ចូលចិត្តទំនើប

ក្រុមហ៊ុនព្រីនស៍ រៀល អ៊ីស្ទេត គ្រុប នឹងបន្តបោះទុនវិនិយោគលើគម្រោងធំៗ 4 បន្ថែមទៀតនៅក្នុងទឹកដីខេត្តព្រះសីហនុ

ដោយ: ភារុន 8 AM, Tuesday, 29 Jan, 2019

ក្រុមហ៊ុនអចលនទ្រព្យខ្នាតយក្ស ព្រីនស៍ រៀល អ៊ីស្ទេត គ្រុប នឹងបន្តបោះទុនវិនិយោគលើគម្រោងធំៗចំនួន 4 បន្ថែមទៀត នៅក្នុងទឹកដីខេត្តព្រះសីហនុ ក្រោយពីគម្រោងធំៗចំនួន 2 ទើបតែបានបញ្ចប់ជាស្ថាពរ និង 8 គម្រោងទៀត កំពុងស្ថិតក្នុងដំណាក់កាលសាងសង់ផងដែរ។ ភារៈកិច្ចនេះ ត្រូវបានលើកឡើងនៅក្នុងកម្មវិធី ពិធីជួបជុំបុគ្គលិកជាច្រើនរយនាក់ និងអបអរពិធីបុណ្យចូលឆ្នាំចិន នាយប់ថ្ងៃទី24 ខែមករា ឆ្នាំ 2019 នៅមជ្ឈមណ្ឌលកោះពេជ្រ។ នៅក្នុងពិធីជួបជុំនេះផងដែរ លោក ឈួវ គួរស៊ីញ ប្រធានក្រុមប្រឹក្សាភិបាល នៃក្រុមហ៊ុនព្រីនស៍ រៀល អ៊ីស្ទេត គ្រុប បានបញ្ជាក់ថា ក្រោមការដឹកនាំរបស់ក្រុមប្រឹក្សាភិបាល ដែលមានលោកប្រធាន ចេន ហ្ស៊ី ជាប្រមុខ ក្រុមហ៊ុនព្រីនស៍ រៀល អ៊ីស្ទេត គ្រុប បានប្រមូលផ្តុំកម្លាំងបុគ្គលិកចំនួន 978នាក់ ហើយនឹងផ្តោតទៅលើយុទ្ធសាស្ត្រអភិវឌ្ឍន៍ «បេះដូងមួយ និងស្លាបពីរ» គឺយករាជធានីភ្នំពេញជាបេះដូង ហើយយកខេត្តព្រះសីហនុ និងខេត្តសៀមរាបជាស្លាបទាំងពីរ ដើម្បីសំដៅអភិវឌ្ឍ ទីផ្សារអចលនទ្រព្យរបស់ក្រុមហ៊ុនផ្ទាល់។

បន្ថែមពីនេះលោកក៏បន្តថា នៅក្នុងឆ្នាំ 2018 គម្រោងចំនួនពីរ បានបញ្ចប់ការសាងសង់ជាស្ថាពររួមមាន មជ្ឈមណ្ឌលព្រីនស៍ ផ្លាហ្សា ស្ថិតនៅរាជធានីភ្នំពេញ ដែលមានផ្ទៃដីសរុប 16,300ម៉ែត្រការ៉េ និងសណ្ឋាគារព្រីនស៍ ថាម ហូថេល ស្ថិតក្នុងខេត្តព្រះសីហនុ មានផ្ទៃក្រឡានៃសំណង់អគារសរុប 133,400ម៉ែត្រការ៉េ។ ម្យ៉ាងទៀតលោកក៏បានបន្ថែមថា ក្រៅពីគម្រោងទាំងពីរ ដែលត្រូវបានបញ្ចប់ ក៏នឹងមានគម្រោងចំនួន 8 ទៀត ដែលនឹងកំពុងស្ថិតក្នុងការសាងសង់នៅឡើយ ដែលរួមមាន ព្រីនស៍ ម៉ូឌើន ផ្លាហ្សា, ព្រីនស៍ អ៊ីនធើណាសិនណល ផ្លាហ្សា, មជ្ឈមណ្ឌលកម្សាន្ដ ព្រីនស៍ ម៉ាណ័រ, សួនឧស្សាហកម្ម ខេម អិម ជេ ផាក, អគារទីស្នាក់ការកណ្តាលនៃក្រុមហ៊ុនព្រីនស៍ រៀល អ៊ីស្ទេត គ្រុប, ព្រីនស៍ អាយធី បៀលឌីង ព្រីនស៍ ធាន ស៊ីវ៉ាន និងព្រីនស៍ ស្មាតហ្គាឌិន ដែលជាគម្រោងដំណាក់កាលទីមួយរបស់គម្រោងព្រីនស៍ ស៊ីធី សេនធើ ដែលមានផ្ទៃដី សរុបប្រមាណ 481,300ម៉ែត្រការ៉េ ហើយមានផ្ទៃក្រឡាសំណង់ អគារសរុបប្រមាណ 859,800ម៉ែត្រការ៉េ។ ដោយឡែកនៅក្នុងឆ្នាំ 2019នេះ ក៏នឹងមានគម្រោងចំនួន 4 ទីតាំងបន្ថែមទៀត នឹងចាប់ផ្តើម បើកការដ្ឋានសាងសង់ដូចជា ព្រីនស៍ ហេបភីនេស ផ្លាហ្សា, ទីស្នាក់ការកណ្តាលនៃក្រុមហ៊ុនព្រីនស៍ រៀល អ៊ីស្ទេត គ្រុប នៃខេត្តព្រះសីហនុ, មន្ទីរពេទ្យ, បុរីផ្ទះវីឡានៃគម្រោងព្រីនស៍ ស៊ីធី សេនធើ ដំណាក់កាលទីមួយរបស់គម្រោងព្រីនស៍ គឺស្ថិតនៅកោះតាកៀវ ដែលមានផ្ទៃដីសរុប 196ម៉ឺនម៉ែត្រការ៉េ និងផ្ទៃក្រឡាសំណង់អគារសរុបប្រមាណ 4398ម៉ឺន ម៉ែត្រការ៉េ។

គួរបញ្ជាក់ថា ក្នុងអំឡុងវត្តមានរយៈពេលបីឆ្នាំនៅកម្ពុជា ក្រុមហ៊ុន ព្រីនស៍ រៀល អ៊ីស្ទេត គ្រុប បានអភិវឌ្ឍខ្លួនពីក្រុមហ៊ុនអចលនទ្រព្យធម្មតា ទៅជាសហគ្រាសចម្រុះខ្នាតធំ លំដាប់អន្តរជាតិ ដោយមានក្រុមហ៊ុន បុត្រសម្ព័ន្ធរហូតដល់ 30 ក្រុមហ៊ុន ជាមួយនឹង ទុនវិនិយោគសរុបជាង1,500លានដុល្លារអាមេរិក ទៅលើគម្រោងអគារខុនដូធំៗ និងមជ្ឈមណ្ឌលពាណិជ្ជកម្ម៕

ប្រភព: khbmedia ផ្នែក: តុប​តែង,

អត្ថបទអ្នកចង់អាន

ម៉ូដសណ្ឋាគារច្នៃពីឬស្សី និងកញ្ចក់

ដោយ: ដួងច័ន្ទ 10 AM, Thursday, 15 Nov, 2018

ឡូយមែន! និស្សិតខ្មែរមួយរូប ចេញគំរូប្លង់ផ្សារទំនើបអូរឫស្សីទី II បែប 3D ទទួលបានការចាប់អារម្មណ៍ខ្លាំង!!!

ដោយ: ទំនើប 8 AM, Friday, 18 Jan, 2019

នាពេលថ្មីៗនេះ នៅលើបណ្តាញទំនាក់ទំនងសង្គមហ្វេសប៊ុក មានផ្ទុះព័ត៌មានមួយដ៏គួរឱ្យចាប់អារម្មណ៍មួយ គឺមានគណនី ហ្វេសប៊ុករបស់និស្សិតឆ្នាំទី 3 ម្នាក់ ដែលគាត់មា...

ម៉ូដជណ្តើរ សម្រាប់ទីតាំងតូចចង្អៀត

ដោយ: ដួងច័ន្ទ 8 AM, Thursday, 10 Jan, 2019

នៅពេលដែលអ្នករស់នៅ ក្នុងគេហដ្ឋានតូចមួយ ជណ្តើរជាវត្ថុមួយដ៏ទើសទែង ដែលអ្នកចង់យកវាចេញ ប៉ុន្តែអ្នកនៅត្រូវការវា ដើម្បីឡើងទៅជាន់ខាងលើ។ អញ្ចឹងអ្នកគួរធ្វើដូច...

តិចនិចតុបតែងគេហដ្ឋានកាន់តែកក់ក្តៅ និងស្វាគមន៍

ដោយ: ដួងច័ន្ទ 11 AM, Wednesday, 26 Dec, 2018

នៅពេលគេហដ្ឋានមួយខ្នងមានភាពកក់ក្តៅ និងពោរពេញដោយការស្វាគមន៍ អ្នកអាចទទួលអារម្មណ៍ទាំងនេះភា្លមៗនៅពេលឈានចូលក្នុងផ្ទះ។ ប៉ុន្តែតើអ្វីដែលធ្វើឱ្យគេហដ្ឋានផ្តល...

Tomnerb.Com - YouTube Channel