ចូលចិត្តទំនើប

សាលារៀនមួយនៅប្រទេសឥណ្ឌា បានទទួលយកកាកសំណល់ប្លាស្ទិច ជាថ្លៃបង្រៀនសិស្ស!

ដោយ: ភារុន 8 AM, Saturday, 08 Jun, 2019

ចាប់តាំងពីឆ្នាំ 2016 លោក Parmita Sarma និងអ្នកស្រី Mazin Mukhtar បានចាប់ផ្តើមបើកសាលារៀនដ៏តូចមួយ ដែលមានឈ្មោះថា «Akshar» នៅក្នុងរដ្ឋ Assam ប្រទេសឥណ្ឌាភាគខាងជើង ដើម្បីអប់រំដល់កុមារក្រីក្រ។

លើសពីនេះ អ្នកទាំងពីរ ក៏បានបំផុសគំនិតដ៏ល្អមួយ ដោយអនុញ្ញាតឱ្យសិស្សានុសិស្សយកកាកសំណល់ប្លាស្ទិចពីផ្ទះរបស់ពួកគេ ឬផ្ទះអ្នកជិតខាង នាំមកសាលារៀន ដើម្បីប្តូរជាកម្រៃ ក្នុងការបង់ថ្លៃសិក្សា។ អ្វីដែលចាប់ផ្តើមនេះ គឺជាបទពិសោធន៍ថ្មីមួយ ដើម្បីផ្លាស់ប្តូរពិភពលោក ឱ្យកាន់តែប្រសើរឡើង ហើយនេះក៏ជារឿងមួយដ៏គួរឱ្យភ្ញាក់ផ្អើល សម្រាប់ពិភពលោកទាំងមូលផងដែរ។


លោក Parmita និងអ្នកស្រី Mazin គឺជាអ្នកជំនាញផ្នែកអប់រំ ហើយក៏ធ្លាប់បានធ្វើការងារនៅក្នុងផ្នែកសង្គមកិច្ចថែមទៀត។ ម្យ៉ាងទៀត អ្នកទាំងពីរ ក៏បានចាប់ផ្តើមបើកសាលារៀននេះឡើងមក ដើម្បីជួយកុមារក្រីក្រនៅក្នុងតំបន់ ឱ្យរៀនពីជំនាញដែលពួកគេត្រូវការ រហូតដល់ពួកគេធំពេញវ័យ។ ប៉ុន្តែ អ្នកទាំងពីរបានជួបឧបសគ្គមួយដ៏ធំ នោះគឺការបញ្ចុះបញ្ចូលអ្នកស្រុក ដើម្បីអនុញ្ញាតឱ្យកូនៗរបស់ពួកគេមកសាលារៀន ដោយសារតែកុមារជាច្រើននៅក្នុងតំបន់នេះ ត្រូវបានធ្វើការនៅក្នុងកន្លែងយកថ្ម ដោយក្មេងៗបានទទួលប្រាក់ខែ សម្រាប់ថ្លៃពលកម្មរបស់ពួកគេ។ ដូច្នេះ ដើម្បីទាក់ទាញក្មេងៗឱ្យមកសាលារៀន លោក Parmita និងអ្នកស្រី Mazin បានបង្កើតគំរូបង្រៀន «មិត្តភក្តិបង្រៀនទៅមិត្តភក្តិ» នោះគឺក្មេងធំត្រូវបង្រៀនក្មេងតូច និងទទួលបានជាការទូទាត់រូបិយប័ណ្ណ Toy ដែលពួកគេអាចប្រើ ដើម្បីទិញអាហារមួយចំនួន នៅក្នុងហាងក្បែរៗនោះ ឬ របស់របរផ្សេងទៀតតាមរយៈអ៊ីនធឺណិត។ ហើយលោក Parmita ក៏បាននិយាយថា «យើងគ្រាន់តែផ្លាស់ប្តូរវា ឱ្យទៅជារូបិយប័ណ្ណពិត ដើម្បីទិញរបស់របរពី Amazon និងអាចទិញបានក្នុងចំនួនមួយ»។

បន្ថែមលើនេះ ការប្រយុទ្ធប្រឆាំងនឹងពលកម្មរបស់កុមារ នឹងណែនាំឱ្យកុមារមកសាលារៀន មិនមែនជាបញ្ហាតែមួយគត់ ដែលលោក Parmita និងអ្នកស្រី Mazin ត្រូវដោះស្រាយនោះទេ ប៉ុន្តែអ្នកទាំងពីរត្រូវដោះស្រាយទៅលើបញ្ហា ដែលអ្នកស្រុកបាននាំគ្នាដុតកាកសំណល់ប្លាស្ទិច ដើម្បីកម្តៅផ្ទះរបស់ពួកគេ ហើយនេះក៏ជាមូលហេតុដ៏ចម្បង ដែលធ្វើឱ្យមានការកើនឡើងនូវសារធាតុពុល នៅក្នុងបរិយាកាស។ ខណៈពេលដែលអ្នកទាំងពីរ បានដឹងពីគ្រោះមហន្តរាយនៃសារធាតុពុលរបស់កាកសំណល់ប្លាស្ទិច ចំពោះប្រព័ន្ធអេកូឡូស៊ីរបស់ផែនដី ដ៏ធំសម្បើម ហើយវាក៏បានធ្វើឱ្យអ្នកទាំងពីរចាប់ផ្តើមមានគំនិត ផ្លាស់ប្តូរកាកសំណល់ប្លាស្ទិច ទៅជាថ្លៃសិក្សា នេះឡើងមក។ ដូច្នេះ ឥឡូវនេះ នៅពេលព្រឹកក្មេងៗបានកាន់ថង់ ដែលពោរពេញទៅដោយកាកសំណល់ប្លាស្ទិច មកសាលារៀន ជារៀងរាល់ថ្ងៃ។

ម្យ៉ាងវិញទៀត បរិវេណសាលារៀន ក៏មានមជ្ឈមណ្ឌលកែច្នៃឡើងវិញ ផ្ទាល់ខ្លួន ដូច្នេះ កាកសំណល់ប្លាស្ទិច ដែលប្រមូលបានមកពីសិស្សានុសិស្ស ត្រូវបានក្លាយទៅជាសម្ភារៈប្រើប្រាស់មួយចំនួន ឧទាហរណ៍៖ ដបទឹកប្លាស្ទិច ដែលត្រូវបានបោះចោលនៅក្នុងគំនរសំរាម ឬក៏ ដុតចោល ឥឡូវនេះ ត្រូវបានក្លាយជាឥដ្ឋ ដបប្លាស្ទិចដ៏រឹងមាំ ដែលប្រើសម្រាប់សាងសង់របងការពារ ដើមផ្កា ឬ ដើមឈើ នៅក្នុងបរិវេណសាលារៀន…ជាដើម៕

ប្រភព: brightside ផ្នែក: បែបបទជីវិត, សិល្បៈ

អត្ថបទអ្នកចង់អាន

៥ ម៉ូដតុបតែង រានហាលតូចចង្អៀត

ដោយ: ចរិយា 11 PM, Saturday, 25 Mar, 2017

រានហាលមុខផ្ទះ ឬក្រោយផ្ទះតូចពិតជាពិបាកតុបតែងណាស់ ប៉ុន្តែមិនមែនមិនអាចតុបតែងបាន នោះទេ។ ជាមួយនឹងម៉ូដទាំង ៥ ខាងក្រោមនេះ ម្ចាស់គេហដ្ឋានអាចបង្កើត នូវកន្លែ...

ចិញ្ចៀន ត្បូងបី

ដោយ: ដួងច័ន្ទ 9 PM, Monday, 12 Jun, 2017

មនុស្សកើតមកតែងមានគូរ មិនថាយូរ ឬឆាប់ទេ ប៉ុន្តែការស្វែងរកដៃគូរួមជីវិត មិនមែនជារឿងងាយស្រួលនោះទេ។ នៅពេលដែលអ្នក ស្វែងរកឃើញមិត្តមួយរយឆ្នាំហើយ អ្នកនឹងចង់រ...

វិធីសាស្រ្តរៀបចំបន្ទប់គេង ពោរពេញដោយភាពរ៉ូមេនទិច

ដោយ: ដួងច័ន្ទ 11 PM, Thursday, 23 Mar, 2017

តើអ្នកចង់ប្រែក្លាយបន្ទប់គេង របស់អ្នកឱ្យក្លាយជាទីកន្លែងពោរពេញ ដោយភាពផ្អែមល្ហែមរ៉ូមេនទិក ឬទេ? វិធីសាស្រ្តសម្រាប់ការរៀបចំបន្ទប់គេង បែបរ៉ូមេនទិកខាងក្រោ...

កំពូលក្រុមតារាចម្រៀងប្រុសកូរ៉េដ៏ពេញនិយមបំផុតទាំង 10 ប្រចាំខែ តុលា

ដោយ: ភារុន 9 AM, Thursday, 18 Oct, 2018

មជ្ឈមណ្ឌលផ្នែកប្រជាប្រិយភាពរបស់តារាកូរ៉េខាងត្បូង ក៏ធ្វើការចេញផ្សាយដំណាលគ្នាចំពោះក្រុមតារាចម្រៀងប្រុស និង ស្រីដ៏ល្បីៗប្រចាំខែនិមួយៗ ដែលពួកគេស្ថិតនៅក...

Tomnerb.Com - YouTube Channel