ចូលចិត្តទំនើប

ប្រវត្តិនៃពិធីបុណ្យភ្ជុំបិណ្ឌ

ដោយ: ភារុន 9 AM, Friday, 21 Sep, 2018

ពិធីបុណ្យភ្ជុំបិណ្ឌជាពិធីបុណ្យមួយក្នុងចំណោមពិធីបុណ្យធំៗដទៃទៀត ដែលប្រជាជនខ្មែរតែងតែប្រារព្ធធ្វើជារៀងរាល់ឆ្នាំ។ នៅពេលដល់ថ្ងៃ ខែ ដែលត្រូវប្រារព្ធធ្វើពិធីបុណ្យភ្ជុំបិណ្ឌ បងប្អូនកូនចៅ សាច់ញាតិសន្តានទាំងអស់ ទោះជាពួកគេនៅទីជិត ឬ ទីឆ្ងាយក៏ដោយ ក៏ពួកគេតែងតែធ្វើដំណើរមកជួបជុំគ្នា ជាពិសេសមកជួបជុំជាមួយឪពុកម្តាយដើម្បីរៀបចំម្ហូបអាហារ បាយសម្ល ធ្វើជាចង្ឆាន់យកទៅប្រគេនព្រះសង្ឈដែលគង់នៅវត្តអារាមនានា។

ប្រវត្តិបុណ្យភ្ជុំបិណ្ឌ
បើតាមតម្រាចារតាមប្រវត្តិសាស្រ្តនៃប្រទេសកម្ពុជា បានបង្ហាញថាពិធីបុណ្យភ្ជុំបិណ្ឌគឺកើតមានតាំងពីបូរាណកាលមកម្ល៉េះ។ ប៉ុន្តែនៅសម័យនោះគេមិនហៅថា ពិធីបុណ្យភ្ជុំបិណ្ឌទេ។ ពិធីបុណ្យភ្ជុំបិណ្ឌត្រូវបានគេបែងចែកជាពីរ។ ទីមួយគឺចាប់ផ្តើមពីថ្ងៃ ១រោច ដល់ ១៤រោច ហើយទីពីរគឺនៅថ្ងៃ ១៥រោច ដែលប្រជាជនខ្មែរនិយមហៅថា ភ្ជុំបិណ្ឌធំ។ ទាំងពីរនេះបូកបញ្ចូលគ្នាទើបហៅថាពិធីបុណ្យភ្ជុំបិណ្ឌនេះឯង។

បើតាមគម្ពីរ “ពិទ្យាធរ ឬ វិជ្ជាធរ” មានតំណាលថា កាលនោះមានព្រះថេរមួយអង្គឈ្មោះ ព្រះឧបគុត្តសេ្ថរ លោកមានអំណាច និង ឥទ្ធិពលខ្លាំងណាស់ លោកក៏បាននិមន្តទៅធ្វើទស្សនកិច្ចនៅស្ថាននរក ដែលពោរពេញដោយភ្លើងឆេះសន្ធោរសន្ធៅ នឹងមានកម្តៅក្តៅខ្លាំង ប៉ុនែ្តដោយឥទ្ធិពលរបស់លោក ក៏មានលេចចេញនូវផ្កាឈូករត័្នមួយដ៏ធំប៉ុនកងរាជរថ រួចលោកក៏គង់នៅលើផ្កាឈូកនោះ ហើយផ្កាឈូកនោះក៏ហោះកាត់ស្ថាននរក ដែលធើ្វឲ្យព្រះអង្គត្រជាក់ស្រួល ដោយមិនមានទទួលឥទ្ធិពលពីភ្លើងកម្តៅស្ថាននរកឡើយ។

រីឯពួកសត្វនរកវិញគ្រាន់តែដឹងថា ព្រះឧបគុត្តសេ្ថរលោកនិមន្តមក ក៏ធ្វើឲ្យពួកសត្វនរកទាំងនោះមានការភ្ញាក់ផ្អើលយ៉ាងខ្លាំង ។ ពួកសត្វនរកទាំងនោះមានការកោតខ្លាច នូវភាពអស្ចារ្យរបស់ព្រះអង្គយ៉ាងខ្លាំង ក៏នាំគ្នាចុះមកអបអរសាទរ ហើយសួរអំពី ឬទិ្ធបារមីរបស់ព្រះអង្គ លោកក៏បានពន្យល់ និង សមែ្តងធម៌‌ទេសនាអោយពួកសត្វនរកទាំងនោះស្តាប់ ក្រោយមកលោក ក៏បានលាត្រឡប់មកស្ថានមនុស្សវិញ។ ហើយពួកសត្វនរកទាំងនោះបានផ្តាំផ្ញើថា៖ “ទូលព្រះបង្គំទាំងអស់គ្នាសព្វថៃ្ងនេះលំបាកវេទនាណាស់ ណាកម្តៅភ្លើងនរក ណាអត់អាហារ មិនដែលមានសាច់សាលោហិតណាលើកយកអាហារភោជន ឬ បច្ច័យបួនមកឧបត្ថម្ភពួកខ្ញុំម្តងណាទេ ពួកខ្ញុំមានការស្រេកឃ្លានខ្លាំងណាស់ រោគាព្យាធិ និង ជំងឺតម្កាត់ក៏មានច្រើនដែរ អ៊ីចឹងបើតេជគុណនិមន្តទៅស្ថានមនុស្សលោកវិញ សូមព្រះតេជគុណមេត្តាផ្សព្វផ្សាយឲ្យបងប្អូនសាច់ញាតិ ម៉ែ ឪ ជីដូន ជីតា មិត្តភក្តិរបស់ពួកខ្ញុំ ឱ្យពួកគេធ្វើបុណ្យនិមន្តព្រះសង្ឃមក ដាក់បិណ្ឌ ឬ កាន់បិណ្ឌ នឹងផ្សព្វផ្សាយពរសព្វសាធុការផល្លានិសង្ឃ បុណ្យដាក់បិណ្ឌដល់ទូលព្រះបង្គំទាំងអស់គ្នាផង ដើម្បីអោយទូលព្រះបង្គំបានផល្លានិសង្ឈទាំងនេះ ជួយឧបត្ថម្ភឲ្យបានឆែ្អតស្កប់ស្កល់បាត់ទុក្ខវេទនាតទៅ”។

ព្រះឧបគុត្តតេ្ថរ ក៏នាំយកពាក្យបណ្តាំទាំងនោះទៅក្រាបបង្គំទូលសេ្តចនាពេលនោះទៅ។ គ្រាន់តែថ្វាយព្រះពរប៉ុណ្ណឹងសេ្តចក៏ធ្វើជា ចុតហ្មាយ ផ្សព្វផ្សាយដល់ប្រជារាស្រ្តគ្រប់ៗគ្នាក្នុងព្រះរាជាណាចក្រកម្ពុជា ដើម្បីឲ្យប្រជារាស្រ្តទាំងអស់ធ្វើបុណ្យដាក់បិណ្ឌ ឬ កាន់បិណ្ឌនៅក្នុងរដូវវស្សា ដោយផ្តាំផ្ញើទៀតថាឲ្យធ្វើចំនៅថៃ្ង ១រោច ខែភទ្របទរហូតដល់ ថៃ្ង១៥រោច ខែភទ្របទ ឬ ដាច់ខែដោយហេតុនេះហើយ ដែលនាំឲ្យមានពិធីកាន់បិណ្ឌជាប្រពៃណី តាំងពីពេលនោះរហូតមកដល់សព្វថៃ្ងនេះ។

ប្រភព: mcfa ផ្នែក: បែបបទជីវិត, សិល្បៈ

អត្ថបទអ្នកចង់អាន

Jay Z និង Beyonce ប្រេះឆាធ្ងន់ធ្ងរ អាចបញ្ចប់ជីវិតគូត្រឹម 7ឆ្នាំ

ដោយ: រីកា 4 PM, Saturday, 26 Mar, 2016

នៅពេល​កើត​ស្នាម​ប្រេះឆា​ម្តង​ហើយ វា​ជា​រឿង​ពិបាក​ណាស់ ​ក្នុងការ​ធ្វើឱ្យអ្វីៗគ្រប់យ៉ាង ​ត្រឡប់មក​ល្អ​ដូចដើម​វិញ​នោះ ដូចគ្នា​នឹង​រឿងរ៉ាវ​ជីវិត​គូរ​បស...

ការតុបតែងបន្ទប់ ១៧ម៉ូត សម្រាប់អ្នកឈ្លក់វង្វេងនឹងសៀវភៅ

ដោយ: ដួងច័ន្ទ 8 PM, Wednesday, 15 Mar, 2017

អ្នកជាមនុស្សងប់ងល់ នឹងការអានសៀវភៅ ដែលមែនទេ? នៅពេលអានសៀវភៅ យើងត្រូវការបរិយាកាស ស្ងប់ស្ងាត់ គ្មានការរំខាន ដែលជួយឱ្យយើងអានប្រមូលអារម្មណ៍ អានសៀវភៅបានមូ...

ស្រី្ត ការងារ និងបច្ចេកវិទ្យា

ដោយ: ដួងច័ន្ទ 8 PM, Saturday, 12 Aug, 2017

ទិន្នន័យការងារនៅតាមផ្ទះ គឺជាទិន្នន័យ ដែលមិនអាចព្រងើយកន្តើយបានទេ។ ចាប់ផ្តើមពីការកើនឡើងទិន្នផលផលិតកម្ម រហូតដល់ការប្រើប្រាស់លេស ដើម្បីឈប់សម្រាកកាន់តែត...

គ្រឿងសង្ហារឹមពហុមុខងារ ច្នៃដោយក្រុមហ៊ុន Tetran

ដោយ: ដួងច័ន្ទ 10 PM, Monday, 17 Apr, 2017

គ្រឿងសង្ហារឹម ដែលមានមុខងារជាច្រើន ដែលផលិត និងច្នៃដោយក្រុមហ៊ុនច្នៃម៉ូតដ៏ល្បី Tetran បង្កើតបានជាសម្ភារៈដ៏ល្អប្រើប្រាស់បាននៅគ្រប់ទំហំទីតាំង។ ទីតាំងតូច...

Tomnerb.Com - YouTube Channel