ចូលចិត្តទំនើប

ជៀសបានក៏ល្អ! តំណមទាំង 5 ដែលមិនត្រូវធ្វើក្នុងថ្ងៃចូលឆ្នាំចិន

ដោយ: ភារុន 8 AM, Saturday, 02 Feb, 2019

នៅអំឡុងពេលចូលឆ្នាំចិនរយៈពេល 3 ថ្ងៃនេះ។ ជនជាតិចិន ក៏ដូចជាអ្នកជាប់ខ្សែស្រឡាយខ្មែរ-ចិនទាំងអស់ តែងចាត់ទុកជាថ្ងៃដ៏ពិសេសបំផុត ដោយមិនត្រូវធ្វើអ្វីឱ្យល្អក់កករ នាំឱ្យប៉ះពាល់ដល់មង្គល នៅឆ្នាំថ្មីឡើយ។ ពួកគេជារឿយៗតែបង្កភាពសប្បាយរីករាយ ដែលនាំឱ្យមានសិរីសួស្តីចូលមកដល់ខ្លួនផង និងក្រុមគ្រួសារផង។ ម្យ៉ាងទៀតនៅក្នុងថ្ងៃនេះផងដែរ ក៏គេមានតំណម 5 យ៉ាង ដែលអ្នកមិនត្រូវធ្វើ បើមិនចង់ជួបរឿងអពមង្គលពេញមួយឆ្នាំ៖
1. តំណមមិនយំ
ក្នុងអំឡុងថ្ងៃចូលឆ្នាំថ្មី ជនជាតិចិនមានតំណម មិនឱ្យកើតរឿងយំសោក ចេញទឹកឡើយ។ ពីព្រោះវាអាចនាំមក នូវរឿងអពមង្គលដល់ឆ្នាំថ្មី រហូតពេញមួយឆ្នាំ។ តំណមនេះសូម្បីតែកូនចៅ ដែលរឹងរូសក៏ឪពុកម្តាយ ឬមនុស្សចាស់ នឹងមិនវាយប្រៀនប្រដៅដែរ គឺទ្រាំរហូត ចប់ពិធីចូលឆ្នាំថ្មីសិន។

2. តែងខ្លួនស្អាត ប៉ុន្តែមិនឱ្យកក់សក់
ការស្លៀកពាក់ខោអាវថ្មី និងតែងខ្លួនស្អាតៗ ជារឿងសំខាន់បំផុត សម្រាប់មនុស្សគ្រប់រូប ក្នុងការទទួលឆ្នាំថ្មី។ ទោះបីយ៉ាងណាក្នុងអំឡុងពេលនេះ គេមានតំណមមួយគឺហាម កក់សក់ (កន្លែងដទៃៗទៀត អាចធ្វើការសម្អាតបានធម្មតា) ពីព្រោះថា ការកក់សក់ គេមានជំនឿថា ទំនងដូចជាការលាងជម្រះ ជោគសំណាង ចេញពីខ្លួនដូច្នេះដែរ។ ចំពោះសម្លៀកបំពាក់ពណ៌ក្រហមជាទីពេញនិយមបំផុត ដែលគេប្រើសម្រាប់ស្លៀកពាក់ក្នុងអំឡុងចូលឆ្នាំចិន។ ពណ៌នេះត្រូវបានគេចាត់ទុកជា ពណ៌ងូវហេង នាំជោគ នាំលាភ និងសិរីសួស្តីមកឱ្យពួកគេ។ សម្រាប់ក្មេង ឬមនុស្សនៅលីវ គេតែងឱ្យ អាំងប៉ាវ ដែលជាកញ្ចប់លុយពណ៌ក្រហម ព្រមទាំងក្រដាសប្រាក់ថ្មីៗ ដើម្បីទទួលជោគលាភ។

3. ហាមចូល បន្ទប់អ្នកដទៃ
ការចូលទៅរកនរណាម្នាក់ នៅក្នុងបន្ទប់ដេករបស់គេ នៅថ្ងៃចូលឆ្នាំចិន គឺត្រូវបានគេចាត់ទុកថា ជាជោគសំណាងអាក្រក់។ ទោះបីជាអ្នកទៅសួរសុខទុក្ខអ្នកជម្ងឺក្តី អ្នកក៏ចាំបាច់ត្រូវតែចេញមកអង្គុយ នៅក្នុងបន្ទប់ទទួលភ្ញៀវដែរ។

4. មិនប្រើ គ្រឿងមុតស្រួច
តាមជំនឿរបស់ជនជាតិចិន គឺនៅក្នុងថ្ងៃចូលឆ្នាំចិននេះផងដែរ គេជៀសវាងការប្រើកាំបិត ឬកន្រ្តៃ ព្រោះគេមានជំនឿថា របស់ទាំងនេះ អាចនាំឱ្យមានការកាត់ជោគ កាត់លាភ លើសពីនេះបើមានមុតដៃ មុតជើងថែមទៀតនោះ គឺកាន់តែធ្វើឱ្យអ្នកជួបរឿងអាក្រក់ៗផងដែរ។

5. មិនឱ្យធ្វើបែកចាន ឬកែវ
ក្នុងថ្ងៃនេះផងដែរ គេមានការប្រយ័ត្នប្រយែង ចំពោះការកាន់ចាន ឬកែវខ្លាំងណស់ គឺជៀសវាងមិនបង្ក ឱ្យមានការប្រេះស្រាំ ឬធ្លាក់បែក នេះជាការនាំឱ្យបាត់បង់ជោគលាភ ហើយជីវិតក្នុងឆ្នាំនេះ នឹងជួបតែរឿងប្រេះឆាពុំសូវមានសេចក្តី សុខឡើយ។

ប្រភព: digitalkh ផ្នែក: បែបបទជីវិត, សិល្បៈ

អត្ថបទអ្នកចង់អាន

សម្ភារៈត្រូវមាន ក្នុងឡានគ្រប់ពេល

ដោយ: ដួងច័ន្ទ 5 PM, Thursday, 28 Sep, 2017

ការបើកបររថយន្តទៅទីជិត ឬទីឆ្ងាយ ទាមទារឱ្យមានការរៀបចំសម្ភារៈចាំបាច់មួយចំនួន ដើម្បីបង្ការ និងទប់ស្កាត់ហានិភ័យនានា បានទាន់ពេលវេលា។ ដឹងថាសម្ភារៈចាំបាច់ទ...

ស្រ្តីដ៏អស្ចារ្យទាំង 10 រូប នៅក្នុងវិស័យវិទ្យាសាស្ត្រ ដែលអ្នកមិនធ្លាប់បានស្គាល់

ដោយ: ភារុន 10 AM, Friday, 08 Mar, 2019

អ្នកវិទ្យាសាស្រ្តជាស្រ្តីឆ្នើមៗជាច្រើន ដូចជាម៉ាដាម Marie Curie ដែលបានឈ្នះពានរង្វាន់ណូប៊ែល សម្រាប់វិស័យ វិទ្យាសាស្រ្តជាដើម។ លើសពីនេះក៏នៅមានស្រ្តីឆ្ន...

ទេព បូព្រឹក្ស កាន់តែ​ទាក់​ទាញ នៅ​ក្នុង​បទចម្រៀង Original ថ្មី

ដោយ: ម៉ូនី 1 AM, Wednesday, 13 Jul, 2016

កាលពីប៉ុន្មានម៉ោងមុននេះបន្តិច បទចម្រៀងថ្មីរបស់កញ្ញា ទេព បូព្រឹក្ស ត្រូវបានបង្ហោះ Teaser ជាផ្លូវការនៅលើគណនី Youtube របស់ផលិតកម្ម រស្មីហង្សមាស។ បទថ្ម...

ឈិន ឡុង ឱនក្បាល ទទួលពាក្យកាត់ក្តីិ រឿងកូនប្រុស

ដោយ: ដាលីស 11 AM, Wednesday, 10 Jun, 2015

ក្នុងអំឡុងពេលមួយរយៈកន្លងមកនេះ មានព័ត៌មានចចាមអារ៉ាមថា ឈិន ឡុង បានប្រើប្រាស់គ្រប់វិធីទាំងអស់​ ក្នុង​ការ​រត់ការរឿងក្តីគ្រឿងញៀនរបស់កូនប្រុស តែមិនថាបែរម...

Tomnerb.Com - YouTube Channel