ចូលចិត្តទំនើប

ម៉ូតកៅអីធ្នាក់ដៃ រចនាបទពាក់កណ្តាលសតវត្សសម័យទំនើប ដ៏សក្តិសមសម្រាប់គេហដា្ឋន

ដោយ: ដួងច័ន្ទ 7 PM, Wednesday, 19 Apr, 2017

បើសិនជាអ្នកកំពុងស្វែងរកកៅអី មានធ្នាក់ដៃ មានម៉ូតបែបពាក់កណ្តាលសតវត្សសម័យទំនើប (Mid-Century Modern) សម្រាប់គេហដ្ឋានដ៏ស្រស់ស្អាតរបស់អ្នក អ្នកបានមករកចំគោលដៅហើយ។ ថ្ងៃនេះ ទំនើប សូមផ្តល់នូវគំនិតសម្រាប់ការតុបតែគេហដ្ឋានដ៏ស្រស់ប្រណិតរបស់អ្នក។ អ្នកនឹងទាក់ចិត្តជាមួយម៉ូតកៅអីទាំងនេះ ដែលមានរូបរាងរឹងមាំ ទាន់សម័យ និងមានអំណាច។ វាសក្តិសមបំផុតសម្រាប់អ្នក។

១. កៅអីធ្នាក់ដៃ Andes ផលិតដោយក្រុមហ៊ុន Brabbu គឺជាគ្រឿងសង្ហារឹម ដែលមានរចនាបទបែប សម័យទំនើប សក្តិសមនឹងគេហដ្ឋានរបស់អ្នក។ វាមានជើងធ្វើពីលង្ហិនខាត់យ៉ាងរលោង ហើយវាពាសដោយសាច់ក្រណាត់ Cotton កាំម្ញី។ ពណ៌បៃតងដ៏រស់រវើក នឹងនាំយកភាពរស់រវើកមកកាន់ គេហដ្ឋានរបស់អ្នក ហើយនឹងបង្កើតភាពស្រស់ស្អាតប្លែក។

Perfect-Mid-Century-Modern-Armchair-01

២. សង្ហារឹមមួយនេះ មានគោលគំនិតដ៏ច្បាស់លាស់ គឺការលាយបញ្ចូលគ្នានៃសិល្បៈ និងភាពទាន់ សម័យ។ ពណ៌ខៀវខ្ចីលេចឡើងលើតួកៅអីនេះ ផ្តល់ភាពទាក់ទាញយ៉ាងអស្ចារ្យនៅក្នុងបន្ទប់។ ភាព ទន់ល្មើយនៃកៅអីជំនាន់ទស្សវត្សន៍ទី៧០ រួមគ្នាយ៉ាងសក្តិសមជាមួយការតុបតែងពោរពេញដោយភាពមុតស្រួច។ សម្ភារៈដែលមានគុណភាពខ្ពស់ជួបជាមួយនឹងការតុបតែងដ៏ទាក់ទាញ។

Perfect-Mid-Century-Modern-Armchair-02

៣. កៅអីធ្នាក់ដៃមួយនេះ ផលិតដោយក្រុមហ៊ុន Tapinassi and Maurizio សក្តិសមគ្រប់ការតុបតែងក្នុងគេហដ្ឋាន។ ប្រណិតភាព និងការតុបតែងដ៏ទាក់ទាញ បានស្តែងចេញនៅលើសង្ហារឹមមួយនេះ។ ពណ៌ដ៏ទាក់ទាញមួយនេះនឹងនាំមកនូវលក្ខណៈពិសេសខុសពីគេ និងឈរនៅលំដាប់ជួរមុខគេ សម្រាប់ការតុបតែងក្នុងគេហដ្ឋាន។ សាកល្បងជាមួយពណ៌ដិត និងរូបរាងដ៏ទាក់ទាញខ្លាំងបែបនេះ នោះអ្នកនឹងទទួលបានលទ្ធផលជាទីពេញចិត្ត។

Perfect-Mid-Century-Modern-Armchair-03

៤. ក្រុមហ៊ុន Achiller Salvagni’s Mayfair Atelier ជាអ្នកច្នៃម៉ូតកៅអីចម្រុះពណ៌សិល្បៈមួយនេះ។ គំនិតនៃការបង្កើតនេះ គឺផលិតនូវសង្ហារឹមដ៏ហ៊ឺហារ ជាមួយម៉ូតបែបទាន់សម័យ និងពិសេសប្លែកពីគេ។ ដូច្នេះកៅអីដែលមានបន្ទាត់កំណត់ រាងមូល និងមានពណ៌ពោរពេញដោយអំណាច គឺជា ជម្រើសដ៏ត្រឹមត្រូវ។

Perfect-Mid-Century-Modern-Armchair-04

៥. Caprichosa ច្នៃម៉ូតដោយ Koket បានទាញអារម្មណ៍ឱ្យនឹកឃើញដល់រាងរបស់មនុស្សស្រី។ កៅអីមួយនេះនាំអារម្មណ៍យើងឱ្យគិតដល់រាងកោង និងទាក់ទាញរបស់មនុស្សស្រី។ បើសិនជាអ្នក ប្រើក្រសែភ្នែកឱ្យកាន់តែខិល សម្លឹងទៅកៅអី អ្នកនឹងស្វែងយល់ពីវា ហើយនឹងត្រូវបានវាស្រូបទាញយកអារម្មណ៍របស់អ្នក។

Perfect-Mid-Century-Modern-Armchair-05

៦. Love Sofa High Back ផលិតដោយ Marcek Wanders គឺជាសង្ហារឹមដែលពោរពេញដោយភាពកក់ក្តៅ និងស្រស់ស្អាត។ ស្រមៃថាអ្នកត្រឡប់មកដល់ផ្ទះបន្ទាប់ពីការបំពេញការងារដ៏នឿយហត់ ហើយអ្នកគ្រាន់តែចង់សម្រាក និងរីករាយជាមួយពេលវេលាផ្ទាល់ខ្លួនអ្នក។ Love Sofa គឺសក្តិ សមបំផុត។ សូមសាកល្បងធ្វើការស្វែងយល់ពីភាពទន់ និងពេញនិយមនៃកៅអីនេះ។

Perfect-Mid-Century-Modern-Armchair-06

៧. យើងត្រឡប់ទៅកាន់ផលិតផលរបស់ Brabbu ហើយលើកនេះគឺជាមួយនឹងកៅអី Tellus។ វាសក្តិសមនឹងការតុបតែងគេហដ្ឋានបែបទាន់សម័យ និងរំលឹកពីអារម្មណ៍ស្រស់ស្រាយដូចធម្មជាតិ សម្រាប់អ្នក។

ប្រភព: ModernHomeDecor ផ្នែក: បែបបទជីវិត, សិល្បៈ

អត្ថបទអ្នកចង់អាន

ដឹងអត់! មុនល្បីក្រុមតារាចម្រៀងស្រី BlackPink មានសមាជិកទី 5

ដោយ: ភារុន 8 AM, Friday, 21 Dec, 2018

សូមប្រិយមិត្តក្រឡេកមើលរូបថតរបស់ក្រុមតារាចម្រៀង BlackPink នេះ អ្នកប្រាកដជាបានឃើញនូវរូបភាពតារាស្រីម្នាក់ទៀតដែលឈរនៅក្បែរ Rose។ វាពិតជាធ្វើឱ្យអ្នកគាំទ្...

វិធីសាស្រ្តតុបតែងស្បែកជើងឱ្យ សមនឹងសម្លៀកបំពាក់

ដោយ: ដួងច័ន្ទ 7 PM, Wednesday, 24 Jan, 2018

ការតុបតែងខ្លួន ឱ្យបានស្រស់ស្អាត អាចជារឿងដ៏ពិបាកមួយ ព្រោះអ្នកមានជម្រើសច្រើនពេក ដែលអាចឱ្យអ្នកពិបាក ក្នុងការសម្រេចចិត្តជ្រើសរើសឱ្យសក្តិសមគ្នា។ ទោះបីជា...

ម៉ូតឈើតំរៀបគ្នា ១២ម៉ូតដ៏ស្រស់ស្អាត សម្រាប់គេហដ្ឋានទាន់សម័យ

ដោយ: ដួងច័ន្ទ 9 PM, Monday, 20 Feb, 2017

នៅក្នុងអំឡុងឆ្នាំ១៩៦០ ការច្នៃម៉ូតនៃស្ថាបត្យកម្មសំណង់ទំនើប ជាមួយនឹងការតំរៀបបន្ទះឈើតូចៗ ជាជួរឈរ ហើយការ décor ពីបន្ទះឈើកាន់តែពេញនិយម និងលេចឡើងជាម៉ូតប្...

មកស្គាល់ Oun Smart បុគ្គលិកថ្មីរបស់ Smart

ដោយ: ដួងច័ន្ទ 8 AM, Friday, 10 May, 2019

ការបន្ថែមចុងក្រោយនៅក្នុងក្រុមការងារ Smart Axiata គឺបុគ្គលិកថ្មីមានឈ្មោះថា Oun Smart ត្រូវបានបង្ហាញនៅក្នុងហាង Smart Shop Monivong កាលពីថ្ងៃទី 6 ខែឧស...

Tomnerb.Com - YouTube Channel