ចូលចិត្តទំនើប

រថភ្លើងស៊េរីទំនើបចំនួន 3 គ្រឿងសម្រាប់បើកបរមកកាន់អាកាសយានដ្ឋាន បានមកដល់ប្រទេសកម្ពុជាហើយ

ដោយ: ភារុន 10 AM, Sunday, 13 Jan, 2019

យោងតាមរយៈទំព័រហ្វេសប៊ុករបស់លោក Ramady Moun បានឱ្យដឹងថា រថភ្លើងTramway ស៊េរីទំនើប 3គ្រឿង ដែលក្រុមហ៊ុន Royal Railway Cambodia បានបញ្ជាទិញពីប្រទេសម៉ិកស៊ីកូ នាថ្ងៃទី០8 ខែមករា ឆ្នាំ2019 នឹងត្រូវបានដឹកតាមកប៉ាល់មកដល់កំពង់ផែស្វយ័តក្រុងព្រះសីហនុហើយ កាលពីថ្ងៃទី09 ខែមករានេះ។ រថភ្លើងធុនស្រាលស៊េរីទំនើបទាំង 3គ្រឿងនេះ នឹងប្រើប្រាស់សម្រាប់ដឹកអ្នកដំណើរពីស្ថានីយរថភ្លើងរាជធានីភ្នំពេញ ឆ្ពោះមកកាន់អាកាសយានដ្ឋានអន្តរជាតិ ភ្នំពេញ។ លក្ខណៈពិសេសរបស់រថភ្លើង Tramway ថ្មីនេះរួមមាន៖ វាមានក្បាលម៉ាស៊ីនចំនួនពីរ គឺមុខមួយ និងក្រោយមួយ ហើយមានបំពាក់ដោយបច្ចេកវិទ្យាចុងក្រោយបំផុត ប្រកបដោយសុវត្ថិភាពខ្ពស់ និងទំនើបទាំងទ្វារស្វ័យប្រវត្តិ, ជណ្តើរ, កៅអី, ម៉ាស៊ីនត្រជាក់, បន្ទប់ទឹក, កន្លែងដាក់អីវ៉ាន់, ប្រព័ន្ធ WiFi, ទូរទស្សន៍ និងប្រព័ន្ធផ្ដល់ព័ត៌មានតាមវីដេអូ ព្រមទាំងអាចរត់បានល្បឿនលឿនដោយចំណាយពេលត្រឹមតែ 25នាទីប៉ុណ្ណោះ ពីស្ថានីយរថភ្លើងរាជធានីភ្នំពេញ ទៅព្រលានយន្តហោះអន្តរជាតិភ្នំពេញ។

គួររំលឹកដែរថា ដើម្បីសម្រួលការធ្វើដំណើររបស់អ្នកដំណើរទៅកាន់អាកាសយានដ្ឋានអន្តរជាតិភ្នំពេញនោះ កាលពីថ្ងៃអង្គារ ទី10 ខែមេសា ឆ្នាំ2018 កន្លងទៅ រាជរដ្ឋាភិបាលកម្ពុជា តាមរយៈក្រសួងសាធារណការ និងដឹកជញ្ជូន រួមជាមួយនឹងក្រុមហ៊ុន Royal Railway បានដាក់ឱ្យដំណើរការ រថភ្លើងធុនស្រាល ដែលដឹកអ្នកដំណើរពីស្ថានីយនៅក្នុងសង្កាត់ស្រះចក មកកាន់អាកាសយានដ្ឋានអន្តរជាតិភ្នំពេញ ជាទូទៅក្នុងមួយថ្ងៃ រថភ្លើងនេះរត់បានជាមធ្យម 20ជើង។ រថភ្លើងធុនស្រាលនេះ ក៏ត្រូវបានក្រុមហ៊ុន Royal Railway បញ្ជាទិញពីប្រទេសម៉ិចស៊ីកូផងដែរ គឺមានតម្លៃ 2លានដុល្លារក្នុងមួយគ្រឿង។ ចំណែកឯខ្សែរថភ្លើងពីស្ថានីយភ្នំពេញ ទៅកាន់ព្រលានយន្តហោះអន្តរជាតិភ្នំពេញគឺមានប្រវែង 10គីឡូម៉ែត្រ ដែលត្រូវបានដាក់ឲ្យ ដំណើរការកាលពីព្រឹកថ្ងៃទី10 ខែមេសា ឆ្នាំ2018។ ដោយឡែកចំពោះរថភ្លើង Tramway ស៊េរីទំនើបទាំង3គ្រឿងនេះ ក៏នឹងដំណើរការនៅក្នុងពេលឆាប់ៗខាងមុខនេះ៕

ប្រភព: tomnerb ផ្នែក: បែបបទជីវិត, សិល្បៈ

អត្ថបទអ្នកចង់អាន

រៀបការហើយ! ប្រែ៊ន-ជើលីណា ស្ងាត់ៗនៅបារាំង

ដោយ: ដាលីស 9 PM, Saturday, 06 Jun, 2015

រួចរាល់ហើយ បន្ទាប់ពីរង់ចាំអស់ពេលដ៏យូរមក គូស្នេហ៍ Brad Pitt តារាឯកកំពូលសង្ហាជាមួយ​នឹង Angelina Jolie តារាឯកស្រីចិត្តបុណ្យ នាំគ្នាដើរចូលក្លោងទ្វារអាព...

តោះ! មកស្គាល់ ទម្លាប់ទាំង 5 របស់ស្រ្តីជោគជ័យតែងតែមាន

ដោយ: ភារុន 1 PM, Friday, 15 Feb, 2019

ភាពជោគជ័យមិនមែនជារឿងងាយនោះទេ មិនថាតែបុរសទេ នារីៗយើង ក៏ទទួលបានជោគជ័យក្នុងជីវិតមិនតិចនាក់ផងដែរ ប៉ុន្តែពួកគេក៏មិនមែនបានមក ដោយសំណាងនោះដែរ។ អ្នកត្រូវដឹង...

កូនតុតូចជាប់ក្បាលគ្រែ ១៤ម៉ូត សម្រាប់តុបតែងបន្ទប់គេង

ដោយ: ដួងច័ន្ទ 9 PM, Sunday, 09 Apr, 2017

ទោះបីជាកូនតុជាប់ក្បាលគ្រែរបស់អ្នក ជាម៉ូតចុងក្រោយបែបណាក៏ដោយ ក៏ទីតាំងដ៏តូចមួយនេះមាន ចំណុចជាច្រើនស្តែងអំពីអ្នក។ ដើម្បីរៀបចំកូនតុៗ ឱ្យមានរបៀបរៀបរយ មានភ...

ឡូយកប់! តារាសម្តែងថៃដ៏ល្បី Yaya Urasaya ត្រូវបានអញ្ជើញចូលរួមក្នុងកម្មវីធីដ៏ធំមួយ ដែលប្រជុំដោយតារាល្បីៗ នៅជុំវិញពិភពលោក

ដោយ: ភារុន 9 AM, Friday, 25 Jan, 2019

តារាសម្តែងស្រី ទឹកមុខគួរឱ្យខ្នាញ់ Yaya Urassaya ត្រូវបានគេដឹងថា នាងមានប្រជាប្រិយភាពយ៉ាងខ្លាំង និងក្លាយជាតារាសម្តែងស្រីជួរមុខមួយដួង ក្នុងចំណោមតារាស្...

Tomnerb.Com - YouTube Channel