ចូលចិត្តទំនើប

របៀបដាំដំបងយក្ស ក្នុងថូកែវ

ដោយ: ស. លីង 8 AM, Sunday, 19 Feb, 2017

មិនមែនតែផ្កាកុលាបទេ ដែលអាចធ្វើជាវត្ថុលម្អលើតុរបស់អ្នក ដើមដំបងយក្សក៏អាចដែរ។

ដើមដំបងយក្សមានច្រើនប្រភេទណាស់។ ប្រភេទខ្លះមានរូបរាងស្អាត Cute ជាងផ្កាកុលាប ទៀតផង។ អ្នកអាចជ្រើសយកដើមដំបងយក្ស មកដាំក្នុងថូកែវ ហើយប្រើជាវត្ថុលម្អក៏បាន ជាការដាំដុះក៏បាន។

វត្ថុធាតុដើម

  • ដើមដំបងយក្សតូចៗបី ឬបួនប្រភេទ
  • ដីជី
  • ថ្មស (សម្រាប់លម្អ)
  • ថូកែវ (ទំហំល្មម)
  • ស្រោមដៃ

how-to-grow-cactus-in-vase-02

របៀបដាំ

  • ដំបូងបំផុត អ្នកត្រូវពាក់ស្រោមដៃ។
  • បន្ទាប់មក អ្នកយកថ្មចេញពីក្នុងថង់ រួចរើសយកតែថ្មដែលមានទំហំតូច ឬស្មើ ១ អ៊ីង។ រើសឲ្យបានកាន់តែច្រើនកាន់តែល្អ។
  • កិច្ចបន្ទាប់ អ្នកលាងសម្អាត និងពិនិត្យមើលថូកែវ ក្រែងលោមានប្រេះ ឬបែក។ បើថូស្អាតគ្មានស្រាំ អ្នកអាចចាប់ផ្តើមអនុវត្តដោយយកថ្មស ដែលអ្នកបានរើសរួចដាក់ទៅក្នុងថូ។ អ្នកពង្រាយថ្មឲ្យពេញបាតថូ តែមួយជាន់បានហើយ។
  • បន្ទាប់ពីនោះ អ្នកយកដីដាក់ទៅថូឲ្យបានកន្លះថូ រួចយកដៃញ៉ុកដីឲ្យមានប្រហោង ហើយយកដើមដំបងយក្សមួយ មកកប់ទៅក្នុងរន្ធដីនោះ។ បន្ទាប់មក យកដើមដំបងយក្សផ្សេងៗ មកកប់នៅក្បែរគ្នា ដោយដាំឲ្យចេញជារាងរង្វង់ស្របតាមរូបរាង ថូកែវ។
  • ដាំដំបងយក្សរួច អ្នកយកដុំថ្ម (រើសរួច) ដែលនៅសល់មកជុំវិញដំបងយក្ស និងដាក់ ឲ្យពេញលុបមិនឲ្យឃើញដី។
  • អ្នកអាចថែមវត្ថុលម្អដូចជា រូបតុក្កតាជាដើម តែកុំថែមច្រើនពេក តែមួយ ឬពីរបានហើយ។

សំគាល់

  • ដើមដំបងយក្សនេះ ត្រូវការពន្លឺថ្ងៃច្រើន។ ដូច្នេះអ្នកត្រូវដាក់វាឲ្យត្រូវពន្លឺថ្ងៃ ទោះដាក់ក្នុងបន្ទប់ ក៏ត្រូវដាក់នៅមាត់បង្អួចដែរ ត្រូវដាក់ឲ្យចំពន្លឺ។
  • អ្នកអាចស្រោចទឹក ដើមដំបងយក្សមួយអាទិត្យម្តង តែកុំស្រោចច្រើនពេក ត្រឹមតែមួយជោគគឺបានហើយ។ បើអ្នកសង្ស័យថាដើមមានបញ្ហា អ្នកគួរកុំស្រោចទឹក ហើយយកវាទៅដាក់នៅខាងក្រៅ ឲ្យត្រូវពន្លឺថ្ងៃ។
  • ចំពោះថ្ម អ្នកអាចប្រើថ្មសលាយជាមួយ និងថ្មពណ៌ខ្មៅឬត្នោតក៏បាន ប៉ុន្តែយកល្អកុំប្រើថ្មពណ៌ ព្រោះមិនសូវស៊ីពណ៌គ្នា។
  • ក្នុងករណីថូកែវរបស់អ្នកមានទំហំធំ អ្នកអាចដាំដំបងយក្សលើសពីបី។

ប្រិយមិត្តអ្នកអានអាចសាកល្បងធ្វើតាមវិធីខាងលើ។ អ្នកអាចទទួលបានអារម្មណ៍ថ្មី ជាពិសេសគឺពេលឃើញពណ៌បៃតង។

រុក្ខជាតិបៃតងមានគុណប្រយោជន៍ ចំពោះសុខភាពកាយ និងផ្លូវចិត្ត។ ដូច្នេះ ទំនើប ថាអ្នកគួរប្តូរពី លម្អផ្កាកុលាប ឬផ្កាពណ៌មកដំបងយក្សបៃតង ជាពិសេសនៅក្នុងបន្ទប់ធ្វើការ និងបន្ទប់គេង៕

how-to-grow-cactus-in-vase-03

អត្ថបទអ្នកចង់អាន

គំនិតច្នៃប្រឌិត សម្រាប់ការខណ្ឌចែកបន្ទប់

ដោយ: ដួងច័ន្ទ 10 PM, Wednesday, 02 Aug, 2017

គេហដ្ឋានដែលមានទំហំតូច ទាមទារឱ្យមានការច្នៃប្រឌិត ក្នុងការតុបតែងផ្នែកខាងក្នុង ទើបនៅគេហដ្ឋានរបស់អ្នកទទួលបាន សោភណ្ឌភាពស្រស់ស្អាត។ ការតុបតែងសម្រាប់ទំហំប...

យន្តហោះថតភាពយន្ត Tom Cruise ធ្លាក់ស្លាប់ 2នាក់

ដោយ: រីកា 4 PM, Saturday, 26 Mar, 2016

កើតរឿង​សោកសៅ​មួយ​ឡើង ​នៅក្នុង​ក្រុម​ថត​ខ្សែភាពយន្ត​រឿង “Mena” ដែលជា​ខ្សែភាពយន្ត​ថ្មី​មួយទៀត ​ដែល ថម គ្រូ​ស តារា​សម្តែង​លំដាប់​ពិភពលោក​ បាន​ចូលរួម​ស...

រឿងរ៉ាវ 8 យ៉ាង ដែលអ្នក ប្រហែលជាមិនបានដឹង ទាក់ទងទៅនឹងភ្នំ ហ្វូជី ប្រទេសជប៉ុន

ដោយ: ភារុន 8 AM, Thursday, 06 Jun, 2019

នៅពេល ដែលយើងនិយាយពីប្រទេសជប៉ុន មនុស្សភាគច្រើនប្រហែលជា នឹកឃើញដល់រឿងរ៉ាវមួយចំនួនដូចជា ប្រាសាទបូរាណៗដ៏ល្អប្រណិត ផ្កាសាគូរ៉ា ដែលរីកដ៏ស្រស់បំព្រងនៅពាសពេ...

ការតុបតែងគេហដ្ឋាន សម្រាប់អ្នកស្រឡាញ់សៀវភៅ

ដោយ: ដួងច័ន្ទ 5 PM, Tuesday, 26 Sep, 2017

ថ្ងៃនេះ គេហទំព័រទំនើប នឹងបង្ហាញអ្នកពីគំនិតដ៏អស្ចារ្យ នៃការតុបតែងបន្ទប់ដាក់សៀវភៅ សម្រាប់អ្នកស្រឡាញ់សៀវភៅ ចូលចិត្តការអាន និងចង់បានបរិយាកាសល្អសម្រាប់អ...

Tomnerb.Com - YouTube Channel