ចូលចិត្តទំនើប

Beyonce Knowles ឡើង គម្របទស្សនាវដ្តី TIME

ដោយ: ដាលីស 8 PM, Tuesday, 02 Jun, 2015

អាចនិយាយបានថា ជាស្រ្តីម្នាក់ដែលទទួលបានជោគជ័យខ្លាំងបំផុត សម្រាប់ ប៊ីយ៉ន់សេ តារាចម្រៀង​ស្រី​សំឡេង​ប្រកប​​ដោយថាមពល កំពូលភរិយាដ៏ស្អាតរបស់ ជេយ៍-ហ្ស៊ី បិតានៃពិភពបទភ្លេងហ៊ីបហប់ដ៏ល្បីល្បាញ បន្ទាប់ពីនាងត្រូវ​បាន​ជ្រើស​រើសឱ្យថតដាក់លើគម្របមុខ របស់ទស្សនាវដ្តី TIME ក្នុងឋានៈជាមនុស្សម្នាក់ក្នុងចំណោមមនុស្ស 100នាក់ ដែលមាន​ឥទ្ធិពល​បំផុត​លើពិភពលោក ឬ 100 Most Influential People។

ស៊ុភើរ៍ស្តារ៍ វ័យ 32ឆ្នាំ ទទួលបានជោគជ័យយ៉ាងខ្ពស់បំផុត ទាំងក្នុងអាជីពក្នុងពិភពសិល្បៈ ទាំងការបំពេញ​តួនាទី​ជា​អ្នក​ម្តាយរបស់កូនស្រីតូចមួយ ដោយ ឈើរីល ស៊ែនប៊ើក (Sheryl Sandberg) អ្នកគ្រប់គ្រងផ្នែកប្រតិបត្តិការរបស់ Facebook​.com បានបង្ហាញការយល់ឃើញ ចំពោះភាពជោគជ័យ​របស់ ប៊ីយ៉ន់សេ ដែលធ្វើឱ្យនាងត្រូវបានជ្រើស​រើសលើក​នេះ​ថា៖

ប៊ីយ៉ន់សេ មិនមែនគ្រាន់តែអង្គុយស្ងៀមៗ នៅនឹងតុប៉ុណ្ណោះទេ តែនាងបានសាងអ្វីគ្រប់យ៉ាងឱ្យរឹតតែល្អឡើង ថ្ងៃនេះ​នាង​​ជាអ្នកគ្រប់គ្រងរបស់ Parkwood Emtertainment នាងផ្តល់ការគាំទ្រទាំងក្នុង​ និងក្រៅឆាក ដើម្បីជំរុញឱ្យ​បណ្តាស្រ្តី​ទាំង​ឡាយ​ត្រូវតែពឹងពាក់លើខ្លួនឯង និងមានភាពជាអ្នកដឹកនាំ។ ក្នុងអំឡុងឆ្នាំកន្លងទៅ ប៊ីយ៉ន់សេ លក់សំបុត្រចូលទស្សនា​ខនស៊ើត Mrs. Carter​ Show World Tour អស់រលីង ខណៈពេលជាមួយគ្នា នាងក៏បានបំពេញតួនាទីជាអ្នកម្តាយ​យ៉ាងពេញ​ទំហឹង​ដែរ គន្លឹះសម្ងាត់របស់នាងគឺ ធ្វើការឱ្យខ្លាំង ស្មោះត្រង់ និងមានភាពគួរឱ្យជឿជាក់” ស៊ែនប៊ើករៀបរាប់។

ការចាត់លំដាប់ថ្នាក់ អ្នកមានឥទ្ធិពលខ្លាំងបំផុតក្នុងពិភពលោកនេះ ទស្សនាវដ្តី ថាម បានរួបរួមឈ្មោះរបស់បុគ្គល​ដែល​បាន​សាង​នូវកម្លាំងជំរុញចិត្ត ជាមនុស្សគួរឱ្យគោរព និងជាមនុស្សមានគុណធម៌ចំពោះអ្នកដទៃ ដោយអ្នកដែល​មានឈ្មោះ​ជាប់​​លំដាប់​ថ្នាក់​ទាំង​នោះ នៅបានទទួលការទទួលស្គាល់ និងការកោតសរសើរ ពីបណ្តាជនល្បីឈ្មោះឯទៀតៗផងដែរ៕

Beyonce-Knowles-01

Beyonce-Knowles-02

Beyonce-Knowles-09

Beyonce-Knowles-06

Beyonce-Knowles-03

Beyonce-Knowles-08

អត្ថបទអ្នកចង់អាន

ម៉ូដបន្ទប់ ផ្តល់នូវទីតាំងធំទូលាយ និងពន្លឺក្នុងគេហដ្ឋាន

ដោយ: ដួងច័ន្ទ 11 AM, Thursday, 09 Nov, 2017

ថ្ងៃនេះ ទំនើប សូមនាំយកនូវការច្នៃម៉ូដបន្ទប់ក្នុងគេហដ្ឋាន ដែលធ្វើឱ្យគេហដ្ឋានកាន់តែធំទូលាយ និងនាំមកនូវពន្លឺគ្រប់គ្រាន់ នៅក្នុងគេហដ្ឋាន។ Fukushima Hous...

១២ កៅអី សម្រាប់សួនច្បារសេដ្ឋី

ដោយ: ស. លីង 11 PM, Saturday, 28 Oct, 2017

ហេតុដែលហៅថា កៅអីសម្រាប់សួនច្បារសេដ្ឋី ព្រោះតែកៅអីទាំង ១២ នេះមានតម្លៃថ្លៃរយដុល្លារសហរដ្ឋ។ មិនត្រឹមតែថ្លៃទេ កៅអីនីមួយៗមានឈ្មោះទៀតផង។ ចង់ដឹងថា តើកៅអីស...

វិធីសាស្រ្ត ១០យ៉ាង សម្រាប់ការតុបតែងបន្ទប់គេង

ដោយ: ដួងច័ន្ទ 10 PM, Tuesday, 21 Mar, 2017

ពង្រីកទំហំបន្ទប់គេង របស់អ្នកជាមួយវិធីសាស្រ្តងាយៗ ដើម្បីទទួលបានបន្ទប់គេង ដែលផ្តល់នូវផាសុកភាព គេងលក់ស្រួល និងសុបិន្តល្អ។ ១. ការរួមបញ្ចូលគ្នា និងស៊ីគ្...

វិធីសាស្រ្ត ៧យ៉ាង សម្រាប់ការពាក់គ្រឿងអលង្ការ

ដោយ: ដួងច័ន្ទ 8 PM, Thursday, 06 Apr, 2017

គ្រឿងអលង្ការជាគ្រឿងលម្អ ដែលផ្តល់ជីវិតដល់សម្លៀកបំពាក់ និងផ្តល់នូវសម្រស់ដ៏ស្រ់ត្រកាលដល់ អ្នក។ តើមានតិចនិកល្អប្រសើរណាមួយ សម្រាប់ប្រើប្រាស់គ្រឿងអលង្ការ...

Tomnerb.Com - YouTube Channel