ចូលចិត្តទំនើប

សង្ហារឹម សម្រាប់បន្ទប់ក្មេង

ដោយ: ដួងច័ន្ទ 10 PM, Friday, 18 Aug, 2017

មាតាបិតាជាច្រើន ជួបប្រទះនឹងបញ្ហារៀបចំគ្រឿងសង្ហារឹម នៅក្នុងបន្ទប់របស់កូនៗ ព្រោះបន្ទប់កូនៗ ភាគច្រើនមានទំហំតូច ប៉ុន្តែទាមទារនូវសម្ភារៈជាច្រើនដូចជា សម្ភារៈលេងកំសាន្ត ពូក គ្រែ ជាដើម។ ពួកគេក៏ត្រូវការទីតាំងដាច់ដោយឡែក សម្រាប់ការលេងកំសាន្ត និងធ្វើកិច្ចការផ្ទះផងដែរ។ បើសិនជា អ្នកកំពុងជួបប្រទះនឹងបញ្ហាស្រដៀងគ្នានេះ អ្នកអាចស្វែងរកដំណោះស្រាយដ៏ឆ្លាតវៃ ដែលនឹងធ្វើឱ្យ ផ្ទៃបន្ទប់តូចចង្អៀតមួយ អាចផ្ទុកនូវសម្ភារៈ និងគ្រឿងសង្ហារឹមបានយ៉ាងមានសណ្តាប់ធ្នាប់ និងមាន លក្ខណៈធំទូលាយ ដូចបន្ទប់ធំ។ ខាងក្រោមនេះ ជាគំនិតច្នៃប្រឌិតដ៏ឆ្លាតវៃ ដែល ទំនើប នឹងបង្ហាញ ប្រាប់អ្នក ជាពិសេសមាតាបិតាដែលមានកូនតូចៗ សម្រាប់ច្នៃប្រឌិតការរៀបចំនៅក្នុងបន្ទប់កូនៗ។

ការតុបតែងបន្ទប់ក្មេងៗមួយចំនួន បង្កើតបានជារូបភាពដែលលួងលោម ឱ្យគេងលង់លក់ស្រួល រួមផ្សំនឹងទីកន្លែងសម្រាប់លេងកំសាន្ត ដោយស្របជាមួយគ្នានេះ បង្កប់ដោយដំណោះស្រាយសម្រាប់តម្រូវ ការលូតលាស់ធំធាត់របស់ក្មេង។ គំនិតមួយចំនួនទៀត ប្រើប្រាស់គ្រឿងសង្ហារឹមពហុមុខងារ ឬការ តុបតែងទីតាំងដែលបម្រើមុខងារច្រើនជាងពីរ ដូចជាការរួមគ្នានៃបន្ទប់គេង និងបន្ទប់លេងកំសាន្ត។ សូមធ្វើការស្វែងយល់ទាំងអស់គ្នា ក្នុងអត្ថបទខាងក្រោមនេះ។

  • រៀបចំជាវេទិកា និងប្រើប្រាស់វាជាកន្លែងលេងកំសាន្ត ហើយច្នៃគ្រែបង្កប់ពីក្រោមវេទិកានោះ ដែល គ្រែនោះអាចរុញចេញចូលបាន។

Space-Saving-Furniture-idea-for-small-kid-tomnerb-01

  • រៀបចំជាលក្ខណៈបញ្ឈរឡើងលើ ដោយតំឡើងគ្រែគេង ជាមួយនឹងធ្នើដាក់សម្ភារៈ ដោយអាចច្នៃជាកន្លែងលេងកំសាន្តនៅផ្នែកខាងលើគ្រែ ឬជាកន្លែងទុកដាក់សៀវភៅជាដើម

Space-Saving-Furniture-idea-for-small-kid-tomnerb-02

  • បន្ទប់គេងសម្រាប់ក្មេងពីរនាក់ ក្នុងបន្ទប់តែមួយ អ្នកគួររៀបចំគ្រែពីរជាន់ និងមានប្រអប់ ឬធ្នើ សម្រាប់ទុកដាក់សម្ភារៈផ្សេងៗ

Space-Saving-Furniture-idea-for-small-kid-tomnerb-03

  • ច្នៃប្រឌិតផ្ទៃជញ្ជាំង ទៅជាកន្លែងប្រមូលផ្តុំសម្ភារៈគ្រប់បែបយ៉ាង

Space-Saving-Furniture-idea-for-small-kid-tomnerb-05

  • ច្នៃប្រឌិតគ្រែពូក ទៅជាកន្លែងគេង រួមគ្នាជាមួយឃ្លាំងទុកសម្ភារៈ និង កន្លែងសម្រាប់ធ្វើកិច្ចការផ្ទះ

Space-Saving-Furniture-idea-for-small-kid-tomnerb-06

  • កែច្នៃជ្រុងជញ្ជាំង សម្រាប់ច្នៃជាបន្ទប់គ្រែគេងភ្លោះ

Space-Saving-Furniture-idea-for-small-kid-tomnerb-07

ប្រភព: coolcreativity ផ្នែក: បែបបទជីវិត, សិល្បៈ

អត្ថបទអ្នកចង់អាន

ចង់មានអាយុវែង! ដូចជនជាតិជប៉ុន មកស្គាល់ពីរបៀបរស់នៅរបស់ពួកគេមើល!

ដោយ: ភារុន 8 AM, Monday, 06 May, 2019

ប្រជាជនជប៉ុន មានជីវិតរស់នៅបានយូរជាង មនុស្សរស់នៅតាមបណ្តាប្រទេសផ្សេងៗទៀត នៅលើភពផែនដីនេះ។ ហើយមានអ្នកវិទ្យាសាស្រ្តជាច្រើនជាតិសាសន៍ បានធ្វើការសិក្សាស្រា...

Drew Barrymore លាឈប់ពី ពិភពភាពយន្ត

ដោយ: ដាលីស 10 PM, Sunday, 07 Jun, 2015

ឌ្រីវ ប៊ែររីម៉រ៍ តារាឯកស្រីមាឌធំចាប់ផ្តើមមានគំនិត ក្នុងការឈប់សម្រាកពីពិភពភាពយន្តហើយ ដោយសារ​មូូលហេតុ​ងាយៗ គឺត្រូវការផ្តល់ពេលវេលាមើលថែទាំកូនៗ ឱ្យបានច...

គំនិតតុបតែងបន្ទប់គេង ស្តែងពីចរិកលក្ខណៈរបស់អ្នក

ដោយ: ដួងច័ន្ទ 10 PM, Friday, 10 Nov, 2017

បន្ទប់គេង បន្ទប់ឯកជនមួយដែលប្រើប្រាស់ សម្រាប់តែអ្នកម្នាក់គត់។ ការតុបតែងនានានៅក្នុងបន្ទប់ គេងតែងរំលេចចេញពីគំនិតផ្ទាល់ខ្លួនរបស់ម្ចាស់បន្ទប់ និងរំលេចពី...

៥ រុក្ខជាតិ មិនត្រូវការទឹកច្រើន និងវិធីថែទាំ

ដោយ: ស. លីង 9 PM, Tuesday, 11 Apr, 2017

សម្រាប់អ្នកមមាញឹក មិនអាចស្រោចទឹកថែទាំរុក្ខជាតិបានទៀងទាត់ ទំនើប សូមណែនាំ រុក្ខជាតិចំនួន ៥ ដែលអ្នកអាចដាំលម្អផ្ទះ ឬការិយាល័យ មាន៖ ផ្កាអ័រគីដេ ដើមពស់ ...

Tomnerb.Com - YouTube Channel