ចូលចិត្តទំនើប

តោះ! គួរដឹង 7 ចំណុចដែលឪពុកម្តាយ ត្រូវបានគេណែនាំ ឱ្យបង្រៀនកូនៗ

ដោយ: ចរិយា 8 AM, Tuesday, 13 Aug, 2019

ឪពុកម្តាយជាច្រើនតែងតែជួបនឹងស្ថានភាពនៅក្នុងកាលៈទេសៈពួកគេចង់អប់រំកូនៗរបស់ពួកគេ ឱ្យមានអារម្មណ៍ភ័យខ្លាចក្នុងការធ្វើរឿងអាក្រក់ ធ្វើកំហុសអ្វីមួយ។ វាគឺជារឿងធម្មតាទេ ដែលឪពុកម្តាយចង់ការពារកូនៗរបស់ពួកគេ ប៉ុន្តែនៅក្នុងស្ថានភាពមួយចំនួន នៅពេលឪពុកម្តាយបានអនុញ្ញាតឱ្យកូនៗធ្វើកិច្ចការងារណាមួយ ដោយខ្លួនឯង។ ដូច្នេះឪពុកម្តាយត្រឹមតែគាំទ្រកូនៗប៉ុណ្ណោះ និងបង្រៀនពួកគេពីរបៀបដោះស្រាយបញ្ហាផ្សេងៗ ដែលកំពុងប្រឈម ដើម្បីធ្វើឱ្យពួកគេអាចការពារខ្លួនបាន នាពេលអនាគត។ ថ្ងៃនេះ ទំនើប ចង់ណែនាំមិត្តអ្នកអាន គួរដឹង 7 ចំណុច ដែលឪពុកម្តាយគួរបង្រៀនកូនៗរបស់ខ្លួន ដើម្បីធ្វើឱ្យពួកគេក្លាយជាមនុស្សពេញវ័យ ដែលពោរពេញដោយភាពសប្បាយរីករាយ និងមានទំនុកចិត្តលើខ្លួនឯង។
1. រៀននិយាយពាក្យ «ទេ»
ដើម្បីបង្រៀនកូនរបស់អ្នកឱ្យនិយាយពាក្យ «ទេ» អ្នកត្រូវប្រាប់ពួកគេថា កូនៗត្រូវឆ្លើយតបទៅនឹងអ្វីមួយ ទៅតាមស្ថានភាពជាក់ស្តែង ឧទាហរណ៍ៈ «ខ្ញុំមិនទាន់ធ្វើលំហាត់រួចទេ ដូច្នេះសូមកុំរំខានខ្ញុំ» នេះជាឃ្លាដែលសមហេតុផល ដែលអនុញ្ញាតឱ្យកូនៗរបស់អ្នកមានទំនុកចិត្ត ហើយនឹងគ្មាននរណាម្នាក់អាចបដិសេធបានឡើយ។

2. រៀននិយាយឆ្លើយតបនឹងបញ្ហាដោយខ្លួនឯង ដោយជៀសវាងការមិននិយាយអ្វីទាល់តែសោះ
នៅក្នុងស្ថានភាពដែលកូនៗរបស់អ្នកកំពុងមានជម្លោះជាមួយនឹងមិត្តរួមថ្នាក់ ហើយឪពុកម្តាយមិនគួរជ្រៀតជ្រែកនៅក្នុងជម្លោះនេះផ្ទាល់ទេ ដើម្បីកុំឱ្យរឿងកាន់តែធ្ងន់ធ្ងរជាងនេះ។ ឪពុកម្តាយគួរពន្យល់ប្រាប់កូនថា មនុស្សដែលសម្លុតគេ គឺជាមនុស្សមានបញ្ហា ពីព្រោះមនុស្សបែបនេះចង់ឱ្យគេមើលមកថាខ្លួនខ្លាំងអស្ចារ្យ។ ដូច្នេះ ពន្យល់កុមារគួរបង្ហាញថាពាក្យសម្លុត មិនធ្វើឱ្យកុមារខ្លាចឡើយ។

3. ចំណាត់ថ្នាក់មិនមែនជារឿងសំខាន់បំផុត
រាល់ពេលកូនៗរបស់អ្នកទទួលបានចំណាត់ថ្នាក់មិនល្អ ពួកគេចាប់ផ្តើមយំ ពីព្រោះពួកគេមិនហ៊ានប្រាប់ឪពុកម្តាយ ខ្លាចត្រូវឪពុកម្តាយដាក់ទណ្ឌកម្ម ដូច្នេះ ឪពុកម្តាយមិនគួរស្រែកដាក់កូន ឬ ដាក់ទណ្ឌកម្មដល់ពួកគេចំពោះការទទួលបានពិន្ទុមិនល្អនោះទេ។ ឪពុកម្តាយគួរបង្ហាញកូន ថាសេចក្តីស្រឡាញ់របស់អ្នកខ្លាំងជាងសមិទ្ធិផលនៃចំណាត់ថ្នាក់របស់ពួកគេ ដោយគួរនិយាយថា «ចំណាត់ថ្នាក់លើកនេះមិនល្អ ខំប្រឹងបន្ថែមនៅពេលក្រោយ…»។

4. រៀនជួយ និងការពារអ្នកទន់ខ្សោយ
កូនរបស់អ្នកបានប្រាប់អ្នកថា «ក្មេងប្រុសម្នាក់នៅក្នុងថ្នាក់ត្រូវបានគេធ្វើបាប» ប៉ុន្តែកូនរបស់អ្នកមិនដឹងពីវិធីជួយ។ ជាធម្មតា កុមារខ្លាចនឹងជួយអ្នកទន់ខ្សោយ ពីព្រោះពួកគេមិនហ៊ានប្រថុយ ខ្លាចក្លាយទៅជាជនរងគ្រោះម្នាក់ដែរ នោះហើយជាមូលហេតុដែលគួរពន្យល់ប្រាប់កូនៗរបស់អ្នកថា ការជួយទុក្ខធុរៈអ្នកទន់ខ្សោយ គឺជារឿងសំខាន់ណាស់ ដើម្បីធ្វើឱ្យពួកគេក្លាយជាមនុស្សដ៏ល្អមួយរូបនៅក្នុងសង្គម។

5. បង្រៀនកូន ឱ្យចេះស្រឡាញ់នូវអ្វីដែលខ្លួនចូលចិត្តធ្វើ
ឪពុកម្តាយ ចង់ឱ្យកូនៗសប្បាយចិត្ត និងទទួលសមិទ្ធិផលល្អ នេះជាហេតុដែលឪពុកម្តាយតែងរៀបចំកាលវិភាគរបស់កូនៗ ឱ្យមានសកម្មភាពច្រើនតាមដែលធ្វើទៅបាន។ ប៉ុន្តែវិធីនេះមិនបានបង្ហាញកូនៗរបស់អ្នកថា មិនត្រឹមតែមានវត្ថុដែលពួកគេចូលចិត្តប៉ុណ្ណោះទេ ដែលនាំឱ្យកូនៗចង់ធ្វើនោះទេ។ ដូច្នេះ អ្នកត្រូវបង្រៀនកុមារឱ្យចំណាយពេលមួយម៉ោងក្នុងមួយថ្ងៃនៅលើចំណង់ចំណូលចិត្តរបស់ពួកគេផងដែរ ដូចជា លេងហ្គេមកម្សាន្ត, គូរគំនូរផ្សេងៗ, លេងកីឡា ឬ ធ្វើអ្វីៗផ្សេងៗ។ ធ្វើបែបនេះនឹងធ្វើឱ្យ កូនចេះស្រឡាញ់នូវអ្វីៗដែលខ្លួនចូលចិត្តធ្វើ ជារៀងរាល់ថ្ងៃ។

6. ការហាត់ប្រាណ គឺជាផ្នែកមួយនៃជីវិតមនុស្ស
ជាទូទៅ កីឡាគឺរួមចំណែកដល់កម្រិតនៃទំនុកចិត្តរបស់កូនៗរបស់អ្នក។ ឪពុកម្តាយមិនគួរភ្លេចណែនាំកូនៗថា កាហាត់ប្រាណ គឺជាផ្នែកដ៏សំខាន់មួយ នៃជីវិតរស់នៅរបស់មនុស្ស ដូច្នេះ ឪពុកម្តាយគួរអនុញ្ញាតឱ្យកូនៗជ្រើសរើសសកម្មភាពណាមួយ ដែលពួកគេចង់ហ្វឹកហាត់ ឧទាហរណ៍ៈ ប្រសិនបើកូនៗរបស់អ្នកចូលចិត្តរាំ គួរអនុញ្ញាតឱ្យពួកគេរាំ កុំព្យាយាមឱ្យបាល់ទៅពួកគេលេង…។

7. បង្រៀនកូន ចេះស្រឡាញ់ខ្លួនឯង តាមរបៀបជាខ្លួនឯង
ជាធម្មតា កុមារទាំងអស់មិនថាប្រុស ឬ ស្រី តែងចង់ធ្វើឱ្យខ្លួនឯងមានភាពទាក់ទាញ និងឆ្លាតវៃ។ ដូច្នេះ ឪពុកម្តាយកុំភ្លេចប្រាប់ពួកគេថា «ពួកគេស្អាតណាស់…» ។ ការធ្វើបែបនេះ បង្ហាញថាអ្វីដែលធ្វើឱ្យកូនៗស្រស់ស្អាត មិនមែនជាសម្រស់ស្អាតនោះទេ ប៉ុន្តែ វាគឺជាភាពស្អាតតែមួយគត់របស់ពួកគេ មានដ៏ពិតប្រាកដ។

តើមិត្តៗអ្នកអាន ចង់ឱ្យកូនៗរបស់ខ្លួនដឹងអ្វីខ្លះ មុនពេលពួកគេចូលដល់ជីវិតមនុស្សពេញវ័យ?

ប្រភព: brightside ផ្នែក: បែបបទជីវិត, សិល្បៈ

អត្ថបទអ្នកចង់អាន

18 ចំណុច ដែលយើងធ្វើខុស ជារៀងរាល់ថ្ងៃ

ដោយ: ដួងច័ន្ទ 10 PM, Saturday, 08 Jul, 2017

ជាទូទៅ រាល់ទង្វើដែលយើងធ្វើជាប្រចាំថ្ងៃ គឺស្តែងចេញដោយស្វ័យប្រវត្តិ ពីទម្លាប់របស់មនុស្សម្នាក់ៗ ដោយពុំបានគិតថាតើ យើងអាចពង្រឹង ឬ បង្កើនប្រសិទ្ធភាព សកម្...

ទម្លាប់មិនល្អ 7 យ៉ាងក្នុងការចម្អិនអាហារដែល អ្នកគួរតែជៀសវាង

ដោយ: ភារុន 8 AM, Thursday, 01 Nov, 2018

មនុស្សគ្រប់គ្នាតែងតែមានទម្លាប់មិនល្អខ្លះៗក្នុងការរស់នៅ យ៉ាងណាមិញសូម្បីតែទម្លាប់ក្នុងការចម្អិនអាហារក៏ដោយ ជាពិសេសនៅពេលដែលអ្នកបានរកឃើញជាលើកដំបូង នៅពេល...

ភាពយន្តដែលអ្នករង់ចាំ រឿង ទេសចរណ៍ឋាននរក របស់ កញ្ញា ឈិត សុវណ្ណបញ្ញា ចាក់បញ្ចាំងហើយ!

ដោយ: ស៊ីវងីម 12 AM, Thursday, 29 Sep, 2016

ក្រោយពីធ្វើការផលិតរយៈពេល ប្រមាណជាជាងមួយឆ្នាំទីបំផុត ភាពយន្តរឿង ទេសចរណ៍ឋាននរក ដែលជាការសម្តែងដំបូងរបស់កញ្ញា ឈិត សុវណ្ណបញ្ញា នឹងធ្វើការចាក់បញ្ចាំង នៅរ...

ម៉ូតកៅអីធ្នាក់ដៃ រចនាបទពាក់កណ្តាលសតវត្សសម័យទំនើប ដ៏សក្តិសមសម្រាប់គេហដា្ឋន

ដោយ: ដួងច័ន្ទ 7 PM, Wednesday, 19 Apr, 2017

បើសិនជាអ្នកកំពុងស្វែងរកកៅអី មានធ្នាក់ដៃ មានម៉ូតបែបពាក់កណ្តាលសតវត្សសម័យទំនើប (Mid-Century Modern) សម្រាប់គេហដ្ឋានដ៏ស្រស់ស្អាតរបស់អ្នក អ្នកបានមករកចំគ...

Tomnerb.Com - YouTube Channel