ចូលចិត្តទំនើប

PLENG សេវាកម្មតន្រ្តីដ៏សំបូរបែប នៅកម្ពុជា

ដោយ: ដួងច័ន្ទ 10 AM, Friday, 08 Mar, 2019

អ្នកស្រឡាញ់តន្រ្តីនៅទូទាំងប្រទេសកម្ពុជានឹងរីករាយកាន់តែខ្លាំងចំពោះការស្តាប់ចម្រៀងសំណព្វចិត្ត ជាមួយនឹងការដាក់ឱ្យដំណើរការកម្មវិធីថ្មី គឺកម្មវិធី Pleng ដែលនឹងផ្តល់នូវចម្រៀងខ្មែរ និងអន្តរជាតិលើសពីមួយលានបទ ទាំងការប្រើប្រាស់ Online និង Offline និងការស្តាប់តន្រ្តីតាមវិទ្យុ ចេញពីបណ្តាញវិទ្យុជាច្រើន ផ្តល់នូវការស្តាប់តន្រ្តីចម្រុះរសជាតិ។

ទាញចេញពីកម្មវិធី Smart Music app របស់ក្រុមហ៊ុន Smart កម្មវិធី Pleng ប្រើប្រាស់បច្ចេកវិទ្យាមកពីក្រុមហ៊ុន Hungama ដែលជាក្រុមហ៊ុនកំសាន្តឌីជីថលឈានមុខគេនៅក្នុងប្រទេសឥណ្ឌា និងក្រុមហ៊ុនហង្សមាស ដែលជាក្រុមហ៊ុនផ្តល់នូវសិល្បៈកំសាន្តធំជាងគេនៅក្នុងស្រុក ក្នុងនាំមកនូវជម្រើសបទចម្រៀងដ៏សម្បួរបែបមកកាន់អ្នកស្តាប់ទាំងអស់នៅកម្ពុជា។
ការទាញយកគ្មានដែនកំណត់ ការទស្សនាវីដេអូតាមចំណង់ចំណូលចិត្ត និងការស្តាប់វិទ្យុបន្តផ្ទាល់ នឹងទាមទារការចំណាយពីអ្នកប្រើប្រាស់ក្នុងតម្លៃត្រឹមតែ $1 ប៉ុណ្ណោះក្នុងមួយខែ ជាមួយនឹង App ដែលអាចប្រើប្រាស់បានទាំងនៅលើទូរសព្ទ Apple និង Android និងសម្រាប់អ្នកប្រើប្រាស់គ្រប់បណ្តាញទូរសព្ទចល័តទាំងអស់នៅក្នុងប្រទេសកម្ពុជា។ កត់ចំណាំថាវាមិនមែនសម្រាប់តែអ្នកប្រើប្រាស់បណ្តាញ Smart ប៉ុណ្ណោះទេ។

លោក Thomas Hundt នាយកប្រតិបត្តិរបស់ក្រុមហ៊ុន Smart Axiata បានរៀបរាប់ថា «ចាប់ពីឆ្នាំ 2015 មក ក្រុមហ៊ុន Smart បានធ្វើការនាំមុខគេ ក្នុងការដាក់ឱ្យដំណើរការកម្មវិធីតន្រ្តីនៅក្នុងប្រទេសកម្ពុជា ដោយធ្វើការលើកកម្ពស់សិល្បៈករកម្ពុជា និងការរៀបចំកម្មវិធីប្រគុំតន្រ្តីលំដាប់អន្តរជាតិធំៗជាច្រើន»។

សិល្បករកម្ពុជានឹងទទួលបានកម្រៃសម្រាប់បទចម្រៀងរបស់ពួកគេ ហើយយើងសង្ឃឹមថាគំរូបច្ចេកវិទ្យាថ្មីសម្រាប់ការលើកកម្ពស់ និងគាំទ្រសិល្បករដថ្មីនេះ នឹងជួយធានាដល់ការរីកចម្រើន និងការអភិវឌ្ឍន៍វិស័យតន្រ្តីនៅកម្ពុជា។
តោះមកធ្វើការគាំទ្របច្ចេកវិទ្យាច្នៃប្រឌិតថ្មីនៅក្នុងស្រុកយើង ក៏ដូចជារួមគ្នាលើកកម្ពស់តម្លៃសិល្បៈខ្មែរទាំងអស់គ្នា តាមរយៈការទាញយកកម្មវិធី Pleng មកប្រើប្រាស់ឱ្យបានគ្រប់ៗគ្នា។

ប្រភព: geeksincambodia ផ្នែក: បែបបទជីវិត, សិល្បៈ

អត្ថបទអ្នកចង់អាន

វិធីសាស្រ្តជ្រើសរើសសម្លៀកបំពាក់ ដ៏សក្តិសមសម្រាប់ការបំពេញការងារ

ដោយ: ដួងច័ន្ទ 7 PM, Friday, 07 Apr, 2017

ការស្លៀកពាក់ដ៏សមរម្យ សម្រាប់ការធ្វើការក្នុងការិយាល័យ ជាបញ្ហាដ៏សំខាន់ ដែលទាមទារឱ្យមានការគិត គូរឱ្យបានល្អិតល្អន់ ជាពិសេសកន្លែងការងារ ដែលមានវិន័យតឹងរឹ...

ការតុបតែងការិយាល័យ ផ្តល់អារម្មណ៍ដូចគេហដ្ឋាន

ដោយ: ដួងច័ន្ទ 10 PM, Sunday, 24 Dec, 2017

ទំនើប ដឹងច្បាស់ថាការធ្វើការ ក្នុងការិយាល័យពេលខ្លះ ផ្តល់នូវអារម្មណ៍ធុញថប់ ដែលធ្វើឱ្យអ្នកចង់តែ ត្រឡប់ទៅផ្ទះវិញ។ ដំណោះស្រាយបរិយាកាស នៅក្នុងបន្ទប់ការិយ...

សម្ភារៈ ជួយថែរក្សាសណ្តាប់ធ្នាប់ ក្នុងផ្ទះបាយ

ដោយ: ដួងច័ន្ទ 10 AM, Sunday, 31 Dec, 2017

សណ្តាប់ធ្នាប់ក្នុងគេហដ្ឋានពិតជាសំខាន់ ជាពិសេសនៅក្នុងផ្ទះបាយ ដូច្នេះអ្នកពិតជាត្រូវការសម្ភារៈ ប្រើប្រាស់ដែលអាច ជួយអ្នកទុកដាក់សម្ភារៈនានាឱ្យបានត្រឹមត្...

ម៉ូដគេហដ្ឋាន បែបការិយាល័យទាំង 10

ដោយ: ដួងច័ន្ទ 10 PM, Saturday, 25 Nov, 2017

គេហដ្ឋានតុបតែងតាមបែបការិយាល័យភាគច្រើន ជាចំណូលចិត្តដ៏ពិសេសមួយសម្រាប់អ្នកស្រឡាញ់ការងារ និងការសិក្សា។ វាជាការតុបតែងដែលពោរពេញដោយគំនិតច្នៃប្រឌិតខ្ពស់ មា...

Tomnerb.Com - YouTube Channel