ចូលចិត្តទំនើប

បន្ទប់សៀវភៅសម្រាប់គេហដ្ឋាន ដ៏កក់ក្តៅ

ដោយ: ដួងច័ន្ទ 10 AM, Thursday, 15 Nov, 2018

ការអានសៀវភៅគឺជាចំណូលចិត្តមួយ ដែលផ្តល់នូវសារៈសំខាន់ ជាចំណីដល់ខួរក្បាល។ ការអានសៀវភៅអាចធ្វើឡើងបាននៅគ្រប់ទីកន្លែង ហើយទីកន្លែងអានសៀវភៅនៅក្នុងគេហដ្ឋានកាន់តែផ្តល់នូវអារម្មណ៍កក់ក្តៅ។ ទំនើប សូមនាំយកនូវការតុបតែងបន្ទប់សៀវភៅមួយចំនួន សម្រាប់អ្នកចង់ប្រែក្លាយគេហដ្ឋានឱ្យទៅជាបណ្ណាល័យមួយ។

ក្បែរផ្ទះបាយ
ចាប់ផ្តើមការអានរបស់អ្នកនាពេលព្រឹក បន្ទាប់ពីក្រោកពីគេង ជាការចាប់ផ្តើមថ្ងៃថ្មីដ៏ល្អមួយ។ វាកាន់តែផ្តល់នូវភាពងាយស្រួលនៅពេលការអានសៀវភៅ ឬកាសែត នៅក្បែរផ្ទះបាយ ដោយអ្នកអាចក្រេបរសជាតិកាហ្វេព្រមគ្នា។ បន្ទាប់ពីត្រឡប់ពីធ្វើការ ក៏អ្នកនៅតែអាចអានសៀវភៅ ហើយរីករាយជាមួយអាហារនៅក្នុងផ្ទះបាយដែរ។

ក្រោមដំបូល
នៅពេលព្រះអាទិត្យឆាប់លិចពេក នេះជាកន្លែងដ៏សក្តិសមសម្រាប់ការអាន។ ទីតាំងនៅក្រោមដំបូល ផ្តល់នូវប្រណិតភាព ភាពកក់ក្តៅ និងមានពន្លឺគ្រប់គ្រាន់។ នៅពេលអ្នកឈានជើងមកដល់ទីនេះ អ្នកពិតជាមិនចង់ចាកចេញឡើយ។ ជម្រើសសៀវភៅសក្តិសមនឹងបរិយាកាសបែបនេះ គឺជាសៀវភៅបែបស៊ើបអង្កេត និងអាថ៌កំបាំង។

បន្ទប់ទទួលភ្ញៀវ
ពេលវេលាសម្រាកនៅថ្ងៃរសៀល ស្ថិតនេះចំទីតាំងនេះសក្តិសមបំផុតសម្រាប់ការអានសៀវភៅបែបសង្គម អប់រំ និងចិត្តសាស្រ្ត បន្ថែមជាមួយរសជាតិតែដ៏ឈ្ងុយឆ្ងាញ់ ពិតជាធ្វើឱ្យអារម្មណ៍អ្នកស្រស់ស្រាយ។

ពន្លឺពីធម្មជាតិ
នេះជាកន្លែងដែលផ្តល់នូវភាពរីករាយជាមួយពន្លឺពីធម្មជាតិពេញមួយថ្ងៃ។ នេះជាទីតាំងធំទូលាយ ដែលអ្នកអាចជ្រើសយកសៀវភៅមកអានកំដអារម្មណ៍ ព្រមជាមួយការក្រេបរសជាតិទឹកក្រូចឆ្មារ ឬតែក្តៅតាមបែបបូរាណ ពិតជាផ្តល់នូវអារម្មណ៍ដ៏ស្ងប់សុខ។

សាឡុងក្បែរបង្អួច
ពេលរសៀលថ្ងៃសៅរ៍ បន្ទាប់ពីការងារផ្ទះ ឬការដើរហាត់ប្រាណ អ្នកពិតជាអាចទទួលនូវអារម្មណ៍ ដ៏កក់ក្តៅ សម្រាប់ការអាននៅក្នុងទីតាំងមួយនេះ។ អ្នកអាចដាក់ភួយ នៅក្នុងថតនិមួយៗ។ អ្នកក៏អាចរីករាយនឹងទេសភាពនៅខាងក្នុងសៀវភៅ ដែលអ្នកនិពន្ធរៀបរាប់បរិយាយអំពីធម្មជាតិ។ បន្ថែមចំណីអារម្មណ៍សម្រាប់ការអាន ជាមួយនំ ឬអាហារសម្រន់។ អ្នកក៏អាចរីករាយនឹងទេសភាពនៅខាងក្រៅ ព្រមជាមួយនឹងការអានសៀវភៅដ៏ជក់ចិត្ត។

ប្រភព: houzz ផ្នែក: តុប​តែង,

អត្ថបទអ្នកចង់អាន

ជម្រើស 4 ពណ៌សម្រាប់បន្ទប់គេងដ៏កក់ក្តៅ

ដោយ: ដួងច័ន្ទ 10 AM, Thursday, 15 Nov, 2018

បើសិនជាអ្នកកំពុងស្វែងរកវិធីសាស្រ្តធ្វើឱ្យបន្ទប់គេងរបស់អ្នកបង្កប់ដោយបរិយាកាសស្ងប់សុខ ថ្ងៃនេះ ទំនើប សូមណែនាំជម្រើសនៃការលាបពណ៌ក្នុងបន្ទប់គេង ដែលអាចធ្...

ក្រុមហ៊ុនព្រីនស៍ រៀល អ៊ីស្ទេត គ្រុប នឹងបន្តបោះទុនវិនិយោគលើគម្រោងធំៗ 4 បន្ថែមទៀតនៅក្នុងទឹកដីខេត្តព្រះសីហនុ

ដោយ: ភារុន 8 AM, Tuesday, 29 Jan, 2019

ក្រុមហ៊ុនអចលនទ្រព្យខ្នាតយក្ស ព្រីនស៍ រៀល អ៊ីស្ទេត គ្រុប នឹងបន្តបោះទុនវិនិយោគលើគម្រោងធំៗចំនួន 4 បន្ថែមទៀត នៅក្នុងទឹកដីខេត្តព្រះសីហនុ ក្រោយពីគម្រោងធំ...

ឡូយមែន! និស្សិតខ្មែរមួយរូប ចេញគំរូប្លង់ផ្សារទំនើបអូរឫស្សីទី II បែប 3D ទទួលបានការចាប់អារម្មណ៍ខ្លាំង!!!

ដោយ: ទំនើប 8 AM, Friday, 18 Jan, 2019

នាពេលថ្មីៗនេះ នៅលើបណ្តាញទំនាក់ទំនងសង្គមហ្វេសប៊ុក មានផ្ទុះព័ត៌មានមួយដ៏គួរឱ្យចាប់អារម្មណ៍មួយ គឺមានគណនី ហ្វេសប៊ុករបស់និស្សិតឆ្នាំទី 3 ម្នាក់ ដែលគាត់មា...

វិស័យសំណង់រួមចំណែក 1/5នៃកំណើនសេដ្ឋកិច្ច តែក៏ជាហានិភ័យផងដែរនៅឆ្នាំ 2019

ដោយ: ទំនើប 10 AM, Tuesday, 15 Jan, 2019

កំណើនវិស័យសំណង់បានរួមចំណែក មួយភាគប្រាំនៃកំណើនសេដ្ឋកិច្ចរបស់កម្ពុជា ប៉ុន្ដែវិស័យនេះក៏មានហានិភ័យផងដែរនៅឆ្នាំ២០១៩​ ដោយសារតែវិស័យសំណង់មាន​វដ្ដនៃ​ការអភិ...

Tomnerb.Com - YouTube Channel