ចូលចិត្តទំនើប

ស្ទើរតែ 80% នៅក្នុងប្រទេសជប៉ុនគាំទ្រស្រ្តី ឱ្យស្នងរាជបល្ល័ង្ក និង 82% មានអារម្មណ៍ស្រឡាញ់ព្រះចៅអធិរាជថ្មី!

ដោយ: ភារុន 8 AM, Thursday, 16 May, 2019

ការស្ទង់មតិរបស់វិបសាយព័ត៌មាន Kyodo News របស់ប្រទេសជប៉ុន បានបង្ហាញថា កាលពីថ្ងៃព្រហស្បតិ៍ ទី02 កន្លងទៅនេះថា ស្ទើរតែលើសពី 82% នៃអ្នកឆ្លើយនូវសំណួរ មានអារម្មណ៍ស្រឡាញ់នឹងព្រះចៅអធិរាជថ្មី Naruhito ដែលទើបនឹងគ្រងតំណែងនាពេលថ្មីៗនេះ។ ប៉ុន្តែក៏មាន 80% ក៏បាននិយាយថាពួកគេក៏នឹងគាំទ្រផងដែរ ចំពោះការអនុញ្ញាតឱ្យស្រ្តីអាចឡើងគ្រងរាជបល្ល័ង្ក ធ្វើជាអធិរាជថ្មី ផងដែរ។

នៅអំឡុងនៃការស្ទាបស្ទង់មតិទូទាំងប្រទេសរយៈពេលពីរថ្ងៃ ដែលបានធ្វើឡើងបន្ទាប់ពីថ្ងៃគ្រងរាជរបស់ព្រះចៅអធិរាជថ្មីNaruhito កាលពីថ្ងៃ ពុធ ទី 01 កន្លងទៅនេះ ក៏បានបង្ហាញថាមានអត្រា 82,5% បាននិយាយថាពួកគេមានអារម្មណ៍ស្រឡាញ់ដល់ព្រះចៅអធិរាជថ្មី Naruhito វ័យ 59ឆ្នាំ ខណៈពេលដែលមតិ 11,3% មិនមាន។ ផ្ទុយទៅវិញ ក៏មានមតិ 79,6% បានលើកឡើងថាពួកគេនឹងគាំទ្រដល់ស្រ្តីម្នាក់ អាចឡើងគ្រងរាជបល្ល័ង្កនាពេលអនាគត ខណៈពេលដែលមតិ 13,3% មិនមាន។

ប្រិយមិត្តអ្នកអានមានដឹងដែរឬទេ? រយៈពេលប៉ុន្មានឆ្នាំចុងក្រោយនេះ ប្រទេសជប៉ុនមានការព្រួយបារម្ភ អំពីការស្នងរាជ្យ ដែលគ្រាន់តែអនុញ្ញាតឱ្យត្រឹមតែជាបុរស ទើបអាចទទួលស្នងតំណែងពីព្រះបិតា ក្នុងការឡើងគ្រងរាជធ្វើជាព្រះចៅអធិរាជបាន។ ម្យ៉ាងទៀត នៅក្នុងគ្រួសាររាជ្យវង្សបន្ទាប់ពីព្រះចៅអធិរាជថ្មី Naruhito វ័យ 59ឆ្នាំ ក៏នៅសល់តែបុត្រា និងបុត្រី របស់ទ្រង់ជាមួយនឹងព្រះមហេសី Masako នោះគឺព្រះរាជបុត្រ Hisahito វ័យ 12ឆ្នាំ និងព្រះនាង Aiko វ័យ 17ឆ្នាំ ប៉ុណ្ណោះ។

គួរបញ្ជាក់ផងដែរថា យោងទៅតាមរដ្ឋាភិបាលប្រទេសជប៉ុន ការចំណាយសម្រាប់ពិធីឡើងគ្រងរាជសម្បត្តិ របស់ព្រះចៅអធិរាជថ្មី មានទំហំទឹកប្រាក់ខ្ទង់ 2.7 ពាន់លានយ៉េន ឬស្មើរនឹង 24 លានដុល្លារអាមេរិច។ ចំណែក ប្រជាជប៉ុនទូទាំងប្រទេសក៏នឹងត្រូវបានអនុញ្ញាតឲ្យឈប់សម្រាករយៈពេល 10ថ្ងៃផងដែរ៕

ប្រភព: japantimes ផ្នែក: បែបបទជីវិត, សិល្បៈ

អត្ថបទអ្នកចង់អាន

អ្នកសិល្បៈផ្នែកគំនូរជនជាតិជប៉ុនមួយរូប បានធ្វើការផ្លាស់ប្តូរដុំថ្ម ទៅជារូបសត្វដ៏រស់រវើក ដែលអ្នកអាចរក្សាទុកក្នុងដៃបាន!!!

ដោយ: ភារុន 9 AM, Wednesday, 10 Jul, 2019

ភាពស្រស់ស្អាត គឺស្ថិតនៅជុំវិញខ្លួនយើងជានិច្ច សូម្បីតែអ្វីដែលយើងមិនរំពឹងទុក ដូចជាវាស្ថិតនៅក្រោមជើង…ជាដើម។ ហើយសម្រាប់វិចិត្រករជនជាតិជប៉ុន អ្នកន...

Anne Hathaway សប្បាយចិត្តណាស់ មានផ្ទៃពោះជាមួយស្វាមីហើយ

ដោយ: វិរីយា៉ 9 PM, Wednesday, 23 Mar, 2016

អាច​និយាយបានថា ​មួយរយៈ​នេះ អ៊ែន ហេ​ត​សា​វេ​យ៍ តារា​ឯក​ស្រី​ហូលីវូដ​រូប​ស្អាត ​ភ្នែក​មុត​កំពុងមាន​សេចក្តីសុខ​ខ្លាំងណាស់ ព្រោះ​ជីវិត​អាពាហ៍ពិពាហ៍​របស...

ម៉ាកគ្រឿងអលង្ការ ដែលមានតម្លៃថ្លៃបំផុត ទាំង10

ដោយ: ដួងច័ន្ទ 8 PM, Thursday, 27 Apr, 2017

គ្រឿងអលង្ការ គឺជាគ្រឿងលម្អដែលមនុស្សគ្រប់វ័យ មិនថាក្មេងចាស់ ប្រុសស្រីអាចប្រើប្រាស់បានទាំងអស់។ រាប់ចាប់ពីខ្សែកបែបកីឡា រហូតដល់ចិញ្ចៀនពេជ្រ គ្រឿងអលង្កា...

តោះ! មកស្គាល់ម៉ូតូថ្លៃបំផុតទាំង 10 នៅលើពិភពលោក

ដោយ: ភារុន 9 AM, Wednesday, 06 Mar, 2019

បុរសៗគឺតែងតែចូលចិត្តចំពោះ ម៉ូតូធំៗជាមួយនឹងកង់ម៉ូតូធ្ងន់ៗ។ ក្រុមហ៊ុនផលិតម៉ូតូដ៏ប្រណិតៗមួយចំនួននៅជុំវិញពិភពលោក បានផលិតម៉ូតូដ៏ល្អប្រណិត ដើម្បីបញ្ជាក់ព...

Tomnerb.Com - YouTube Channel