ចូលចិត្តទំនើប

តោះ! មកស្វែងយល់ទាំងអស់គ្នា អំពីពិធីច្រត់ព្រះនង្គ័ល ដែលឆ្លុះបញ្ចាំងពីអត្តសញ្ញាណជាតិខ្មែរ

ដោយ: ភារុន 9 AM, Tuesday, 07 May, 2019

ព្រះរាជពិធីច្រត់ព្រះនង្គ័ល គឺជាទំនៀមទម្លាប់ប្រពៃណីរបស់ខ្មែរយើង ដែលមានតាំងពីអតីតកាលមកម្ល៉េះ ដែលត្រូវបានប្រារព្ធធ្វើឡើង ដើម្បីប្រកាសអំពីដំណើរមកដល់នៃរដូវធ្វើស្រែចម្ការរបស់ប្រជាជនខ្មែរយើង ជាពិសេស ដើម្បីផ្សងប្រផ្នូលពីភោគផលកសិកម្ម នាឆ្នាំបន្ទាប់។

នៅក្នុងបរិបទខ្មែរយើងនាពេលសព្វថ្ងៃនេះ ជំនឿចំពោះពិធីច្រត់ព្រះនង្គ័ល ហាក់ដូចជារៀងថមថយជាងមុន។ បើទោះបីជា ជំនឿចំពោះពិធីនេះថមថយក្តី ក៏ការអភិរក្ស និងការថែរក្សាទំនៀមទម្លាប់នេះនៅតែជារឿងដ៏ ចាំបាច់ ដើម្បីឆ្លុះបញ្ចាំងអំពីអត្តសញ្ញាណជាតិរបស់ខ្មែរយើងផងដែរ។ លើសពីនេះ ព្រះរាជពិធីច្រត់ព្រះនង្គ័ល គឺជាព្រះរាជពិធីបុណ្យ ដែលខ្មែរយើងបានប្រារព្ធធ្វើជារៀងរាល់ឆ្នាំ នៅថ្ងៃទី 4រោច ខែពិសាខ ដើម្បីប្រកាសពីដំណើរមកដល់នៃរដូវធ្វើស្រែចម្ការរបស់ប្រជាជនកសិករខ្មែរទូទាំងប្រទេសកម្ពុជា និងដើម្បីផ្សងប្រផ្នូលល្អពីភោគផលកសិកម្មនេះផងដែរ។ ម្យ៉ាងទៀត នៅក្នុងព្រឹត្តិការណ៍នៃព្រះរាជពិធីច្រត់ព្រះនង្គ័លនេះ ខណៈពេល ដែលគោឧសភរាជទាំងពីរ បរិភោគអាហារទាំង 7មុខ ដូចជា ស្រូវ សណ្ដែក ពោត និងល្ង…ជាដើមរួចហើយ ប្រជាជនខ្មែរយើងតែងតែនាំគ្នាចាត់ទុកសំណល់អាហារជាប្រផ្នូល ហើយក៏រំពឹងថាប្រផ្នូលនេះនឹងផ្ដល់សេចក្ដីសុខចំពោះរូបគេម្នាក់ៗផងដែរ។ ចំណែកឯ ប្រជាកសិករតែងតែជឿថា ប្រសិនបើបានយកសំណល់គ្រាប់ធុញ្ញជាតិទាំងនោះ ទៅរួមផ្សំជាមួយគ្រាប់ពូជ ដែលពួកគេត្រូវបង្កបង្កើនផល នារដូវធ្វើស្រែចម្ការនោះ នឹងធ្វើឱ្យភោគផលកសិកម្មរបស់ពួកគេ នឹងដុះលូតលាស់បានល្អ ព្រមទាំងទទួលបានទិន្នផលខ្ពស់ថែមទៀត។ ជាការពិត ពិធីច្រត់ព្រះនង្គ័លគឺជាជំនឿរបស់ប្រជាជនខ្មែរ ជាពិសេសប្រជាកសិករតែម្តង ប៉ុន្តែនាពេលសព្វថ្ងៃនេះ ដោយសារតែការប្រែប្រួលនៃអាកាសធាតុ ដូច្នេះហើយ បើទោះបីជាទំនាយទាយថាល្អ ប៉ុន្តែប្រសិនបើមិនសូវមានទឹកភ្លៀង ដំណាំកសិកម្មក៏ពិបាកនឹងទទួលទិន្នផលល្អប្រសើរផងដែរ។

មួយវិញទៀត ខណៈដែលប្រជាកសិករខ្មែរមួយចំនួនធំ ក៏បានងាកមកប្រើគោយន្តនៅក្នុងការដាំដុះរបស់ខ្លួនផងនោះ ក៏ជាហេតុធ្វើឱ្យមានការថមថយនៃភាពស័ក្តិសិទ្ធិនៅក្នុងព្រះរាជពិធីច្រត់ព្រះនង្គ័លនេះដែរ ឬមួយក៏ប្រហែលជាអាចមកពីស្ដេចមាឃ ដែលសព្វថ្ងៃនេះ គ្រាន់ជាអ្នកតំណាងឱ្យព្រះមហាក្សត្រមកច្រត់នង្គ័ល ខុសពីអតីតកាល ដែលព្រះមហាក្សត្រផ្ទាល់យាងច្រត់ព្រះនង្គ័លដោយអង្គឯងនោះ។ ពិតណាស់ កាលពីបូរាណនៅក្នុងសង្គមខ្មែរ ព្រះមហាក្សត្រមានឥទ្ធិពល និងភាពស័ក្តិសិទ្ធិខ្លាំងណាស់ នៅក្នុងផ្នត់គំនិតរបស់ប្រជាជនខ្មែរយើង ហើយមកដល់ឥឡូវក៏មិនសូវខុសគ្នាប៉ុន្មានដែរ ដូច្នេះ ការយាងជាស្ដេចមាឃ ដើម្បីច្រត់ព្រះនង្គ័ល ដោយព្រះមហាក្សត្រ គឺពិតជាមាន អត្ថន័យ និងបង្កប់នូវឥទ្ធិពល ព្រមទាំងជំនឿយ៉ាងខ្លាំងក្លា នៅក្នុងផ្នត់គំនិតរបស់ប្រជាជនខ្មែរយើង។ ប៉ុន្តែនាពេលសព្វថ្ងៃនេះ ស្ដេចមាឃគ្រាន់តែជាមន្ដ្រីជាន់ខ្ពស់ ដែលត្រូវបានចាត់ឲ្យជាតំណាងព្រះមហាក្សត្រ ដើម្បីច្រត់ព្រះនង្គ័លតែប៉ុណ្ណោះ ដែលនេះអាចជាមូលហេតុមួយដែរ ដែលធ្វើឱ្យជំនឿ ចំពោះព្រះរាជពិធីច្រង់ព្រះនង្គ័លត្រូវបានថមថយជាងមុននេះ។ បើទោះបីជា ជំនឿថមថយខ្លះក៏ដោយ ក៏ទំនៀមទម្លាប់ប្រពៃណីច្រត់ព្រះនង្គ័លនេះ នៅតែមានឥទ្ធិពលនៅក្នុងសង្គមខ្មែរយើងជានិច្ច ដោយសារតែទំនៀមទម្លាប់ប្រពៃណីនេះ បានចាក់ឫសយ៉ាងជ្រៅ នៅក្នុងផ្នត់គំនិតរបស់ប្រជាជនខ្មែរគ្រប់ជំនាន់ រហូតក្លាយជាអត្តសញ្ញាណជាតិមួយ ដែលពិបាកនឹងលុបបំបាត់បាន។ ដូច្នេះការអភិរក្ស និងការថែរក្សាទំនៀមទម្លាប់នេះ គឺកើតមានតាំងពីច្រើនជំនាន់មុនមកម្ល៉េះ ដូច្នេះ វាគឺជារឿងដ៏ចាំបាច់ ដើម្បីថែរក្សាអត្តសញ្ញាណជាតិខ្មែរមួយនេះ ឱ្យស្ថិតនៅគង់វង្ស និងដើម្បីឲ្យកូនខ្មែរជំនាន់ក្រោយៗ ព្រមទាំងពិភពលោកទាំងមូល បានស្គាល់ និងយល់ដឹងផងដែរ៕

ប្រភព: tomnerb ផ្នែក: បែបបទជីវិត, សិល្បៈ

អត្ថបទអ្នកចង់អាន

8 ចំណុច ដែលអ្នកមិនគួរប្រើ នៅក្នុងការិយាល័យ

ដោយ: ដួងច័ន្ទ 8 PM, Monday, 29 May, 2017

ទោះបីជាអ្នកបំពេញការងារ ក្នុងការិយាល័យធម្មតា ដែលមិនមានបទបញ្ញត្តិលើសម្លៀកបំពាក់ ឬការ តុបតែងខ្លួនយ៉ាងណា ក៏ចំណុចទាំង 8 ខាងក្រោមនេះនឹងធ្វើឱ្យអ្នកត្រូវបា...

រូបថត 17 សន្លឹក ដែលបញ្ជាក់ថាជនជាតិជប៉ុន កំពុងដើរឆ្ពោះទៅរកផ្លូវ នាពេលអនាគត

ដោយ: ភារុន 9 AM, Monday, 03 Jun, 2019

ប្រទេសជប៉ុន គឺមានកេរ្តិ៍ឈ្មោះល្បីល្បាញ សម្រាប់វប្បធម៌ ប្រពៃណីដាច់ដោយឡែក និងប្រពៃណី ដែលមានតែមួយគត់ ជារបស់ខ្លួនឯងដូចជា ការតុបតែងខ្លួនដូចទៅនឹងគំនូរជីវ...

TWICE V-Live បណ្តាលឱ្យមានការភ្ញាក់ផ្អើលយ៉ាងខ្លាំង បន្ទាប់ពីសមាជិកម្នាក់ ទទួលបានសារគំរាមគំហែងមួយនេះ!

ដោយ: ភារុន 9 AM, Saturday, 26 Jan, 2019

នាពេលថ្មីៗនេះ នៅក្នុងអំឡុងពេល TWICE V-Live ស្រាប់តែឃើញមានសារដ៏គួរឱ្យរន្ធត់មួយ បានបង្ហោះនៅក្នុងការជជែកផ្ទាល់នៅក្នុង Live របស់ក្រុមតារាចម្រៀងស្រីកូរ៉...

Anne Hathaway សប្បាយចិត្តណាស់ មានផ្ទៃពោះជាមួយស្វាមីហើយ

ដោយ: វិរីយា៉ 9 PM, Wednesday, 23 Mar, 2016

អាច​និយាយបានថា ​មួយរយៈ​នេះ អ៊ែន ហេ​ត​សា​វេ​យ៍ តារា​ឯក​ស្រី​ហូលីវូដ​រូប​ស្អាត ​ភ្នែក​មុត​កំពុងមាន​សេចក្តីសុខ​ខ្លាំងណាស់ ព្រោះ​ជីវិត​អាពាហ៍ពិពាហ៍​របស...

Tomnerb.Com - YouTube Channel