រាក់ខែមួយខែ ឱ្យទៅបុគ្គលិករបស់ខ្លួនក៏មាន។ ប៉ុន្តែប្រសិនបើអ្នកជាម្ចាស់ផ្ទះ ដែលមានកូនឈ្នូលក្នុងផ្ទះ អ្នកក៏គួរធ្វើបែបនេះទៅកាន់ពួកគេផងដែរ។

5. ពេលទៅលេងផ្ទះ ឬមិត្តភក្តិ៖ នៅពេលអ្នកទៅលេងគ្រួសារ ឬផ្ទះមិត្តភក្តិ ដើម្បីជូនពរពួកគេ ឱ្យសំណាងល្អក្នុងឆ្នាំថ្មី និង បណ្តេញគ្រោះចង្រៃ ឱ្យចេញផុតទៅតាមឆ្នាំចាស់នោះ អ្នកគួរតែមានអាំងប៉ាវ ជូនទៅកាន់កូនក្មេងតូចៗ នៅក្នុងគ្រួសារនោះ ទើបជាការល្អ៕

ប្រភព: khbmedia ផ្នែក: បែបបទជីវិត, សិល្បៈ

អត្ថបទអ្នកចង់អាន

ដំណឹងល្អឆ្នាំថ្មី! តម្លៃប្រេងសាំងនៅតែបន្តធ្លាក់ថ្លៃ នៅទូទាំងប្រទេសកម្ពុជា

ដោយ: ភារុន 8 AM, Friday, 04 Jan, 2019

នាពេលថ្មីនេះក្រសួងពាណិជ្ជកម្មបានប្រកាសថា គ្រប់ស្ថានីយប្រេងឥន្ធនៈលក់រាយទាំងអស់នៅទូទាំងប្រទេសកម្ពុជា ឱ្យដាក់លក់តម្លៃប្រេងសាំងថ្មី សម្រាប់សាំងធម្មតា ន...

The Rock ជាជនទីបីបំបែកស្នេហ៍ Irina និង Ronaldo

ដោយ: ដាលីស 6 PM, Thursday, 11 Jun, 2015

អាថ៍កំបាំងស្នេហា ដែលបែកបាក់រវាង Irina Shayk តារាបង្ហាញម៉ូដកំពូលសិចស៊ី ជនជាតិរុស្ស៊ី ជាមួយ គ្រីស្ទៀណូ រ៉ូណាល់ដូ (Cristiano Ronaldo) តារាបាល់ទាត់លំដា...

Rollercoaster ខ្ពស់បំផុត និងលឿនបំផុតនៅអឺរ៉ុប បើកដំណើរការនៅសួនកំសាន្ត Ferrari Land ក្នុងប្រទេសអេស្ប៉ាញ

ដោយ: ដួងច័ន្ទ 8 PM, Monday, 10 Apr, 2017

ឧបករណ៍កំសាន្ត Rollercoaster ទើបនឹងបើកដំណើរការនាពេលថ្មីៗនេះ នៅក្នុងប្រទេសអេស្ប៉ាញ ជាផ្នែកទាក់ទាញមួយបន្ថែម នៅក្នុងសួនកំសាន្ត Ferrari Land។ Ferrari La...

ការរៀបចំខ្លួន បុរសគ្រប់រូប គួរស្វែងយល់

ដោយ: ដួងច័ន្ទ 8 PM, Friday, 22 Sep, 2017

ការរៀបចំខ្លួនឱ្យបានល្អឥតខ្ចោះ គឺជាបង្ហាញពីលក្ខណៈសម្បត្តិរបស់អ្នក ដោយអ្នកបានរៀបចំគ្រប់យ៉ាងដោយគ្មានចន្លោះប្រហោង។ សូមកុំយល់ច្រឡំថា បុរសមិនត្រូវការរៀបច...

Tomnerb.Com - YouTube Channel