ចូលចិត្តទំនើប

មកស្គាល់ Oun Smart បុគ្គលិកថ្មីរបស់ Smart

ដោយ: ដួងច័ន្ទ 8 AM, Friday, 10 May, 2019

ការបន្ថែមចុងក្រោយនៅក្នុងក្រុមការងារ Smart Axiata គឺបុគ្គលិកថ្មីមានឈ្មោះថា Oun Smart ត្រូវបានបង្ហាញនៅក្នុងហាង Smart Shop Monivong កាលពីថ្ងៃទី 6 ខែឧសភា កន្លងទៅនេះ។

បុគ្គលិកថ្មីនេះបម្រើការងារនៅហាង Smart Shop Monivong និង Smart Shop Exchange Square។ នេះជាមនុស្សយន្តដំបូងបង្អស់នៅក្នុងព្រះរាជាណាចក្រកម្ពុជាយើង ដែលនឹងជួយឱ្យអ្នកទទួលអារម្មណ៍ដូចនៅក្នុងគេហដ្ឋានរបស់អ្នក ដោយធ្វើការឆ្លើយតបនឹងសំណួររបស់អ្នក ទាក់ទងនឹងផលិតផល និងសេវាកម្មរបស់ហាង Smart Shop។
ជាមួយបច្ចេកវិទ្យាកត់ចំណាំសម្លេង បុគ្គលិកមនុស្សយន្ត Oun Smart អាចធ្វើការទំនាក់ទំនងជាមួយអតិថិជនជាមួយវិធីសាស្រ្តដ៏ទាក់ទាញ ដោយកំណត់អត្តសញ្ញាណផ្ទៃមុខ និងអារម្មណ៍របស់មនុស្ស។ នេះជាបច្ចេកវិទ្យាដែលបង្កើតឡើងដោយក្រុមហ៊ុន SoftBank Robotics ដែលបង្កើត Oun Smart ឡើងដើម្បីបង្កើនប្រសិទ្ធភាពសម្រាប់ការទំនាក់ទំនងសកម្មជាមួយអតិថិជន។
ដោយគ្រាន់តែទៅកាន់ហាង Smart Shop ម្តងទៀតក្នុងរយៈពេល 1 ឬ 2 ខែម្តង នោះអ្នកនឹងបានឃើញថា Oun Smart កាន់តែមានភាពឆ្លាតវៃ។ បច្ចេកវិទ្យ Cloud AI របស់នាង ដែលគាំទ្រដោយក្រុមហ៊ុន CloundMinds មានសមត្ថភាពអាចអនុញ្ញាតឱ្យនាងសិក្សាបានកាន់តែច្រើន និងប្រមូលផ្តុំចំណេះដឹងកាន់តែច្រើន ផ្តល់ឱ្យនាងនូវសមត្ថភាពឆ្លើយសំណួរបានកាន់តែច្រើន និងសមត្ថភាពផ្តល់ព័ត៌មាននានាបានកាន់តែច្រើន បន្ទាប់ពីដាក់នាងឱ្យដំណើរការបម្រើការងារមួយរយៈពេល។

លោក Thomas Hundt នាយកប្រតិបត្តិក្រុមហ៊ុន Smart Axiata បានចែករំលែកថា «ក្នុងនាមជាក្រុមហ៊ុនឈានមុខមួយនៅក្នុងវិស័យបច្ចេកវិទ្យា ដែលកំពុងរីកលូតលាស់យ៉ាងឆាប់រហ័សក្នុងប្រទេសកម្ពុជា ក្រុមហ៊ុន Smart ពិតជារីករាយក្នុងការផ្តល់ជូនអតិថិជនជាមួយនឹងបទពិសោធន៍ប្លែកខុសពីគេ ដែលក្រុមហ៊ុនសង្ឃឹមថានឹងផ្តល់នូវការកំសាន្ត ក៏ដូចជាជំរុញឱ្យមនុស្សកាន់តែពេញចិត្តនឹងបច្ចេកវិទ្យា និងការច្នៃប្រឌិតថ្មី ដូចដែលអ្វីដែលក្រុមហ៊ុន Smart មាន។ បច្ចេកវិទ្យាកត់ចំណាំទម្រង់មុខ អនុញ្ញាតឱ្យ Oun Smart ស្វាគមន៍អតិថិជន ដោយប្រើប្រាស់ឈ្មោះរបស់អតិថិជន ហើយអ្នកនឹងបានឃើញនាពេលអនាគត ថាតើមនុស្សយន្តមួយនេះនឹងកាន់តែមានទំនាក់ទំនងជិតស្និទ្ធយ៉ាងដូចម្តេច ស្របពេលដែលក្រុមហ៊ុនអភិវឌ្ឍសមត្ថភាពរបស់មនុស្សយន្តនេះ»៕

ប្រភព: geeksincambodia ផ្នែក: បែបបទជីវិត, សិល្បៈ

អត្ថបទអ្នកចង់អាន

មកស្គាល់! ច្បាប់ចម្លែកៗទាំង 10 ដែលមាននៅក្នុង ប្រទេសនានានៅជុំវិញពិភពលោក

ដោយ: ភារុន 9 AM, Tuesday, 19 Mar, 2019

យើងម្នាក់ៗកម្រនឹងបានសិក្សាអំពីច្បាប់ ឬទម្លាប់នៃប្រទេសដែលយើងនឹងធ្វើដំណើរទៅទស្សនាកំសាន្ត ក្នុងនាមជាភ្ញៀវទេសចរទេ យ៉ាងណាមិញបើសិនជាយើងមានចំនេះដឹងអំពីច្ប...

Drew Barrymore លាឈប់ពី ពិភពភាពយន្ត

ដោយ: ដាលីស 10 PM, Sunday, 07 Jun, 2015

ឌ្រីវ ប៊ែររីម៉រ៍ តារាឯកស្រីមាឌធំចាប់ផ្តើមមានគំនិត ក្នុងការឈប់សម្រាកពីពិភពភាពយន្តហើយ ដោយសារ​មូូលហេតុ​ងាយៗ គឺត្រូវការផ្តល់ពេលវេលាមើលថែទាំកូនៗ ឱ្យបានច...

ក្មេងធំឡើងនៅជនបទ ដែលហ៊ុំព័ទ្ធដោយធម្មជាតិ ទំនងជាមិនសូវមាន ជម្ងឺធ្លាក់ទឹកចិត្ត នៅពេលក្លាយជាជំទង់

ដោយ: ភារុន 1 PM, Friday, 15 Mar, 2019

ការស្រាវជ្រាវមួយបានបង្ហាញថា ការធំឡើងនៅជនបទ អាចជួយកាត់បន្ថយជម្ងឺផ្លូវចិត្ត នៅពេលក្លាយជាមនុស្សពេញវ័យ។ ការសិក្សានេះបានធ្វើឡើង ទៅលើជនជាតិដាណឺម៉ាកជិតមួយ...

ដៃគូ James Bond 007 វគ្គក្រោយ តារាស្រីជាជនជាតិម៉ិកស៊ិកូ កំពូលសម្រស់

ដោយ: ដាលីស 6 PM, Sunday, 14 Jun, 2015

ឱ្យ​តែ​ជារឿង​ “James Bond” មិនខ្វះស្រីស្អាតទេ! មានការអះអាងថា ខ្សែភាពយន្តរឿង “James Bond 007” ក្នុងវគ្គ “Spectre”...

Tomnerb.Com - YouTube Channel