ចូលចិត្តទំនើប

ការរៀបចំខ្លួន បុរសគ្រប់រូប គួរស្វែងយល់

ដោយ: ដួងច័ន្ទ 8 PM, Friday, 22 Sep, 2017

ការរៀបចំខ្លួនឱ្យបានល្អឥតខ្ចោះ គឺជាបង្ហាញពីលក្ខណៈសម្បត្តិរបស់អ្នក ដោយអ្នកបានរៀបចំគ្រប់យ៉ាងដោយគ្មានចន្លោះប្រហោង។ សូមកុំយល់ច្រឡំថា បុរសមិនត្រូវការរៀបចំខ្លួនដូចស្រ្តី។ ដើម្បីទទួលបានភាពទាក់ទាញ និងល្អឥតខ្ចោះសូមកុំមើលស្រាលលើការរៀបចំខ្លួន។

ទំនើប សូមណែនាំពីការរៀបចំខ្លួនបីបែប ដែលបុរសគ្រប់រូបគួរធ្វើការស្វែងយល់ ដើម្បីបង្ហាញពីភាពថ្លៃថ្នូរ និងពេញលក្ខណៈជាបុរស។

  1. សាមញ្ញធម្មតា

ខោខូវប៊យពណ៌ខៀវដិត ជាមួយនឹងអាវដៃវែង ឬអាវយឺត ដ៏សាមញ្ញ គឺជាមូលដ្ឋានគ្រឹះនៃការរៀបចំខ្លួនបែបសាមញ្ញ។ អាវដែលផលិតពីសរសៃឡែន ក៏ជាជម្រើសដ៏ល្អមួយជំនួសឱ្យអាវយឺត ឬអាចពាក់ពីលើអាវយឺត។ អ្នកត្រូវបន្ថែមជាមួយស្បែកជើងស្បែកកាំម្ញី (Chukka Boots) ដែលមានពណ៌ ត្នោត ឬពណ៌បែបស្រអាប់ងងឹត ដោយវាអាចប្រើប្រាស់បានគ្រប់កាលៈទេសៈ។ ខ្សែក្រវ៉ាត់បន្ទះធំ មានស្បែកស្រដៀងនឹងស្បែកជើង ជាគូនឹងនាឡិកាដៃ Smart Watch ខ្សែស្បែក ផ្តល់ឱ្យអ្នកនូវរូប រាងដ៏សាមញ្ញ តែស្រស់សង្ហារ។

  1. ផ្លូវការ

ការរៀបចំខ្លួនមួយបែបនេះ ត្រូវផ្សំឡើងពីអាវសាច់ក្រណាត់ បិទឡេវមុខ ជាគូនឹងខោសាច់ក្រណាត់។ អ្នកអាចសាកល្បងប្រើប្រាស់ខោសាច់យឺត ជាមួយអាវឡេវមុខ និងអាវធំគ្របពីលើ សម្រាប់ចូលរួម ពិធីជប់លៀងនាពេលរាត្រី។ ស្បែកជើងស្បែក ក ខ្លី ចងខ្សែសក្តិសមជាមួយនឹងការតុបតែងខ្លួនជាលក្ខណៈផ្លូវការ ឬអ្នកអាចប្រើប្រាស់ស្បែកជើងស្បែកបិទឡេវ ដែលមានម៉ូដម៉ាកបន្តិចបន្តួចក៏បានដែរ។ ចំពោះខ្សែក្រវ៉ាត់ អ្នកគួរជ្រើសរើសខ្សែក្រវ៉ាត់ទំហំកណ្តាល និងមានស្បែករលើបរលោង ហើយ នាឡិកាដៃក៏ត្រូវមានម៉ូដបែប Classic ផងដែរ។ ការតុបតែងបែបនេះនឹងប្រែក្លាយអ្នកជាសុភាពបុរសដ៏លេចធ្លោមួយរូប។

  1. ឡូយឆាយ

ការតុបតែងមួយបែបនេះ មានលក្ខណៈឡូយឆាយ និងទាក់ទាញ។ ការរៀបចំខ្លួនបែប Designer គឺត្រូវមានសម្លៀកបំពាក់ឈុតពណ៌ប្រផេះ។ អ្នកអាចប្រើប្រាស់វាសម្រាប់កិច្ចប្រជុំ ពិធីជប់លៀង និងពិធីបុណ្យបានដូចគ្នា។ ការតុបតែងខ្លួនបែបនេះ ភាគច្រើនប្រើប្រាស់អាវធំមានហោប៉ៅ រួមជាមួយ និងខ្សែក្រវ៉ាត់ និងនាឡិកាដៃដែលមានលក្ខណៈបែប fashion។ ស្បែកជើងស្បែកចងខ្សែគឺសក្តិសម បំផុតសម្រាប់ការតុបតែងបែបឡូយឆាយ។ អាវលាតសាច់ក្រណាត់ពណ៌សក្បុស នឹងធ្វើឱ្យអ្នករំលេចនូវរូបរាងដ៏ស្រស់សង្ហា និងមាំមួន។

SANDRO-CASUAL-OUTFIT-Man-technology-news-tomnerb-03

SANDRO-CASUAL-OUTFIT-Man-technology-news-tomnerb-02

ប្រភព: Theunstitchd ផ្នែក: បែបបទជីវិត, សិល្បៈ

អត្ថបទអ្នកចង់អាន

PLENG សេវាកម្មតន្រ្តីដ៏សំបូរបែប នៅកម្ពុជា

ដោយ: ដួងច័ន្ទ 10 AM, Friday, 08 Mar, 2019

អ្នកស្រឡាញ់តន្រ្តីនៅទូទាំងប្រទេសកម្ពុជានឹងរីករាយកាន់តែខ្លាំងចំពោះការស្តាប់ចម្រៀងសំណព្វចិត្ត ជាមួយនឹងការដាក់ឱ្យដំណើរការកម្មវិធីថ្មី គឺកម្មវិធី Pleng...

មិននឹកស្មានថា! កូកាកូឡាអាចធ្វើរឿងទាំង 9 នេះបានសោះ!

ដោយ: ភារុន 6 AM, Thursday, 16 May, 2019

អ្នកណាៗក៏ចូលចិត្តផឹកភេសជ្ជៈកូកាកូឡាដែរ ព្រោះថាវាគឺជាភេសជ្ជៈដ៏ពេញនិយមមួយ ជាពិសេសខណៈពេលអ្នកញុំាសាច់អាំង ឬ មាន់បំពង…ជាដើម ដាច់ខាតអ្នកច្បាស់ជាត្រ...

១០ សំណួរ សម្រាប់ការពិចារណា មុនពេលចាប់ផ្តើមប្តូរម៉ូតផ្ទះបាយ

ដោយ: ដួងច័ន្ទ 3 PM, Saturday, 18 Mar, 2017

សម្រាប់អ្នកដែលមានបំណងចង់ជួសជុលផ្ទះបាយ អ្នកគួរធ្វើការពិចារណាឱ្យបានល្អិតល្អន់ ដើម្បីជៀសការខ្ជះខ្ជាយថវិកា និងពេលវេលា។ មុនអ្នកធ្វើការសម្រេចចិត្ត អ្នកគួ...

តិចនិចរៀបចំ បន្ទប់គេង ឱ្យទូលាយ

ដោយ: ដួងច័ន្ទ 9 PM, Friday, 18 Aug, 2017

ទំនើប សូមណែនាំតិចនិចងាយៗ ក្នុងការរៀបចំបន្ទប់គេងរបស់អ្នក ឱ្យមានសោភណ្ឌភាពស្រស់ ស្អាត មានសណ្តាប់ធ្នាប់ និងមានផ្ទៃធំទូលាយ។ បន្ថែមទំហំកន្លែងទុកដាក់សម្ភ...

Tomnerb.Com - YouTube Channel