ចូលចិត្តទំនើប

ម៉ូតផ្ទះគួរឱ្យភ្ញាក់ផ្អើល ទាំង១៥ មិនគួរឱ្យជឿថាមាន

ដោយ: ដួងច័ន្ទ 8 PM, Thursday, 20 Apr, 2017

មនុស្សជាច្រើនកំពុងរស់នៅ ក្នុងគេហដ្ឋានដ៏សាមញ្ញ ប៉ុន្តែក្នុងពេលតែមួយ មានគេហដ្ឋានជាច្រើនខ្នង នៅលើពិភពលោក ដែលមានម៉ូតដ៏អស្ចារ្យមិនគួរឱ្យជឿ ទាំងការច្នៃម៉ូត និងការសាងសង់។ ខាងក្រោមនេះ ជាម៉ូតគេហដ្ឋានប្លែកៗ ដែល ទំនើប ជ្រើសយកមកបង្ហាញអ្នក រាប់ចាប់ពីម៉ូតផ្ទះដ៏ស្រស់ ស្អាត រហូតដល់ម៉ូតផ្ទះដ៏គួរឱ្យភ្ញាក់ផ្អើល។

១. ផ្ទះសំបកខ្យង

មានទីតាំងស្ថិតក្នុងប្រទេសម៉ិចស៊ិក គេហដ្ឋានដ៏អស្ចារ្យមួយនេះ សាងសង់ឡើងជាមួយជញ្ជាំងផ្គុំតូចៗ ដែលផ្តល់ពន្លឺដល់ផ្នែកខាងក្នុង ជាមួយពណ៌ឥន្ធនូ។

Amazing-House-01

២. ផ្ទះពពុះ

ជាកម្មសិទ្ធិរបស់អ្នកច្នៃម៉ូត Pierre Cardin ផ្ទះពពុះមួយខ្នងនេះ មានអាងហែលទឹកចំនួន៣ រង្គសាល ដែលមានកៅអីចំនួន ៥០០ និងទេសភាពដ៏ស្រស់ស្អាត នៃសមុទ្រមេឌីទែរ៉ានេ។

Amazing-House-03

៣. ផ្ទះក្តាររំអិល

មិនគួរឱ្យភ្ញាក់ផ្អើលទេ ដែលវាជាកម្មសិទ្ធិរបស់អតីតម្ចាស់ ជ័យលាភីក្តាររំអិលពិភពលោក។ គ្រប់ផ្ទៃ ខាងលើ ទាំងក្នុង និងក្រៅគេហដ្ឋាននេះ អាចជាកន្លែងរំអិល សូម្បីតែ គ្រឿងសង្ហារឹមក៏អាចរំអិលបាន ដែរ។

Amazing-House-033

៤. គេហដ្ឋានកែច្នៃពីព្រះវិហារ

មានទីតាំងក្នុងប្រទេសហូឡង់ គេហដ្ឋាននេះកែច្នៃពីព្រះវិហារកាតូលិក ដែលសាងសង់ឡើងក្នុងឆ្នាំ១៨៧០ ឱ្យក្លាយជាបន្ទប់ក្រោមដំបូលដ៏ស្រស់ស្អាត។

Amazing-House-04

៥. ផ្ទះថ្ម

ផ្ទះមួយនេះច្នៃម៉ូត ដើម្បីឱ្យមានសោភណ្ឌភាពដូចជា ផ្ទះនៅក្នុងរឿងតុក្កតា The Flintstones។ ផ្ទះមួយនេះជាកម្មសិទ្ធិរបស់លោក Dick Clark ដែលមានបន្ទប់គេងមួយ និងមានបន្ទប់ទឹក២ ហើយគ្រប់យ៉ាងនៅក្នុងផ្ទះ មើលទៅហាក់ដូចជាផលិតពីថ្ម។

Amazing-House-05

៦. ផ្ទះកញ្ចក់

ស្ថិតក្នុងប្រទេសជប៉ុន ដែលជញ្ជាំងទាំងផ្នែកខាងក្នុង និងខាងក្រៅសុទ្ធតែធ្វើពីកញ្ចក់។ បន្ទប់តែមួយនៅក្នុងផ្ទះនេះ ដែលមិនសាងសង់ពីជញ្ជាំងថ្លាឆ្វេង គឺបន្ទប់ទឹក។

Amazing-House-06

៧. ផ្ទះច្នៃពីយន្តហោះ

ដើមឡើយ លោកស្រី Joanne Ussery ជាម្ចាស់គេហដ្ឋានចល័តមួយ នៅលើដីដែលគាត់បានទិញជាប់នឹងបឹងមួយ។ ប៉ុន្តែបន្ទាប់ពីអគ្គិភ័យឆាបឆេះ គាត់បានទិញយន្តហោះ Boeing 727 ដែលគេបោះបង់ចោល ជំនួសវិញ។

៨. ផ្ទះស្បែកជើង

គេហដ្ឋានជាប់នឹងផ្លូវដ៏គួរឱ្យទាក់ទាញមួយនេះ ស្ថិតក្នុងរដ្ឋ Pennsylvania ត្រូវបានផ្លាស់ប្តូរម្ចាស់ជាច្រើនដង ប៉ុន្តែនាពេលបច្ចុប្បន្ន វាត្រូវបានបើកបម្រើការតាមរដូវកាល ផ្តល់នូវមគ្គុទេសន៍ទេសចរណ៍សម្រាប់គេហដ្ឋានដ៏ចម្លែកមួយនេះ។

Amazing-House-08

៩. ផ្ទះប៉ាន់តែ

ទោះបីជាវាមិនត្រូវបានប្រើប្រាស់ ក្នុងពេលបច្ចុប្បន្ននេះយ៉ាងណាក្តី ផ្ទះរូបរាងប៉ាន់តែដ៏ស្រស់ស្អាតមួយនេះត្រូវបានច្នៃម៉ូត និងកសាងឡើងជាស្ថានីយ៍ចាក់សាំងក្នុងឆ្នាំ១៩២២ ហើយវានៅតែមានវត្តមានរហូតដល់សព្វថ្ងៃនេះ។

Amazing-House-09

១០. ផ្ទះរំកិល

ផ្នែកខាងក្រៅដែលសាងសង់ឡើង ពីឈើនៃគេហដ្ឋានស្ថិតក្នុងប្រទេសអង់គ្លេសមួយខ្នងនេះ អាចរំកិលប្តូរដំបូលយក្សដ៏ធំ បង្ហាញពីផ្ទាំងជញ្ជាំងកញ្ចក់នៅពីក្រោម។

Amazing-House-010

១១. ផ្ទះផ្សិត

ជឿឬមិនជឿ! គេហដ្ឋានមួយខ្នងនេះមានរូបរាងធម្មតាប៉ុណ្ណោះ នៅពេលដែលស្ថាបត្យករ Terry Brown បានទិញវា។ គាត់ និងកូនសិស្សចំនួន ៣៥នាក់ បានចំណាយពេលជាច្រើនឆ្នាំ ដើម្បីបន្ថែម ការរចនាចម្លែកៗទាំងនេះ ដែលធ្វើឱ្យវាក្លាយជាគេហដ្ឋានដ៏ពិសេស។

Amazing-House-011

១២. ផ្ទះគូប

ផ្ទះគូបនិមួយៗមានបីជាន់ ជាមួយបន្ទប់រាងពីរ៉ាមីត។ ស្ថាបត្យករសញ្ជាតិហូឡង់ Pier Blom មានបំណងចង់ច្នៃវាឱ្យមានម៉ូតបែបព្រៃឈើ ដែលជាគំនូសបំព្រួញនៃផ្ទះដើមឈើបែបទាន់សម័យ។

Amazing-House-012

១៣. ផ្ទះអាថ៌កំបាំងក្នុងទីក្រុង Winchester

គេហដ្ឋានដ៏ល្បីមួយនេះ មានសមាសភាពចម្លែកៗជាច្រើន ដូចជាទ្វារដែលមិនមានច្រកចេញចូល និងជណ្តើរដែលឡើងទៅពិដានជាដើម។ គេហដ្ឋានមួយនេះត្រូវបានបើកជាសាធារណៈ និងមានវប្ប ធម៌ប្រជាប្រិយជាច្រើនផងដែរ។

Amazing-House-013

១៤. គេហដ្ឋានតូចជាងគេលើលោក

ច្នៃដោយជនភៀសខ្លួនក្នុងប្រទេសអាល្លឺម៉ង់ ដែលធ្លាប់មានផ្ទះតូចចង្អៀត។ ផ្ទះនេះមានទំហំត្រឹមតែ ៣ហ្វីត បួនជ្រុងប៉ុណ្ណោះ។ វាមានបន្ទប់មួយដែលមានទីតាំងគ្រប់គ្រាន់ សម្រាប់អង្គុយ ឬគេង។

Amazing-House-014

១៥. ផ្ទះបញ្ច្រាសទិសលើជំរាលភ្នំ

គោលគំនិតនៃការច្នៃម៉ូតផ្ទះនេះឡើង គឺជាការស្រមៃនៃការសាងសង់ព្យួរជាប់ តាមជម្រាលភ្នំ ដែលមានជញ្ជាំងកញ្ចក់ ផ្តល់នូវការទស្សនាទេសភាព នៃសមុទ្រពីជ្រុងទាំងបី។ ដំបូលផ្ទះស្ថិតនៅជាប់នឹង ដីរាប ដូច្នេះអ្នកទស្សនាអាចចុះទៅក្រោម ដើម្បីទៅដល់ផ្នែកខាងក្រោមនៃអគារ។

Amazing-House-015

ប្រភព: BrightSide ផ្នែក: បែបបទជីវិត, សិល្បៈ

អត្ថបទអ្នកចង់អាន

តិចនិចជ្រើសរើសសម្លៀកបំពាក់តាមទម្រង់រាងកាយ

ដោយ: ដួងច័ន្ទ 9 AM, Monday, 06 Aug, 2018

ស្រ្តីភាគច្រើនតែងចំណាយពេលច្រើននៅមុខទូរសម្លៀកបំពាក់ ដើម្បីស្វែងរកឈុតសក្តិសមសម្រាប់កម្មវិធីពិសេសៗ។ ការស្វែងរកសម្លៀកបំពាក់ដែលនឹងបង្ហាញអំពីរាងកាយដ៏ស្រស...

ប្រវត្តិនៃពិធីបុណ្យភ្ជុំបិណ្ឌ

ដោយ: ភារុន 9 AM, Friday, 21 Sep, 2018

ពិធីបុណ្យភ្ជុំបិណ្ឌជាពិធីបុណ្យមួយក្នុងចំណោមពិធីបុណ្យធំៗដទៃទៀត ដែលប្រជាជនខ្មែរតែងតែប្រារព្ធធ្វើជារៀងរាល់ឆ្នាំ។ នៅពេលដល់ថ្ងៃ ខែ ដែលត្រូវប្រារព្ធធ្វើព...

អាវយឺត Cosmetologist

ដោយ: ចរិយា 10 PM, Saturday, 03 Dec, 2016

អាវយឺត ជាប្រភេទអាវពេញនិយម សម្រាប់មនុស្សគ្រប់វ័យ។ ចំណុចទាក់ទាញរបស់អាវយឺត គឺងាយស្រួលពាក់ នេះជាចំណុច ដែលអតិថិជនចូលចិត្ត។ អ្នកឌីហ្សាញអាវ ពិតជាសប្បាយចិត...

ហេតុផលដ៏មានឥទ្ធិពល 6 យ៉ាងដែលបង្ហាញថាការស្រែកដាក់កូន សម្រាប់ចំណាត់ថ្នាក់របស់គេ គឺមិនអាចជួយអ្វីបានឡើយ!

ដោយ: ចរិយា 9 AM, Friday, 09 Aug, 2019

ឪពុកម្តាយគួរតែស្វែងរកវិធីសាស្រ្តអប់រំកូនដ៏មានប្រសិទ្ធភាព ដើម្បីធ្វើឱ្យពួកគេបានពិន្ទុល្អនៅសាលារៀន មិនមែនប្រើវិធីស្រែកថាឱ្យកូន នៅពេលដឹងថាពួកគេទទួលបាន...

Tomnerb.Com - YouTube Channel