ចូលចិត្តទំនើប

ថ្មីបំផុត! អគារភ្លោះ 62 ជាន់ ជិតអគារកាណាឌីយ៉ា នឹងបើកការដ្ឋាននៅថ្ងៃនេះហើយ

ដោយ: ភារុន 9 AM, Thursday, 14 Feb, 2019

នៅរសៀលថ្ងៃទី 13 កុម្ភះ ថាអគារពាណិជ្ជកម្មចម្រុះ The Royal One វិនិយោគ ដោយក្រុហ៊ុន Royal Group Cambodia របស់អ្នកឧកញ៉ា គិត ម៉េង នឹងបើកការដ្ឋានសាងសង់នៅថ្ងៃនេះហើយ។ គម្រោងអភិវឌ្ឍន៍អគារភ្លោះ The Royal One មានកម្ពស់ 62ជាន់ ឬ ស្មើ 230ម៉ែត្រ មាន ទីតាំងស្ថិតនៅ ផ្លូវសហព័ន្ធរុស្ស៊ី កែងនឹងផ្លូវព្រះមុនីវង្ស ពោលគឺចម្ងាយប្រហែល 100 ម៉ែត្រ ពីអគារកាណាឌីយ៉ា ដែលជា បណ្តុំពាណិជ្ជកម្មនៅក្នុងរាជធានីភ្នំពេញ។

ក្រុមហ៊ុន Royal Group តាមរយៈសេចក្តីប្រកាសព័ត៌មានបានឲ្យដឹងថា អគារភ្លោះនេះនឹងត្រូវអភិវឌ្ឍន៍ចម្រុះមានដូចជា ខុនដូ ការិយាល័យ និងសណ្ឋាគារលំដាប់ផ្កាយប្រាំ…ជាដើម។ ទីតាំងការដ្ឋានសាងសង់អគារភ្លោះ Royal One ដែលនឹងចាប់ផ្តើមនៅថ្ងៃទី14 កុម្ភះ( រូបភាព៖ Facebook)កាលពីអំឡុងពាក់កណ្តាលខែមីនា ឆ្នាំ2018 ក្រុមហ៊ុន OTK Royal One បុត្តសម្ព័ន្ធរបស់ក្រុមហ៊ុន Royal Group បានចុះអនុស្សារណៈយោគយល់គ្នា ជាមួយក្រុមហ៊ុនគ្រប់គ្រងដោយរដ្ឋរបស់ប្រទេសចិន ស៊ីឆ័ន ហ៊ោហ្ស៊ី គ្រុប ដើម្បីសាងសង់អគារភ្លោះនេះ ជាមួយការប្រកាសទុនវិនិយោគប្រមាណជាង 150 លានដុល្លារអាមេរិក។ តាមការគ្រោងទុក អគារភ្លោះដ៏ស្គឹមស្គៃមួយនេះ នឹងអាចប្រើពេលបីឆ្នាំ ដើម្បីបញ្ចប់ការសាងសង់។

• បណ្តុំអគារពាណិជ្ជកម្ម
ក្រោយពេលសាងសង់រួច អគារពាណិជ្ជកម្មភ្លោះនេះ នឹងមានកម្ពស់លេចត្រដែតជាងគេ ខណៈដែលអគារពាណិជ្ជកម្ម កាណាឌីយ៉ាមានកម្ពស់ 32ជាន់ ឯអគារវឌ្ឍនៈដែលនៅក្បែរនោះមានកម្ពស់39 ជាន់។ បើនិយាយពីមហាវិថីសហព័ន្ធរុស្ស៊ីដែលរាប់ចាប់ពីទីតាំងគម្រោងអគារភ្លោះ Royal One គេឃើញមានទីក្រុងរណប Phnom Penh City Centre អភិវឌ្ឍន៍លើផ្ទៃដីប្រមាណជាង 100 ហិកតា គម្រោងសាងសង់ផ្សារទំនើប Parkson គម្រោងអភិវឌ្ឍន៍ចម្រុះ The Gateway កម្ពស់ 39 និងគម្រោងសាងសង់អគារពាណិជ្ជកម្មចម្រុះកម្ពស់ 45ជាន់ ដែលជាវិនិយោគរបស់ក្រុមហ៊ុនជីប ម៉ុង គ្រុប បានប្រកាសបើកការដ្ឋានសាងសង់កាលពីដើម ខែមករាកន្លងទៅនេះ៕

ប្រភព: khbmedia ផ្នែក: តុប​តែង,

អត្ថបទអ្នកចង់អាន

បន្ទប់គេងបែបយុវវ័យ

ដោយ: ដួងច័ន្ទ 11 AM, Wednesday, 26 Dec, 2018

យុវវ័យ ជាវ័យដែលស្ថិតនៅចន្លោះពីកុមារ ទៅពេញវ័យ ហើយវាក៏ជាដំណាក់កាលនៃការផ្លាស់ប្តូរផងដែរ ដែលទាមទារនូវការរៀនសូត្រ ពីការទទួលខុសត្រូវ និងឯករាជ្យ។ ក្នុងនោះ...

លំនៅដ្ឋានស្អាតដូចនេះ តិចថាសាងសង់អស់ថ្លៃចុះ! បើសិនមានដីស្រាប់ ដឹងតែចំណាយអស់តិច

ដោយ: ភារុន 9 AM, Thursday, 24 Jan, 2019

លំនៅដ្ឋាន គឺជាទីកន្លែង ដ៏សែនកក់ក្ដៅ ដែលធ្វើឱ្យការស្នាក់នៅរបស់អ្នករាល់គ្នា ទោះបីជាសម្រាប់បុគ្គលម្នាក់ ឬក៏សម្រាប់ក្រុមគ្រួសារ ក៏អាចរស់នៅបានផង និងអាចទ...

ពិតជាអស្ចារ្យ! អគារទំនើបឌីជីថលលំដាប់ផ្កាយ5 នឹងលេចត្រដែតឡើង នៅកោះស្រមោច ខេត្តព្រះសីហនុ នាចុងឆ្នាំ 2019 នេះហើយ!

ដោយ: ភារុន 9 AM, Friday, 08 Feb, 2019

អគារទំនើបសម្រាប់ប្រើប្រាស់ ជាការិយាល័យ បែបឌីជីថលលំដាប់ផ្កាយ5 របស់ក្រុមហ៊ុនម៉ារីថាមអសិត ដែលជាបុត្រសម្ពន្ធរបស់ក្រុមហ៊ុនម៉ារីថាម គ្រុប ត្រូវបានបញ្ចុះប...

សំណង់អគារ Gold Tower 42ជាន់នៅស្តុបពេទ្យចិន នឹងបញ្ចប់គ្រោងអគារនៅចុងខែនេះ

ដោយ: ភារុន 9 AM, Monday, 28 Jan, 2019

ភ្នំពេញ៖ អគារ Gold Tower៤២ជាន់ ស្ថិតនៅស្តុបពេទ្យចិននឹងបញ្ចប់គ្រោងអគារនៅថ្ងៃទី២៨ ខែមករា ឆ្នាំ២០១៩។ នេះបើតាមលិខិតអញ្ជើញភ្ញៀវចូលរួមដែលអ្នកសារព័ត៌មានទទ...

Tomnerb.Com - YouTube Channel