ចូលចិត្តទំនើប

កូនតុតូចជាប់ក្បាលគ្រែ ១៤ម៉ូត សម្រាប់តុបតែងបន្ទប់គេង

ដោយ: ដួងច័ន្ទ 9 PM, Sunday, 09 Apr, 2017

ទោះបីជាកូនតុជាប់ក្បាលគ្រែរបស់អ្នក ជាម៉ូតចុងក្រោយបែបណាក៏ដោយ ក៏ទីតាំងដ៏តូចមួយនេះមាន ចំណុចជាច្រើនស្តែងអំពីអ្នក។ ដើម្បីរៀបចំកូនតុៗ ឱ្យមានរបៀបរៀបរយ មានភាពទាក់ទាញ និងស្រស់ស្អាត ទំនើប សូមណែនាំម៉ូតកូនតុ ១៥ម៉ូត សម្រាប់អ្នកធ្វើការពិចារណា សម្រាប់ការតុបតែងក្នុងបន្ទប់គេង ដ៏ស្រស់ស្អាតរបស់អ្នក។ ជាមួយកូនតុដ៏ស្រស់ស្អាតទាំងនេះ អ្នកអាចទទួលបានបន្ទប់ គេងក្នុងក្តីស្រមៃ ហើយអ្នកគ្រាន់តែបន្ថែមការតុបតែង លម្អបន្តិចបន្តួចទៀតដូចជា សៀវភៅអាន ទៀន ក្រអូប ស៊ុមរូបថត កូនរុក្ខជាតិ ជាដើម។

១. កូនតុ មានជើងដូចដង្កៀបសក់៖ វាបន្ថែមនូវភាពកក់ក្តៅ ចំពោះជញ្ជាំងពណ៌ស និងកំរាលពូកពណ៌ស និងជាកូនតុផលិតពីឈើបែបធម្មជាតិ។ ដើម្បីតុបតែងបន្ទប់ ដែលមានសោភណ្ឌភាពបែបទាន់សម័យ អ្នកគួរពិចារណាជ្រើសរើសយកកូនតុ ដែលមានម៉ូតពិសេសបែបនេះ។

Bedside-Table-Shelfies-01

២. ពណ៌បៃតងខ្ចី + ស៖ បើសិនជាអ្នកចង់បាន ពណ៌រំលេចនៅក្នុងបន្ទប់គេង អ្នកអាចពិចារណាជ្រើសយកកូនតុពណ៌ស សាមញ្ញធម្មតា។ ជាគូនឹងជញ្ជាំងពណ៌បៃតងខ្ចី ម៉ូតគ្រឿងសង្ហារឹមបែបសាមញ្ញធម្មតាផ្តល់នូវអារម្មណ៍បែបស្រស់ស្រាយ និងពោរពេញដោយខ្យល់អាកាសបរិសុទ្ធ សម្រាប់ បន្ទប់របស់អ្នក។

Bedside-Table-Shelfies-02

៣. ពណ៌ទង់ដែង៖ នៅពេលអ្នកសុញគំនិត សម្ភារៈបែបលោហៈជាជម្រើសដ៏ប្រសើរ។ តុតូចដ៏សាមញ្ញមួយនេះ មានការរចនាម៉ូតបែបទាន់សម័យ ជាមួយគ្រឿងលម្អធ្វើពីលោហៈធាតុ និងពណ៌លេចធ្លោ ឆ្លាស់គ្នាជាមួយពណ៌ទង់ដែង នៅលើដងកាន់របស់ថតតុនិមួយៗ។

Bedside-Table-Shelfies-03

៤.កូនតុ ដ៏តូចច្រលឹង៖ បើសិនជាអ្នកចូលចិត្តគ្រឿងតុបតែងតូចៗ អ្នកអាចជ្រើសរើសម៉ូតមួយនេះ ដែលជាស្នាដៃនៃការរួមសហការគ្នារវាង ពុម្ពអក្សរ Maiko Nagao ដ៏ស្រស់ស្អាត និង ម៉ូតកូនតុ LilyJane Boutique។ ដើម្បីទទួលបានម៉ូតស្រដៀងគ្នា អ្នកគួរជ្រើសយកកូនតុរលោងតូច និងសាមញ្ញ ដែលពណ៌សុទ្ធ។

Bedside-Table-Shelfies-04

៥. ពណ៌ខៀវ៖ បន្ថែមរសនិយមបែបសិល្បៈទៅក្នុងបន្ទប់គេង ជាមួយម៉ូតកូនតុបែបបូរាណ។ សម្រាប់ការតុបតែង អ្នកគួរប្រើប្រាស់សម្ភារៈបែបចម្រុះពណ៌ ដូចជាអំពូលភ្លើងពណ៌ខៀវខ្ចី រួមជាមួយ ស្រោមខ្នើយពណ៌ខៀវដែរ។

Bedside-Table-Shelfies-05

៦. ពណ៌បៃតង បែបធម្មជាតិ៖ ជ្រុងបន្ទប់ដ៏កក់ក្តៅមួយនេះ បង្ហាញពីធម្មជាតិ លាយឡំនឹងពន្លឺភ្លឺស្រឡះពេញផ្ទៃបន្ទប់។ អ្នកអាចបន្ថែមការតុបតែង ជាមួយកូនរុក្ខជាតិនៅលើតុតូចៗ សម្រាប់សោភណ្ឌភាពបន្ទប់គេងបែបធម្មជាតិស្រស់ត្រកាល។

Bedside-Table-Shelfies-06

៧. ពណ៌សក្បុស៖ បើសិនជាអ្នកមានចំណូលចិត្ត ក្នុងការតុបតែងបន្ទប់បែបសក្បុស អ្នកគួរតែបន្ថែម សម្ភារៈប្រើប្រាស់ ដែលមានភាពកក់ក្តៅ និងមានលោហៈធាតុលាយឡំជាមួយ។ ជាមួយនឹងសម្ភារៈ ដែលមានលក្ខណៈសាមញ្ញដូចជាកូនតុឈើ ជាមួយនឹងប្រអប់ដាក់គ្រឿងអលង្ការដែក បន្ទប់ដ៏សក្បុសរបស់អ្នក នឹងកាន់តែស្រស់ស្អាត និងទាក់ទាញ។

Bedside-Table-Shelfies-07

៨. បែបរ៉ូមែនទិក៖ សម្រាប់ការតុបតែង ដែលមានលក្ខណៈភ្លឺរលោង អ្នកគួរតុបតែងលាយគ្នារវាងស៊ុមរូបថតមានរឹមស និងខ្មៅ ជាមួយគ្រឿងសង្ហារឹមដ៏តូចច្រលឹង។ ការតុបតែងបែបនេះនឹងធ្វើឱ្យកូនតុរបស់អ្នកពោរពេញដោយភាពរ៉ូមេនទិក។ បន្ថែមសោភណ្ឌភាពដោយរៀបចំ ជាមួយថូផ្កាកូលាប បន្ថែមជាមួយសម្ភារៈពណ៌មាស និងទៀនបំភ្លឺ សម្រាប់សោភណ្ឌភាពដ៏ទាក់ចិត្ត។

Bedside-Table-Shelfies-08

៩. កូនតុម៉ាក IKEAបើសិនជាអ្នកជាប្រិយមិត្តរបស់ផលិតផល IKEA កូនតុតូចកូនកាត់ជាមួយ ធ្នើសៀវភៅមួយនេះ អាចជាជម្រើស នៃការតុបតែងបន្ទប់ថ្មីសម្រាប់អ្នក។ ជាមួយទីតាំងដាក់សម្ភារៈបានកាន់តែច្រើន អ្នកអាចតុបតែង និងរៀបចំថតនិមួយៗ ជាមួយនឹងសម្ភារៈចាំបាច់នៅក្បែរគ្រែគេង ដែលអាចជាសៀវភៅអាន ប្រអប់សម្ភារៈ និងតាំងរូបភាពជាទីស្រឡាញ់របស់អ្នកពីខាងលើ។

Bedside-Table-Shelfies-09

១០. តុឈើ Marbleការតុបតែងបែបជនបទ ជាមួយនឹងភាពទាន់សម័យ នៅក្នុងកូនតុឈើ marble ពណ៌ស្រគាំមួយនេះ។ បន្ថែមសម្រស់ដល់កូនតុមួយនេះ ដោយរៀបចំជាមួយកែវតែក្តៅឧណ្ហ ដុតទៀនបំភ្លឺ និងសៀវភៅអាន។

Bedside-Table-Shelfies-010

១១. ថូផ្កាតូចៗ៖ នាំយកក្តីស្រឡាញ់ធម្មជាតិរបស់អ្នក ទៅកាន់បន្ទប់គេងរបស់អ្នក ជាមួយកូនថូតូចៗ។ អ្នកអាចប្រើប្រាស់ជាធ្នើ សម្រាប់តាំងកូនរុក្ខជាតិតូចៗ ដ៏ស្រស់ស្អាតនៅក្នុងបន្ទប់គេង។

Bedside-Table-Shelfies-011

១២. តុមូល៖ ជម្រើសតុតូចៗ ប្រភេទនេះមិនមែនជាប្រភេទ ដែលអ្នកអាចស្វែងរកបានដោយងាយនោះទេ ហើយនេះគឺជាចំណុចដ៏ល្អ សម្រាប់ការតុបតែងក្នុងបន្ទប់។ អ្នកគួររៀបចំវាជាមួយកញ្ចក់បញ្ឈរ កូនរុក្ខជាតិតូចៗ និងចានដាក់គ្រឿងអលង្ការ។

Bedside-Table-Shelfies-012

១៣. រទេះរុញដាក់អាហារ៖ សម្រាប់តុបែបទាន់សម័យ និងមានភាពផ្ចិតផ្ចង់ អ្នកអាចប្រែក្លាយរទេះរុញដាក់អាហារនៅក្នុងភោជនីយដ្ឋាន ឱ្យទៅជាតុនៅក្នុងបន្ទប់គេង ដែលច្នៃប្រឌិតថ្មី។ ទោះបីវាជារទេះ ថ្មី ឬរទេះចាស់កែច្នៃថ្មី អ្នកគួរលាបពណ៌មាសរលោង សម្រាប់ជាសោភណ្ឌភាពថ្មី និងភ្លឺរលោង។

Bedside-Table-Shelfies-013

១៤. ពណ៌ខ្មៅ៖ សូមកុំភ័យខ្លាច នឹងការប្រើប្រាស់តុពណ៌ខ្មៅ។ ជាមួយជំនួយពីផ្កាស្រស់ លាយជាមួយពណ៌មាសភ្លឺចែងចាំង ទៀន រូបថត នឹងធ្វើឱ្យតុនៅក្នុងបន្ទប់គេងរបស់អ្នក មានពន្លឺចែងចាំង និង គួរឱ្យទាក់ទាញ។

តើនៅក្នុងចំណោមម៉ូត ខាងលើនេះមានម៉ូតណាទាក់ចិត្ត ទាក់អារម្មណ៍អ្នកដែរឬទេ? ឬក៏អ្នកមានគំនិតច្នៃប្រឌិតការតុបតែងល្អជាងនេះ? បើសិនជាមាន សូមចែករំលែកជាមួយទំនើបផង។

Bedside-Table-Shelfies-014

ប្រភព: Brit ផ្នែក: បែបបទជីវិត, សិល្បៈ

អត្ថបទអ្នកចង់អាន

តោះ! រៀនធ្វើធ្នើសៀវភៅ ដោយខ្លួនឯង!

ដោយ: ដួងច័ន្ទ 11 PM, Sunday, 20 Aug, 2017

បើអ្នកជាមនុស្សស្រឡាញ់សៀវភៅ ការទុកដាក់សៀវភៅឱ្យមានរបៀបរៀបរយ និងមានសណ្តាប់ធ្នាប់ ជាទង្វើដែលអ្នកត្រូវធ្វើជាចាំបាច់។ អ្នកអាចធ្វើការច្នៃប្រឌិត បង្កើតជាធ្...

Jennie របស់ក្រុម BLACKPINK នឹងបង្ហាញបទចម្រៀង Solo របស់ខ្លួនជាលើកដំបូងនៅខែវិច្ឆិកាខាងមុខនេះ

ដោយ: ភារុន 8 AM, Friday, 19 Oct, 2018

នៅក្នុងសេចក្តីរាយការណ៍ផ្តាច់មុខមួយរបស់គេហទំព័រ Sports Donga បានបង្ហាញថា Jennie របស់ក្រុម BLACKPINK នឹងធ្វើការបង្ហាញអាល់ប៊ុម Solo របស់នាងជាលើកដំបូងន...

Xiumin ត្រូវបានអ្នកគាំទ្រសួរថា តើគាត់ចង់ទទួលការចាក់សាក់ដែរឬទេ? …គ្មានអ្នកណាម្នាក់ រំពឹងទុកនូវចម្លើយនេះទេ!

ដោយ: ភារុន 8 AM, Wednesday, 24 Oct, 2018

ក្នុងអំឡុងពេលជំនួបអ្នកគាំទ្រ Daegu សម្រាប់ “Blooming Days” របស់ក្រុមតារាចម្រៀងប្រុសសង្ហា EXO-CBX មានអ្នកគាំទ្រម្នាក់បានសួរទៅកាន់ Xiumin...

ការតុបតែងបន្ទប់ទឹក ទាន់សម័យ

ដោយ: ដួងច័ន្ទ 5 PM, Tuesday, 26 Sep, 2017

បន្ទប់ទឹក គឺជាទីកន្លែង សម្រាប់ការសម្រាកលំហែ និងគេចចេញពីបរិយាកាសខាងក្រៅ ជាទីកន្លែង បន្ធូរភាពស្មុគស្មាញ។ ទំនើប សូមណែនាំគំនិតតុបតែងបន្ទប់ទឹក ដែលនឹងផ្ត...

Tomnerb.Com - YouTube Channel