ចូលចិត្តទំនើប

តិចនិច តុបតែង គេហដ្ឋាន

ដោយ: ដួងច័ន្ទ 7 PM, Saturday, 23 Sep, 2017

តើអ្នកកំពុងស្វែងរកគំនិតថ្មីៗ សម្រាប់ការតុបតែងគេហដ្ឋានមែនទេ? ទំនើប នឹងផ្តល់ជូនអ្នកនូវអ្វីដែលអ្នកចង់បាន ជាគំនិតតុបតែងបន្ថែមនូវបរិយាកាសស្រស់ស្រាយ ពោរពេញដោយថាមពល និងមនោសញ្ចេតនា។

  • ពិនិត្យមើលទិដ្ឋភាពរួម នៅក្នុងបន្ទប់

តើបង្អួចក្នុងបន្ទប់មានរូបរាងសមស្រប ឬទេ? តើអ្នកត្រូវប្រើប្រាស់ឈើរឹងក្រាលជាឥដ្ឋ ឬទេ? តើផ្ទៃបន្ទប់ របស់អ្នកទូលាយឬទេ? បន្ទាប់ពីអ្នកបានពិនិត្យមើលលើអ្វី ដែលអ្នកអាចសាងសង់បានហើយ ដល់ពេលដែលអ្នកត្រូវគិតគូរពីផែនការថវិកា។ ការងារជួសជុលធម្មតា និងរូបគំនូរនៅលើជញ្ជាំង ជាការចំណាយដែលទាមទារឱ្យមានការគិតគូរ ឱ្យបានដិតដល់។ អ្នកអាចបន្ថែមគ្រឿងសង្ហារឹមធំៗ និងគ្រឿងលម្អផ្សេងៗ ដែលងាយស្រួលស្វែងរកនៅតាមហាង ដោយប្រើប្រាស់សង្ហារឹមមានក្បាច់រចនា រូបភាពសិល្បៈ និងក្រណាត់ចម្រុះពណ៌ ដើម្បីបង្កើតបរិយាកាសដ៏លេចធ្លោ និងទាក់ទាញ។

interior-design-tips-news-technology-tomnerb-01

  • បន្ថែមគ្រឿងលម្អថ្មី

គ្រឿងតុបតែងដូចជា សង្ហារឹម ដើមរុក្ខជាតិ និងការប្រើប្រាស់ពណ៌នៅក្នុងបន្ទប់ នាំមកនូវផ្ទៃបន្ទប់ដែល ពោរពេញដោយភាពច្នៃប្រឌិត។

interior-design-tips-news-technology-tomnerb-02

  • ប្រើប្រាស់ផលិតផល ធ្វើពីថ្មម៉ាប

សម្ភារៈតុបតែងមួយប្រភេទ ដែលធ្វើពីថ្មម៉ាប ផ្តល់នូវសោភណ្ឌភាពដ៏ទាក់ទាញ និងបង្ហាញពីតម្លៃរបស់បន្ទប់និមួយៗ។ លើសពីនេះទៀត ថ្មម៉ាប ផ្តល់នូវគំនិតតុបតែងគ្មានដែនកំណត់ ដែលបង្ហាញពីភាពថ្លៃ ថ្នូររបស់ម្ចាស់គេហដ្ឋាន។ ថ្មម៉ាបអាចប្រើប្រាស់ជាឥដ្ឋ ផ្ទៃតុពីខាងលើ ចង្ក្រានបាយ និងការតុបតែងផ្សេងៗក្នុងបន្ទប់ទឹក។ ថ្មម៉ាបមិនត្រឹមតែបន្ថែមសម្រស់ ដល់បន្ទប់ប៉ុណ្ណោះទេ វាថែមទាំងជាប់ធន់បាន យូរទៀតផង។ ម្យ៉ាងវិញទៀត បាសាំងទឹក និងការ៉ូឥដ្ឋធ្វើពីថ្មម៉ាប ត្រូវបានទទួលស្គាល់ថាមានភាពស្រស់ស្អាតខ្លាំង ជាពិសេសសម្រាប់ការតុបតែងក្នុងផ្ទះបាយ និងបន្ទប់ទឹក។

interior-design-tips-news-technology-tomnerb-03

  • ជ្រើសរើសសម្ភារៈ បែបធម្មជាតិ

អ្នកគួរពិចារណាប្រើប្រាស់ផលិតផលធ្វើពីដៃ កម្រាលព្រំបែបធម្មជាតិ ក៏ដូចជាគ្រឿងសង្ហារឹមឈើ ដើម្បី បន្ថែមនូវសោភណ្ឌភាពបែប Classic នៅក្នុងគេហដ្ឋាន។ ការប្រើប្រាស់សម្ភារៈបែបធម្មជាតិនឹងផ្តល់នូវ បរិយាកាសបែបស្ងប់ស្ងាត់ និងកក់ក្តៅ។

interior-design-tips-news-technology-tomnerb-04

  • ប្រើប្រាស់ សម្ភារៈកញ្ចក់ និងលោហៈ

បង្អួចកញ្ចក់ តុកញ្ចក់ គម្របអំពូលភ្លើងកញ្ចក់ ឡាបូលាងដៃកញ្ចក់ វាំងននថ្លា និងគ្រឿងសង្ហារឹមថ្លាដូច កញ្ចក់ មានសមត្ថភាពប្រែក្លាយសោភណ្ឌភាពបន្ទប់ទាំងអស់ ក៏ដូចជាផ្តល់នូវពន្លឺពីធម្មជាតិនៅក្នុង បន្ទប់។ សម្ភារៈធ្វើពីលោហៈធាតុ ដូចជាកៅអីដែក ជើងទម្រទៀន ឬស៊ុមធ្វើពីលោហៈ គឺជាការតុបតែង ដ៏ទាក់ទាញមួយដែលអ្នកគួរសាកល្បង។

interior-design-tips-news-technology-tomnerb-05

  • សាកល្បងជាមួយគ្រឿងលម្អ មានរូបរាងប្លែកៗ

គ្រឿងតុបតែងលម្អដែលមានផ្ទៃ ឬក្រឡាប្រទាក់គា្ន មានរាងពត់ពេន និងមានពណ៌ចែងចាំងដូចជាពណ៌ បៃតង ក្រហម និងពណ៌ទឹកក្រូច អាចប្រែក្លាយបរិយាកាស និងសោភណ្ឌភាពក្នុងបន្ទប់ស្ទើរទាំងស្រុង។ បច្ចុប្បន្ន សម្ភារៈដែលមានគែមរលោង និងទន់ ទទួលបានប្រជាប្រិយភាពជាងសម្ភារៈដែលមាន រាងត្រង់ភ្លឹង។

interior-design-tips-news-technology-tomnerb-06

ដូច្នេះ មិនថាអ្នកធ្វើការកែលម្អសោភណ្ឌភាពគេហដ្ឋាន ឬរៀបចំការតុបតែងថ្មីទេ ការតុបតែងច្នៃម៉ូដនៅ ក្នុងគេហដ្ឋានគឺជាដំណើរដ៏រីករាយ និងស្រស់ស្អាតមួយ ដែលបង្ហាញពីរសនិយម និងរចនាបទផ្ទាល់ខ្លួនរបស់អ្នក។ សូមបង្ហាញពីខ្លួនអ្នក តាមរយៈការតុបតែងគេហដ្ឋាន។

interior-design-tips-news-technology-tomnerb-07

ប្រភព: Decoholic ផ្នែក: បែបបទជីវិត, សិល្បៈ

អត្ថបទអ្នកចង់អាន

ភ្ញាក់ផ្អើល! Bella ចេញមុខបកស្រាយ ក្រោយ Weir បង្ហើបថា 2ឆ្នាំទៀតនឹងរៀបការ!

ដោយ: ភារុន 9 AM, Wednesday, 23 Jan, 2019

អំឡុងពេលចូលរួមកម្មវិធីមួយ កាលពីពេលថ្មីៗនេះ តារាសម្ដែង Bella Ranee ត្រូវបានក្រុមអ្នកសារព័ត៌មានចោមរោមសួរទាក់ទងនឹងសម្ដីដែលលោក Weir Sukollawat បាននិយាយ...

លី សង់ មីន រៀបការជាមួយ ឃីម សា អុឹន ហើយ

ដោយ: ដាលីស 12 PM, Wednesday, 10 Jun, 2015

ទោះជាបណ្តាអ្នកគាំទ្រជាច្រើន មិនសូវស្វាគមន៍នឹងការសម្រេចចិត្ត បោះបង់ភាពនៅលីវរបស់តារាចម្រៀងកំលោះ លី សង់​ មីន (Lee Sung Min) វ័យ 28ឆ្នាំរបស់វង់ប៊យប៊ែនដ...

ជម្រើសឡាបូលាងដៃ សម្រាប់បន្ទប់ទឹកតូចចង្អៀត

ដោយ: ដួងច័ន្ទ 11 PM, Wednesday, 02 Aug, 2017

ការតុបតែងគេហដ្ឋាន ជាការប្រើប្រាស់គំនិតច្នៃប្រឌិត ដើម្បីឱ្យសោភណ្ឌភាពក្នុងគេហដ្ឋានកាន់តែស្រស់ស្អាត និងស្តែងចេញពីចរិកលក្ខណៈរបស់ម្ចាស់ផ្ទះ។ មនុស្សមួយចំ...

10 ចំណុចត្រូវការត្រួតពិនិត្យ មុនពេលចេញដំណើរ

ដោយ: ដួងច័ន្ទ 8 PM, Thursday, 01 Mar, 2018

រដូវកាលបុណ្យចូលឆ្នាំប្រពៃណីចិន ខិតជិតចូលមកដល់ហើយ ដែលនេះជាពេលវេលាដើរកំសាន្ត ជួបជុំគ្រួសារដ៏រីករាយមួយ។ មិនថាអ្នកត្រូវធ្វើដំណើរទៅទីជិត ឬទីឆ្ងាយដោយប្រើ...

Tomnerb.Com - YouTube Channel