ចូលចិត្តទំនើប

តោះ! មកស្គាល់ កំពូលអាហារ និងគ្រឿងទេស ដែលថ្លៃបំផុតទាំង 5 នៅលើពិភពលោក

ដោយ: ភារុន 8 AM, Friday, 14 Jun, 2019

អ្វីដែលអាចញុំាបាន ហើយមានតម្លៃថ្លៃដូចមាស ប្រៀបបាននឹងយកមាសសុទ្ធមកធ្វើជាអាហារអញ្ចឹងដែរ។ មាសសុទ្ធ តែងតែជានិមិត្តសញ្ញានៃទ្រព្យសម្បត្តិ និងភាពមានបាន ប៉ុន្តែវាមិនមែនជាគ្រឿងផ្សំម្ហូបអាហារថ្លៃបំផុតនោះទេ។ ទោះបីជា បែបនេះក្តី នៅលើពិភពលោកយើងនេះក៏នៅតែមានអាហារ និងគ្រឿងទេស ដែលមានតម្លៃថ្លៃបំផុតចំនួន 5 ដែលមានរាយឈ្មោះនៅក្នុងបញ្ជីខាងក្រោម៖
1. សាច់គោ Wagyu
សាច់គោ Wagyu គឺត្រូវបានចាត់ទុកថា ជាសាច់គោ ដែលមានតម្លៃថ្លៃបំផុត នៅលើពិភពលោក។ ហើយក៏ជាសាច់គោ ដែលមាននៅក្នុងប្រទេសជប៉ុន។ សាច់គោនេះ មានតម្លៃថ្លៃបែបនេះ ដោយសារតែជនជាតិជប៉ុន បានបញ្ចុកអាហារដ៏ ពិសេសៗ និងចិញ្ចឹមនៅក្នុងល័ក្ខខណ្ឌដ៏ពិសេស ដើម្បីធ្វើឱ្យសាច់គោនេះ មានរសជាតិឆ្ងាញ់បំផុត និងសាច់ល្អបំផុត សម្រាប់ដេញថ្លៃលក់ នៅជុំវិញពិភពលោក។ សម្រាប់សាច់គោ Wagyu នេះមានតម្លៃរវាង $1,200 និង $3,000។

2. ពងត្រី Beluga Caviar
ពងត្រី Caviar ត្រូវបានគេចាត់ទុកថាជាអាហារ ដែលមានគុណភាពល្អបំផុត និងថ្លៃបំផុត សម្រាប់បម្រើនៅលើតុដ៏ប្រណីតបំផុតផងដែរ ដូច្នេះ ជារឿយៗត្រូវបានគេក្លែងបន្លំ។ ជាធម្មតា ពងត្រីនេះ បានមកពីត្រីមួយប្រភេទ ដែលរស់នៅក្នុងសមុទ្រ Caspian និងសមុទ្រខ្មៅ ប៉ុន្តែសព្វថ្ងៃនេះ ពងត្រីដ៏មានតម្លៃនេះ ក៏អាចយកចេញមកពីត្រីដូចជា៖ ស្តេចត្រីសាម៉ុងមួយប្រភេទ ដែលជាប្រភេទត្រីដ៏កម្រមាន ទើបធ្វើឱ្យពងរបស់វាមានតម្លៃខ្ពស់ ដែលស្ទើរតែមិនគួរឱ្យជឿ។ ពងត្រីនេះ មានតម្លៃរវាង $7,000 ទៅ $10,000 ក្នុងមួយគីឡូក្រាម។

3. លម្អងផ្កា Saffron
លម្អងផ្កា Saffron ត្រូវបានគេនិយាយថា មានតម្លៃថ្លៃជាងមាស ហើយនេះពិតជា តម្លៃដែលមានតាំងពី ជាច្រើនសតវត្សមកម្ល៉េះ។ ការដាំដុះដើមផ្កានេះ គឺជាកិច្ចការមួយដ៏គួរធុញទ្រាន់បំផុត ដោយសារតែ ការប្រមូលផលរុក្ខជាតិផ្កានេះ គឺដោយដៃផ្ទាល់ (លម្អងផ្កានេះមានត្រឹមតែ 3 នៅក្នុងផ្កាមួយទងប៉ុណ្ណោះ) ដូច្នេះទម្រាំប្រមូលផលបាន មួយផោនស្មើរនឹង 454ក្រាម នៃលម្អងផ្កាស្ងួត នោះគឺត្រូវការវាលដាំផ្កាដ៏ធំខ្លាំងបំផុត ទំនងជាស្មើរនឹងតារាងបាល់ទាត់ដ៏ធំមួយ និងវាលដ៏ធំសម្រាប់ហាលលម្អងផ្កានេះឱ្យស្ងួតបានល្អ ផងដែរ។ លម្អងផ្កាស្ងួតនេះ មានតម្លៃរវាង $2,000 និង $20,000 ក្នុងមួយគីឡូក្រាម។

4. ស្តេចត្រសក់ស្រូវ Yubari
ស្តេចត្រសក់ស្រូវ Yubari គឺជាផ្លែត្រសក់ស្រូវកូនកាត់ រវាងពូជពីរប្រភេទ និងត្រូវបានដាំដុះនៅក្នុងផ្ទះកញ្ចក់ (Greenhouse) នៅក្នុង Yabari ដែលជាទីក្រុងដ៏តូចមួយ នៅជិតកោះហុកកៃដូរបស់ប្រទេសជប៉ុន។ ម្យ៉ាងទៀត វាក៏ជាប្រភេទផ្លែត្រសក់ស្រូវលំដាប់ថ្នាក់ទីមួយ ដែលមានរាងមូលល្អឥតខ្ចោះ និងមានសាច់ពណ៌លឿងស្អាត គួរឱ្យចង់ញុំា ហើយត្រូវបានដាក់ដេញថ្លៃនៅឆ្នាំ 2008 ក្នុងតម្លៃ 3លានយ៉េន ស្មើរនឹងតម្លៃប្រហែល $27,000 ។

5. ផ្សិត Truffle ពណ៌-ស
ផ្សិតមួយដុំ ដែលមានពណ៌-សក្បុស និងដុះចេញពីក្រោមដី និងត្រូវបានគេរកឃើញ នៅក្នុងតំបន់តូចមួយ នៃប្រទេសអ៊ីតាលី ហើយផ្សិតនេះ គឺជាអាហារដ៏ប្រណីត និងមានតម្លៃថ្លៃបំផុតនៅលើពិភពលោក ដែលយើងគ្រប់គ្នាមិននឹងស្មានដល់។ នៅក្នុងខែធ្នូ ឆ្នាំ 2014 ផ្សិតដ៏មានតម្លៃនេះ ទម្ងន់ 1.89 kg ត្រូវបានរកឃើញនៅក្នុងទីក្រុង Umbria ប្រទេសអ៊ីតាលី ហើយត្រូវបានដាក់ដេញថ្លៃលក់ នៅឯក្រុមហ៊ុន Sotheby ប្រចាំទីក្រុង ញ៉ូវយ៉ក។ សម្រាប់ការដេញថ្លៃក្នុងតម្លៃ $61,000 បានប្រគល់ឱ្យទៅអ្នកទិញជនជាតិតៃវ៉ាន់ម្នាក់។ ប៉ុន្តែ តម្លៃប៉ុណ្ណឹង ក៏ត្រូវបានគេចាត់ទុកថា ជាតម្លៃដ៏ថោកបំផុត នៅអំឡុងពេលនោះ សម្រាប់អ្នកចង់បានផ្សិតដ៏ល្អនេះ៕

ប្រភព: wonderslist ផ្នែក: បែបបទជីវិត, សិល្បៈ

អត្ថបទអ្នកចង់អាន

សាលារៀនមួយនៅប្រទេសឥណ្ឌា បានទទួលយកកាកសំណល់ប្លាស្ទិច ជាថ្លៃបង្រៀនសិស្ស!

ដោយ: ភារុន 8 AM, Saturday, 08 Jun, 2019

ចាប់តាំងពីឆ្នាំ 2016 លោក Parmita Sarma និងអ្នកស្រី Mazin Mukhtar បានចាប់ផ្តើមបើកសាលារៀនដ៏តូចមួយ ដែលមានឈ្មោះថា «Akshar» នៅក្នុងរដ្ឋ Assam ប្រទេសឥណ្ឌ...

ច្នៃសាំងវ៉ិចថ្មី ៦ តាមជប៉ុន

ដោយ: ស. លីង 3 PM, Saturday, 30 Sep, 2017

អាហាររបស់ជប៉ុនចាត់ជាអាហារ ដែលមានឱជារស រួមជាមួយនឹងការតុបតែងដ៏ប្រណីត។ បើក្រឡេកទៅមើលអាហារដ្ឋាន នៅទីក្រុងតូក្យូមួយកន្លែង បានច្នៃចេញនូវសាំងវ៉ិច រសជាតិផ្...

វិធីសាស្រ្ត 4យ៉ាង កាត់បន្ថយភាពស្មុគស្មាញ ក្នុងគេហដ្ឋាន

ដោយ: ដួងច័ន្ទ 9 PM, Sunday, 21 May, 2017

គេហដ្ឋានរបស់យើងគ្រប់រូប ជាទីកន្លែងដ៏ពិសិដ្ឋ និងជាកន្លែងដែលមិនគួរមានភាពស្មុគស្មាញ សម្រាប់អ្នក និងគ្រួសារអ្នក។ បន្ទប់និមួយៗនៅក្នុងគេហដ្ឋាន គួរតែពោរពេ...

កំហុសទាំង 10 នៃការស្លៀកសម្លៀកបំពាក់

ដោយ: ដួងច័ន្ទ 9 PM, Sunday, 16 Jul, 2017

មុនពេលឈានជើងចេញពីផ្ទះ អ្នកចង់ប្រាកដថា អ្នកបានតុបតែងខ្លួនសមរម្យ ជាមួយនឹងសម្លៀកបំពាក់ ស្បែកជើង ការផាត់មុខ និងការធ្វើសក់យ៉ាងស្រស់ស្អាត។ ប៉ុន្តែយើងគ្រប...

Tomnerb.Com - YouTube Channel