ចូលចិត្តទំនើប

វត្ថុ 11 យ៉ាង យើងតែងភ្លេចសម្អាត ដែលចាំបាច់ត្រូវសម្អាត

ដោយ: ដួងច័ន្ទ 9 PM, Saturday, 20 May, 2017

មានវត្ថុជាច្រើននៅជុំវិញខ្លួនយើង ដែលងាយនឹងរងភាពកង្វក់ និងងាយចម្លងរោគដល់រាងកាយយើង បើសិនជាយើងមើលរំលង មិនបានសម្អាតវា។ ចូលមកអានអត្ថបទខាងក្រោម អ្នកនឹងភ្ញាក់ផ្អើលចំពោះវត្ថុដែលយើងតែងមើលរំលង មិនបានលាងសម្អាតជាប្រចាំ។

កុងតាក់បិទបើកភ្លើង និងសោរទ្វារ

ទាំងនេះជាវត្ថុដំបូង ដែលយើងប៉ះពាល់នៅពេលយើងមកដល់ និងជាចំណុចចុងក្រោយដែលយើងប៉ះ មុនពេលចេញដំណើរ។ ដូច្នេះវាអាចជាទីតាំង ដែលយើងប៉ះពាល់ច្រើនជាងគេ នៅក្នុងគេហដ្ឋានទាំងមូល ដែលវាជាកន្លែងប្រមូលផ្តុំបាក់តេរី។ ដើម្បីលាងសម្អាតកុងតាក់ភ្លើង និងសោរទ្វារ អ្នកត្រូវប្រើទឹក លាងសម្អាតបាញ់លើក្រណាត់ និងជូតសម្អាតផែ្នកខាងលើរបស់វា។

Missed-Clean-Tomnerb-02

រនាំងបង្អួច

រនាំងបង្អួចជាទីកន្លែងប្រមូលផ្តុំធូលី។ វិធីងាយស្រួល និងលឿនបំផុត ក្នុងការសម្អាតវាគឺបំបាត់ភាពកង្វក់ និងលាបវាជាមួយនឹងទឹកខ្មេះ។ ដើម្បីឱ្យកាន់តែងាយស្រួល អ្នកគួរប្រើស្រោមជើងចាស់ៗ ពាក់ លើដៃ និងជូតសម្អាតវា។

Missed-Clean-Tomnerb-03

ធុងសម្រាម

ក្លិនអាក្រក់នៅតែមាន ទោះបីអ្នកយកសម្រាមចេញក្តី។ នេះដោយសារនៅមានកាកសំណល់ និងបាក់តេរីនៅសេសសល់ក្នុងធុងសម្រាម។

ដើម្បីបំបាត់ក្លិន សូមអនុវត្តតាមវិធីខាងក្រោម៖

  • យកសម្រាមចោល
  • លាងធុងសម្រាមជាមួយទឹកក្តៅ និងជូតសម្ងួតវាជាមួយក្រណាត់
  • បាញ់ថ្នាំសម្លាប់មេរោគលើផ្ទៃខាងលើធុង និងដុសវាជាមួយច្រាស់
  • ទុកធុងសម្រាមចោល 5-10 នាទី បន្ទាប់មកលាងវាម្តងទៀត និងសម្ងួតវាជាមួយក្រដាសជូតមាត់

Missed-Clean-Tomnerb-04

ម៉ាស៊ីនលាងចាន និងម៉ាស៊ីនបោកគក់

វាមិនប៉ះពាល់ដោយផ្ទាល់ទេ ប៉ុន្តែអ្នកត្រូវលាងសម្អាតម៉ាស៊ីនបោកគក់សម្លៀកបំពាក់ និងម៉ាស៊ីនលាងចាន។ សំណល់ម្ហូបអាហារ និងសរសៃអំបោះ មាននៅសេសសល់ខាងក្នុងម៉ាស៊ីន ជាមួយនឹង ពពុះសាប៊ូ ផ្សិត និងកំណក។ ដំបូងអ្នកត្រូវដុសផ្នែកខាងក្រៅ ជាមួយទឹកខ្មេះ។ បន្ទាប់មកលាយទឹក ខ្មេះ ជាមួយសូដា ក្នុងកម្រិត 4/1 និងចាក់វាចូលក្នុងម៉ាស៊ីន បន្ទាប់មកបើកម៉ាស៊ីនដំណើរការក្នុងកម្រិតខ្ពស់បំផុត។

Missed-Clean-Tomnerb-05

កំប៉ុងច្រាស់ដុសធ្មេញ

អ្នកនឹងមិនប្រើប្រាស់ច្រាស់ដែលកង្វក់ទេ ប៉ុន្តែវាងាយនឹងចម្លងមេរោគ បើសិនអ្នកទុកវាក្នុងកំប៉ុងកង្វក់។ អ្នកត្រូវសម្អាតកំប៉ុងដាក់ច្រាស់ដុសធ្មេញជាមួយទឹកក្តៅ ដូច្នេះវាអាចជម្រះដី និងស្លែបាន។ បន្ទាប់មកជូតសម្អាតជាមួយអេប៉ុង និងសាប៊ូដុំ ឬទឹកសូដា។

Missed-Clean-Tomnerb-06

រនាំងបន្ទប់ទឹក

វាប្រហែលជាងាយស្រួលជាងបើអ្នកទិញរនាំងថ្មី ជំនួសឱ្យការលាងសម្អាត។ តែយ៉ាងណាអ្នកគួរលាងសម្អាតវា។ វិធីដ៏ងាយស្រួលបំផុត គឺលាងសម្អាតវាជាមួយកន្សែងជូតតុទូ នៅក្នុងម៉ាស៊ីនបោក គក់។ បើសិនអ្នកខ្លាចរនាំងបង្អួចអ្នកខូចពេលបោកក្នុងម៉ាស៊ីន អ្នកអាចសម្អាតវាជាមួយអេប៉ុង និងទឹកសម្អាត និងលាងវាជាមួយទឹកលាយសូដា។

Missed-Clean-Tomnerb-07

ឧបករណ៍បញ្ជារ និងទូរសព្ទដៃ

ក្តារចុចវាយអត្ថបទ និងសម្ភារៈអេឡិចត្រូនិចដទៃទៀត ក៏ជាវត្ថុដែលយើងធ្វើការប៉ះពាល់ញឹកញាប់ ផងដែរក្នុងមួយថ្ងៃ។ វត្ថុទាំងនោះជាឃ្លាំងស្តុកធូលី ភាពកង្វក់ និងបាក់តេរី ដែលប្រមូលផ្តុំគ្នាច្រើនជាងនៅក្នុងបង្គន់ទៅទៀត។ វីធីលាងសម្អាតតែមួយគត់គឺ ប្រើប្រាស់ក្រដាសសើមដែលមានសារជាតិ សម្លាប់មេរោគ ឱ្យបានទៀងទាត់។

Missed-Clean-Tomnerb-08

កញ្ចក់បង្អួច

នៅពេលលាងសម្អាតបង្អួចបន្ទាប់ពីរដូវរងាកន្លងផុតទៅ ភាគច្រើនយើងតែភ្លេចថាកញ្ចក់បង្អួចជាចំណុចប្រមូលផ្តុំធូលី និងភាពកង្វក់។ ដើម្បីលាងសម្អាត អ្នកត្រូវដោះវាចេញ ហើយលាងសម្អាតជា មួយទឹក និងសាប៊ូ ដោយប្រើប្រាស់អេប៉ុង ឬប្រើប្រាស់ម៉ាស៊ីនបូមធូលី។ ក្នុងករណីមានធូលីជាប់ខ្លាំង អ្នកត្រូវបាញ់ទឹកសាប៊ូលើកញ្ចក់ និងប្រើប្រាស់ច្រាស់ដុសធ្មេញលាងសម្អាត។

ស៊ុមរូបថត

មិនថាជាស៊ុមឈើ ឬកញ្ចក់ ត្រូវការលាងសម្អាតជាពិសេស ដោយប្រើសាប៊ូម្សៅ និងក្រណាត់ទន់។ បើសិនជាស៊ុមរូបថតរបស់អ្នកមានក្បាច់ក្បូរច្រើន អ្នកត្រូវការថែរក្សាកាន់តែខ្លាំង ដោយអ្នកអាចប្រើ ប្រាស់អំបោសរោមសត្វ ជក់ ដើម្បីបោសសម្អាត។

Missed-Clean-Tomnerb-010

កាបូបស្ពាយ និងកាបូបដៃ

សម្ភារៈទាំងពីរនេះសុទ្ធងាយប្រមូលផ្តុំមេរោគទាំងក្នុង និងក្រៅ។ បើសិនជាមិនសូវមានភាពកង្វក់ទេ អ្នកគួរសម្អាតជាមួយទឹកសម្អាតដែលមានជាតិអាល់កុល ជាមួយដុំសំឡី ឬអំបោសសសៃក្រណាត់ និងជូតវាលើកាបូប។ អ្នកត្រូវយកចិត្តទុកដាក់ជាពិសេស លើផ្នែកដែលមានលោហៈ។ ក្នុងករណីមានជាប់ស្នាមប៊ិច ឬហ្វឺត អ្នកត្រូវប្រើទឹកខ្មេះ លាយជាមួយអាល់កុល 1/1។ ស្នាមប្រឡាក់ដោយប្រេងខ្លាញ់ ងាយស្រួលនឹងលាងសម្អាតជាមួយ Baking Soda ឬ ម្សៅពោត។ បើសិនជាអ្នកមានកាបូបសាច់ក្រណាត់ អ្នកអាចលាងសម្អាតវាក្នុងម៉ាស៊ីនបោកគក់។

Missed-Clean-Tomnerb-011

សម្ភារៈសម្អាត

សម្ភារៈដែលប្រើប្រាស់សម្រាប់ការលាងសម្អាត ក៏ត្រូវការលាងសម្អាតផងដែរ ពីព្រោះវាមានបាក់តេរី តោងជាប់។ បើអ្នកប្រើប្រាស់វាដោយមិនបានធ្វើការសម្អាតទេ អ្នកដូចជាធ្វើការសាយភាយបាក់តេរី ពេញផ្ទះដូច្នេះដែរ។ លាងសម្អាត និងផ្លាស់ប្តូរជាប្រចាំ នូវអេប៉ុង ច្រាស់ អំបោស។

Missed-Clean-Tomnerb-09

អត្ថបទអ្នកចង់អាន

សង្ខារមិនទៀង “Ken F4” ស្លៀកពាក់ស មកប្រតិបត្តិធម៌នៅថៃ

ដោយ: ដាលីស 11 PM, Friday, 05 Jun, 2015

បន្ទាប់ពី ខេន ឬ ជូ សៀវ ធាន (Zhu Xiao Tian) អតីតតារាដ៏ល្បីល្បាញនៃវង់ F4 ប៊យប្រ៊ែន ដ៏ល្បីរបស់កោះតៃវ៉ាន់ ម្ចាស់រហស្សនាម “ទេវបុត្រទាំង 4នៃទ្វីបអាស៊ី” ធ...

ហេតុផលដ៏មានឥទ្ធិពល 6 យ៉ាងដែលបង្ហាញថាការស្រែកដាក់កូន សម្រាប់ចំណាត់ថ្នាក់របស់គេ គឺមិនអាចជួយអ្វីបានឡើយ!

ដោយ: ចរិយា 9 AM, Friday, 09 Aug, 2019

ឪពុកម្តាយគួរតែស្វែងរកវិធីសាស្រ្តអប់រំកូនដ៏មានប្រសិទ្ធភាព ដើម្បីធ្វើឱ្យពួកគេបានពិន្ទុល្អនៅសាលារៀន មិនមែនប្រើវិធីស្រែកថាឱ្យកូន នៅពេលដឹងថាពួកគេទទួលបាន...

KeyEast បដិសេធរឿង “គីម ស៊ូ យន់” និង “អាន់ សូ ហ៊ី”

ដោយ: វិរីយា៉ 9 PM, Wednesday, 23 Mar, 2016

តារា​ឯក​កំលោះ គីម ស៊ូ យន់ (Kim Soo Hyun) និង​តារា​ឯក​ស្រី​មុខស្រស់ អាន់ សូ ហ៊ី (Ahn So Hee) អតីត​សមាជិក​របស់​ក្រុម Wonder Girls ត្រូវបាន​សារព័ត៌មាន...

គម្រោងផ្លូវល្បឿនលឿនពីភ្នំពេញ-ព្រះសីហនុ នឹងបើកការដ្ឋានសាងសង់ ក្នុងខែមីនាខាងមុខនេះ

ដោយ: ទំនើប 9 AM, Thursday, 17 Jan, 2019

ភ្នំពេញ: ទេសរដ្ឋមន្ត្រី និង​ជា​រដ្ឋមន្ត្រីក្រសួង​សាធារណៈការ និង​ដឹកជញ្ជូន ឯកឧត្តម ស៊ុន ចាន់ថុល បាន​អះអាងថា គម្រោង​សាងសង់​ផ្លូវ​ល្បឿន​លឿន​ពី​រាជធានី...

Tomnerb.Com - YouTube Channel