ចូលចិត្តទំនើប

វិធីសាស្រ្តតុបតែងខ្លួន ជាមួយគ្រឿងអលង្ការ

ដោយ: ដួងច័ន្ទ 9 PM, Wednesday, 21 Jun, 2017

សព្វថ្ងៃនេះ ស្រ្តីជាច្រើនត្រូវការសម្ភារៈជាច្រើន សម្រាប់ប្រើប្រាស់។ ពួកគេត្រូវការតែងខ្លួនប្រកបដោយវិជ្ជាជីវៈ ជាភរិយា ជាម្តាយ។ល។ ហើយវាពិតជាមិនងាយស្រួល សម្រាប់ពួកគេឡើយ។ ហេតុផលនេះហើយ ទើបស្រ្តីត្រូវការធ្វើឱ្យជីវិតរបស់ពួកគេសាមញ្ញ និងគ្មានការស្មុគស្មាញ ដោយ មិនភ្លេចពី fashion ឡើយ។ វាស្តាប់ទៅពិបាកយល់ និងពិបាកធ្វើ ពីព្រោះអ្នកនឹងចោទជាសំណួរ ថា តើត្រូវធ្វើដូចម្តេច ដើម្បីទទួលបានសម្រស់ស្រស់ស្អាត បើអ្នកមិនមានពេលគ្រប់គ្រាន់ផង? សូមអនុញ្ញាតឱ្យ ទំនើប ផ្តល់នូវតិចនិចមួយចំនួនសម្រាប់អ្នក។

  • ទិញគ្រឿងអលង្ការតាម Online ដើម្បីសន្សំពេលវេលា
  • រៀបចំសម្លៀកបំពាក់តាមពណ៌ និងពេលវេលា
  • សិក្សាបន្ថែមអំពីគ្រឿងតុបតែងលម្អ ដែលលេចធ្លោនៅលើគ្រប់សម្លៀកបំពាក់។ ចំណុចនេះសម្តៅលើគ្រឿងអលង្ការ

Ways-To-Use-Jewelry-To-Look-Fabulous-Tomnerb-04

ការរៀបចំសម្លៀកបំពាក់ អាចជាការងារដ៏គួរឱ្យធុញទ្រាន់ ប៉ុន្តែវាជាចំណុចដែលត្រូវតែធ្វើ។ ទីពីរ ការប្រើប្រាស់គ្រឿងអលង្ការត្រឹមត្រូវ អាចផ្តល់នូវសម្រស់ដ៏ស្រស់ផូផង់ និងជះឥទ្ធិពលលើការស្លៀកពាក់តុបតែងខ្លួនប្រចាំថ្ងៃរបស់អ្នក។ ឧទាហរណ៍ អ្នកអាចពាក់សម្លៀកបំពាក់ពណ៌ខ្មៅទៅធ្វើការ ហើយអ្នកអាចបន្ថែមការតុបតែង ក្រវិលកងដាំពេជ្រដ៏ស្រស់ស្អាត ជាមួយនឹងកងដៃធំៗ។ ធានាថាគ្រឿងអលង្ការទាំងនោះ នឹងផ្លាស់ប្តូរសម្រស់របស់អ្នកយ៉ាងប្រាកដ ហើយធានាថាសម្រស់របស់អ្នក នឹងបានសម្រស់ដ៏ស្រស់ឆើតឆាយ និងថ្លៃថ្នូរ។

សម្រាប់ការញ៉ាំអាហារពេលល្ងាចជាមួយគូស្នេហ៍ អ្នកអាចជ្រើសរើសយកឈុតសម្លៀកបំពាក់ដ៏សាមញ្ញ និងបន្ថែមជាមួយខ្សែ ក ពេជ្រ ខ្សែវែង ច្រើនជាន់ ជាមួយនឹងក្រវិលដោតដាំពេជ្រ។ អ្នកនឹងទទួលបានសម្រស់ដ៏គួរឱ្យចាប់ចិត្ត ហើយគ្រឿងអលង្ការទាំងនោះ នឹងរំលេចសម្រស់នៅលើគ្រប់ម៉ូដសម្លៀកបំពាក់។

សម្រាប់ដំណើរកំសាន្តតាមសួនច្បារ អ្នកអាចប្រើប្រាស់សំពត់ខ្លី ឬខោខូវប៊យ ជាមួយអាវយឺត ក ស្រួច ឬ ក អក្សរ V។ អ្នកគួរពាក់ក្រវិលដោត និងបន្ថែមដោយខ្សែ ក ពេជ្រ ខ្លីៗ។ អ្នកនឹងទទួលបានសម្រស់ដ៏ស្រស់ស្អាត និងមានភាពសាមញ្ញ។

ជាមួយគ្នានេះ អ្នកត្រូវមានគ្រឿងអលង្ការមួយចំនួនជាចាំបាច់ សម្រាប់ការតុបតែងខ្លួនរបស់អ្នក ដែលគ្រឿងអលង្ការ បែបសាមញ្ញទាំងនោះរួមមាន៖

  • ក្រវិលដោត ដាំពេជ្រមួយគ្រាប់៖ ជាគ្រឿងលម្អមិនអាចខ្វះបាន សម្រាប់ស្រ្តីគ្រប់រូប
  • កងដៃ៖ ជាគ្រឿងលម្អ ដែលបន្ថែមភាពស្រស់ស្អាត និងស្តែងចេញនូវចរិកលក្ខណៈរបស់អ្នក
  • ខ្សែ ក វែង ច្រើនជាន់៖ វាជាគ្រឿងលម្អដ៏ចាំបាច់មួយ ព្រោះវាផ្តល់នូវសម្រស់ដ៏ថ្លៃថ្នូរ និងសាមញ្ញ
  • ខ្សែ ក ខ្លី ដាំពេជ្រ៖ ជាគ្រឿងអលង្ការដ៏សក្តិសម សម្រាប់កម្មវិធីនាពេលរាត្រី ហើយវាអាចជាខ្សែ ក ផលិតពីមាស ស ឬ មាសពណ៌លឿង
  • ចិញ្ចៀន ត្បូងឡោម៖ រំលេចសម្រស់បន្ថែមលើឈុតសម្លៀកបំពាក់ ជាមួយនឹងចិញ្ចៀនត្បូងឡោមដ៏ស្រស់ស្អាត មិនថាត្បូងពណ៌ ឬ គ្រាប់ពេជ្រ
  • ក្រវិលកង៖ ជាគ្រឿងអលង្ការ ដែលគ្មានអាយុកាលផុតកំណត់។ វាអាចប្រើប្រាស់បានជាមួយសម្លៀកបំពាក់គ្រប់ប្រភេទ និងប្រើបានគ្រប់កម្មវិធី។

ចុងក្រោយ អ្នកត្រូវចាំថា អ្នកមិនត្រូវប្រើគ្រឿងអលង្ការច្រើនទាំងអស់រួមគ្នាទេ។ វាអាចធ្វើឱ្យសម្រស់របស់អ្នកប្រែជាស៊ាំ និងស្មុគស្មាញ។ ចំណុចសំខាន់អ្នកត្រូវរក្សាតុល្យភាពរវាងសម្លៀកបំពាក់ និងគ្រឿងអលង្ការ។

Ways-To-Use-Jewelry-To-Look-Fabulous-Tomnerb-03

Ways-To-Use-Jewelry-To-Look-Fabulous-Tomnerb-02

ប្រភព: idjewelry ផ្នែក: បែបបទជីវិត, សិល្បៈ

អត្ថបទអ្នកចង់អាន

វត្ថុ 8 យ៉ាងដែលអ្នកគួរយកទៅតាមខ្លួនពេលធ្វើដំណើរ

ដោយ: ភារុន 9 AM, Tuesday, 07 Aug, 2018

និយាយពីដំណើរកម្សាន្ត ពិតណាស់គឺជារឿងមួយដែលរីករាយ។ ប៉ុន្តែអ្នកក៏គួរតែត្រៀមខ្លួនឲ្យបានល្អជាមុន ដែរទើប ភាពរីករាយរបស់អ្នកបន្ត បានពេញមួយថ្ងៃ។ ហេតុនេះ អ្ន...

វិធីសម្អាតគ្រឿងសម្អាង លើសម្លៀកបំពាក់

ដោយ: ដួងច័ន្ទ 9 PM, Tuesday, 22 Aug, 2017

មិត្តៗនារីទាំងឡាយ ដឹងហើយថាការតុបតែងជាប្រការដ៏សំខាន់ និងចាំបាច់សម្រាប់នារីគ្រប់រូប។ នារីទាំងអស់ធ្វើការតុបតែងខ្លួន ចាប់ផ្តើមពីការស្លៀកសម្លៀកបំពាក់ដ៏ស...

សម្ភារៈប្រើប្រាស់ ដែលអ្នកមិនដឹងថាមានកាលកំណត់

ដោយ: ដួងច័ន្ទ 9 AM, Monday, 01 Oct, 2018

នៅពេលអ្នកទៅផ្សារទិញគ្រឿងទេស ចំណុចដំបូងដែលអ្នកតែងធ្វើគឺពិនិត្យមើលកាលបរិច្ឆេទផុតកំណត់។ ប៉ុន្តែមានសម្ភារៈមួយចំនួននៅក្នុងផ្ទះរបស់អ្នកដែលមិនមានបញ្ជាក់ពី...

ភាពខុសគ្នារវាង Whisky និង Whiskey

ដោយ: ដួងច័ន្ទ 10 AM, Monday, 24 Sep, 2018

បន្ទាប់ពីពេលវេលាពេញមួយថ្ងៃដ៏មមាញឹក វាពិតជាប្រសើរណាស់បើបានអង្គុយចុះក្រេបរសជាតិស្រា Whiskey ឬ Whisky។ ប៉ុន្តែអ្នកអាចនឹងមិនដឹងថា សុរាទាំងពីរប្រភេទនេះ ...

Tomnerb.Com - YouTube Channel