ចូលចិត្តទំនើប

ក្រុមហ៊ុនថ្មី 2 ទទួលបានការគាំទ្រពី Smart

ដោយ: ដួងច័ន្ទ 1 PM, Tuesday, 07 May, 2019

គម្រោង Smart Axiata Digital Innovation Fund (SADIF) បានស្វាគមន៍ក្រុមហ៊ុនបច្ចេកវិទ្យាថ្មីចំនួន 2 ទៀត ដែលក្នុងនោះមានមួយជាក្រុមហ៊ុនផ្តល់ដំណោះស្រាយដល់ការគ្រប់គ្រងសាលារៀន មានឈ្មោះថា SALA និងមួយទៀតជាក្រុមផលិតហ្គេមលើទូរសព្ទចល័ត មានឈ្មោះថា GoGames។
SALA និង GoGames គឺជាបេក្ខភាពចុងក្រោយបង្អស់នៃមូលនិធិបណ្តាក់ទុនឌីជីថលដំបូងនៅកម្ពុជា ដែលមានផែនការថវិកាចំនួន $5 លាន សម្រាប់ប្រើប្រាស់ក្នុងការគាំទ្រអាជីវកម្មឌីជីថល ដែលក្នុងនោះមាន ក្រុមហ៊ុន Morakot Technology, Joonaak, Aniwaa, Sousdey និងក្រុមហ៊ុន Okra Solar បានចូលរួមផងដែរ។

មិនត្រឹមតែការគាំទ្រហិរញ្ញវត្ថុប៉ុណ្ណោះទេ ប៉ុន្តែគម្រោង SADIF ក៏ធ្វើការគាំទ្រក្រុមហ៊ុនទាំងនេះដោយជួយពង្រីកអាជីវកម្មរបស់ពួកគេ ពង្រីកបណ្តាញទំនាក់ទំនង និងកសាងវត្តមានរបស់ពួកគេនៅក្នុងតំបន់។
លោក គីម បូរ៉ា ដៃគូរបស់ Mekong Strategic Partners ដែលជាអ្នកគ្រប់គ្រងគម្រោង SADIF បានរៀបរាប់ថា ការវិនិយោគទាំងនេះបង្ហាញអំពីវិធីសាស្រ្តដែលបច្ចេកវិទ្យាឌីជីថលអាចច្នៃប្រឌិតវិធីសាស្រ្ត ដែលយើងប្រើប្រាស់សម្រាប់ការរៀនសូត្រ និងលេងកំសាន្ត។ ក្នុងនោះក្រុមហ៊ុន SALA ផ្តល់អំណាចដល់សាលារៀន និងស្ថាប័នអប់រំ ក្នុងការពង្រឹងប្រសិទ្ធភាព និងការគ្រប់គ្រងទិន្នន័យសិស្ស ខណៈដែល ហ្គេមនៅលើទូរសព្ទចល័តរបស់ក្រុមហ៊ុន GoGames អនុញ្ញាតឱ្យអ្នកលេងហ្គេម រីករាយជាមួយការកំសាន្តលើហ្គេមជាច្រើនរយប្រភេទ ជាមួយការភ្ជាប់បណ្តាញដ៏ងាយស្រួលមួយនៅលើឧបករណ៍របស់ពួកគេ។

SALA
នេះគឺជាក្រុមហ៊ុនដែលបង្កើត Platform សម្រាប់ការគ្រប់គ្រងសាលារៀន ជាមួយនឹងមុខងារមួយចំនួន ដូចជា ការគ្រប់គ្រងសិស្សានុសិស្ស ធនធានមនុស្ស និងការទូទាត់វិក័យបត្រ ការបង់ប្រាក់ និងថ្លៃរដ្ឋបាលរបស់សាលា ដែលអនុញ្ញាតឱ្យអ្នកគ្រប់គ្រងសាលាអាចទំនាក់ទំនងយ៉ាងមានប្រសិទ្ធភាពជាមួយគ្រូបង្រៀន សិស្សានុសិស្ស និងមាតាបិតា។ កញ្ញា សុខ លាភ សហស្ថាបនិក និងជានាយកប្រតិបត្តិរបស់ SALA បានរៀបរាប់ថា SALA ត្រូវបានដាក់ឱ្យដំណើរការរួចមកហើយនៅស្ថាប័នអប់រំធំមួយក្នុងរាជធានីភ្នំពេញ។ បច្ចុប្បន្ននេះ ក្រុមហ៊ុនកំពុងទទួលបានអ្នកប្រើប្រាស់ប្រមាណជាង 2,000 នាក់ នៅលើ Platform របស់យើង។ ការគាំទ្រផ្នែកហិរញ្ញវត្ថុ និងការគាំទ្រដទៃទៀតពីគម្រោង SADIF នឹងជួយឱ្យពួកយើង អភិវឌ្ឍន៍បាននូវមុខងារពេញលេញ ដែលនឹងសម្របសម្រួលតាមភាពខុសៗគ្នានៃតម្រូវការ របស់អតិថិជនរបស់យើង។

GoGames
នេះជា Platform សម្រាប់ការលេងហ្គេម ដែលពឹងផ្អែកលើការភ្ជាប់បណ្តាញបង់ថ្លៃប្រចាំខែ ដែលអនុញ្ញាតឱ្យអ្នកប្រើប្រាស់ចូលទៅកាន់ហ្គេមចល័តច្រើនជាង 400 ប្រភេទ សម្រាប់អ្នកប្រើប្រាស់ប្រព័ន្ធ Android ដែលពុំចាំបាច់មានការរំខានពីការផ្សព្វផ្សាយពាណិជ្ជកម្ម ឬ In-App Purchase នៅក្នុងតម្លៃដ៏ប្រកួតប្រជែងសមរម្យនៅក្នុងទីផ្សារក្នុងតំបន់។ Taro Araya ស្ថាបនិក និងជានាយកប្រតិបត្តិរបស់ GoGames បានលើកឡើងថា ទោះបីជាទីផ្សារហ្គេមចល័តរបស់តំបន់អាស៊ីនមានភាពតូចចង្អៀត និងមានការប្រកួតប្រជែងខ្ពស់ ប៉ុន្តែយើងបានសម្រេចគោលដៅទទួលបានអ្នកប្រើប្រាស់ច្រើនជាង 650,000 នាក់ នៅដើមឆ្នាំ 2019 នេះ និងមានភាពជាដៃគូជាមួយក្រុមហ៊ុនទូរគមនាគមន៍ជាច្រើននៅក្នុងតំបន់។ ការវិនិយោគថ្មីពីគម្រោង SADIF នឹងជួយធ្វើឱ្យគម្រោងផែនការដ៏ធំរបស់យើងក្លាយជាការពិត៕

ប្រភព: geeksincambodia ផ្នែក: បែបបទជីវិត, សិល្បៈ

អត្ថបទអ្នកចង់អាន

តារា 6 ដួងនៅហង្សមាស មានសមត្ថភាពនិពន្ធ បទចម្រៀង Original

ដោយ: ម៉ូនី 12 AM, Wednesday, 20 Apr, 2016

ពេជ្រ សោភា អ្នកនាង ពេជ្រ សោភាជា​តារាស្រីតែម្នាក់ដែលបានឈរជើងនៅក្នុង​ទ្រនំហង្សមាស​ជាងមួយទស្សវត្តន៍មកហេីយ។​ ជាមួយបទពិសោធន៍ជាង 10ឆ្នាំលើផ្នែកចម្រៀង បច...

Miley អះអាងស្នេហ៍ពិតជាមួយ Patrick កូនប្រុសមនុស្សដែក Arnold

ដោយ: ដាលីស 11 PM, Sunday, 07 Jun, 2015

ច្បាស់លាស់ហើយ! ម៉ៃលី សៃរ៉ាស់ (Miley Cyrus) តារាចម្រៀងកំពូលភ្លាវ ចាត់ការអះអាងបញ្ជាក់ពី សេចក្តី​ស្នេហា​របស់នាងជាមួយនឹង ភែទ្រិក ឆ្វាហ្សេនេកហ្គើរ៍ (Pat...

I Am a Singer Cambodia កម្មវិធី​ប្រគួតចម្រៀង​ប្លែកថ្មីមិនធ្លាប់ជួបពីមុនមក

ដោយ: ម៉ូនី 12 AM, Monday, 27 Jun, 2016

លោកអ្នកពិតជាធ្លាប់បានទស្សនានៃការប្រគួតចម្រៀងនានា ដែលមានការចូលរួមពីបេក្ខជនមកពីគ្រប់មជ្ឈដ្នាន។ ប៉ុន្តែនៅពេលនេះគឺមានការប្រគួតចម្រៀងថ្មីស្រឡាងមួយដែលមាន...

សង្ខារមិនទៀង “Ken F4” ស្លៀកពាក់ស មកប្រតិបត្តិធម៌នៅថៃ

ដោយ: ដាលីស 11 PM, Friday, 05 Jun, 2015

បន្ទាប់ពី ខេន ឬ ជូ សៀវ ធាន (Zhu Xiao Tian) អតីតតារាដ៏ល្បីល្បាញនៃវង់ F4 ប៊យប្រ៊ែន ដ៏ល្បីរបស់កោះតៃវ៉ាន់ ម្ចាស់រហស្សនាម “ទេវបុត្រទាំង 4នៃទ្វីបអាស៊ី” ធ...

Tomnerb.Com - YouTube Channel