ចូលចិត្តទំនើប

សញ្ញាទាំង 8 តាស់តឿនពីកម្រិតជាតិស្ករ ក្នុងឈាមខ្ពស់

ដោយ: ដួងច័ន្ទ 10 PM, Saturday, 13 Jan, 2018

អ្វីដែលមនុស្សភាគច្រើន មិនដឹងគឺកម្រិតជាតិស្ករ ក្នុងឈាមខ្ពស់ ដែលអាចបណ្តាលឱ្យមានផលប៉ះ ពាល់ធ្ងន់ធ្ងរ។ មិនថាអ្នកមានជម្ងឺទឹកនោមផ្អែម ឬអត់ កម្រិតស្ករក្នុងឈាមខ្ពស់អាចបង្កផលប៉ះពាល់ ធ្ងន់ធ្ងរដល់ប្រព័ន្ធប្រសាទ សរីរាង្គ និងសរសៃឈាម។ កាន់តែធ្ងន់ធ្ងរ គឺនៅពេលដែលកម្រិតជាតិស្ករ មិនចុះមកវិញ នោះសុខភាពរបស់អ្នកនឹងប្រឈម នឹងបញ្ហាកាន់តែធ្ងន់ធ្ងរ។
ដូច្នេះដើម្បីជួយថែរក្សាសុខភាពរាងកាយ និងកម្រិតជាតិស្ករក្នុងឈាមឱ្យនៅទាប ទំនើប សូមបង្ហាញ នូវសញ្ញាតាស់តឿនទាំង 8 ដែលអ្នកត្រូវធ្វើការតាមដានជាប្រចាំ។

ស្រេកទឹក ជាប្រចាំ
ហេតុផលចម្បង ដែលកម្រិតស្ករក្នុងឈាមខ្ពស់ ធ្វើឱ្យអ្នកស្រេកទឹក គឺដោយសារ Polyuria។ នៅពេលកម្រិតស្ករក្នុងឈាមឡើងខ្ពស់ ក្រលៀនរបស់អ្នកមិនអាចគ្រប់គ្រងបាន។ ដូច្នេះវានឹងផលិតទឹកនោមកាន់តែច្រើន ដើម្បីកម្ចាត់គ្លុយកូសលើស ដែលវាមិនអាចស្រូបបន្តទៀតបាន។ កត្តានេះធ្វើឱ្យអ្នកស្រេកទឹកជាប់ជានិច្ច។

Early-sign-your-blood-sugar-is-super-high_health_news_cambodia_tomnerb-01

ទម្លាប់ញ៉ាំកើនឡើង
បើសិនជាអ្នករកឃើញថា ទម្លាប់ញ៉ាំរបស់អ្នកមានការកើនឡើង អ្នកអាចនឹងមានជាតិស្ករ ក្នុងឈាម កើនឡើង។ បញ្ហានេះកើតឡើងដោយសារគ្លុយកូស មិនអាចជ្រាបចូលក្នុងកោសិកាបាន។ វាក៏អាចបណ្តាលមកពីកង្វះខាតអាំងស៊ុយលីន។ រាងកាយរបស់អ្នកមិនអាចបំលែងអាហារ ទៅជាថាមពល។ ដូច្នេះនៅពេលរាយកាយរបស់អ្នក មិនអាចទទួលបានថាមពលគ្រប់គ្រាន់ វានឹងទាមទារអាហារកាន់តែច្រើន និងផលិតគ្លុយកូសកាន់តែច្រើន។

Early-sign-your-blood-sugar-is-super-high_health_news_cambodia_tomnerb-02

បត់ជើងតូច ញឹកញាប់
សញ្ញានេះភ្ជាប់ជាមួយនឹងសញ្ញា នៃការស្រេកទឹកជាប្រចាំ។ ក្រលៀនរបស់អ្នកមិនអាចផ្ទុកជាមួយជាតិស្ករដែលលើស ដូច្នេះវាត្រូវបញ្ចេញមកតាមទឹកនោម។ អ្នកត្រូវកត់ចំណាំលើចំនួននៃការចូល បន្ទប់ទឹកក្នុងមួយថ្ងៃ។ បើសិនជាអ្នកចូលបន្ទប់ទឹករៀងរាល់ម៉ោង អ្នកអាចនឹងមានស្ករក្នុងឈាមខ្ពស់។ ប៉ុន្តែចំណុចនេះក៏មានន័យថាអ្នកអាចនឹងមាន ជម្ងឺធ្ងន់ធ្ងរណាមួយទៀត។ ដូច្នេះអ្នកគួរទៅពិគ្រោះជាមួយគ្រូពេទ្យ។

Early-sign-your-blood-sugar-is-super-high_health_news_cambodia_tomnerb-03
នឿយហត់ខ្លាំង
អ្នកប្រហែលជាគិតថា កម្រិតស្ករក្នុងឈាមខ្ពស់ មានន័យថាអ្នកមានកម្លាំងច្រើន។ នេះជាគំនិតខុស ទាំងស្រុង។ នៅពេលអ្នកមានស្ករក្នុងឈាមខ្ពស់ អ្នកបត់ជើងតូចញឹកញាប់ និងស្រេកទឹក ព្រោះក្រលៀនរបស់អ្នក មិនអាចស្រូបយកគ្លុយកូស និងបង្កើតថាមពលបាន។

Early-sign-your-blood-sugar-is-super-high_health_news_cambodia_tomnerb-04
ស្រវាំងភ្នែក
នៅពេលកម្រិតស្ករ ក្នុងឈាមឡើងខ្ពស់ វាអាចបណ្តាលឱ្យកញ្ចក់កែវភ្នែករបស់អ្នកប្រែជាប៉ោង ដែល ធ្វើឱ្យចក្ខុវិញ្ញាណរបស់អ្នកប្រែជាស្រវាំង។ ករណីនេះអាចកើតឡើង តែមួយរយៈខ្លីប៉ុណ្ណោះ តែអ្នកត្រូវ តែពិគ្រោះជាមួយគ្រូពេទ្យ។

Early-sign-your-blood-sugar-is-super-high_health_news_cambodia_tomnerb-05

ស្បែកស្ងួត
ស្ករក្នុងឈាមឡើងខ្ពស់ អាចបណ្តាលឱ្យប្រព័ន្ធប្រសាទខូច និងអាចបណ្តាលឱ្យរាងកាយរបស់អ្នក បាត់បង់សារធាតុរាវឆាប់រហ័ស។ បើរោគសញ្ញានេះនៅតែបន្តជាច្រើនឆ្នាំ នោះប្រព័ន្ធប្រសាទនឹងខូចកាន់តែខ្លាំង ហើយស្បែករបស់អ្នកក៏ប្រែជាស្ងួតផងដែរ។

Early-sign-your-blood-sugar-is-super-high_health_news_cambodia_tomnerb-06

បាត់បង់សមត្ថភាព ផ្លូវភេទ
សម្រាប់បុរស នៅពេលសម្តៅដល់សមត្ថភាពផ្លូវភេទ ពួកគេត្រូវការលំហូរឈាមដ៏ត្រឹមត្រូវ។ ស្ករក្នុង ឈាមឡើងខ្ពស់រំខានដល់លំហូរឈាម និងអាចបំផ្លាញប្រព័ន្ធប្រសាទ និងសរសៃឈាមផងដែរ។

Early-sign-your-blood-sugar-is-super-high_health_news_cambodia_tomnerb-07

ឡើងទម្ងន់
បើសិនជាអ្នកមានកម្រិតស្ករ ក្នុងឈាមខ្ពស់ អ្នកអាចនឹងមានបញ្ហា ក្នុងការផលិតអាំងស៊ុយលីន។ នៅក្នុងករណីនេះកោសិការបស់អ្នក មិនអាចឆ្លើយតបនឹងអាំងស៊ុយលីនបាន។ វាជួបប្រទះនឹងការលំបាកក្នុងការទទួលយកគ្លុយកូសពីក្នុងឈាម។ ដោយសារហេតុផលនេះ កម្រិតស្ករក្នុងឈាមកើន ឡើងកាន់តែច្រើនជាបន្តបន្ទាប់ ដែលបណ្តាលឱ្យអ្នកឡើងទម្ងន់។

ទាំងនេះជាសញ្ញាអាសន្នទូទៅ នៃរោគសញ្ញាកម្រិតស្ករក្នុងឈាមខ្ពស់។ ប៉ុន្តែអ្នកពិតជាឆ្ងល់ថាបញ្ហា ស្ករក្នុងឈាមកើនឡើង ដោយសារអ្វី? វាអាចបណ្តាលមកពីរបបអាហារមិនត្រឹមត្រូវ កង្វះខាតលំហាត់ប្រាណ អារម្មណ៍ស្មុគស្មាញ។ល។ ដូច្នេះអ្នកគួរចាប់ផ្តើមកត់សម្គាល់ និងយកចិត្តទុកដាក់ ថែរក្សាសុខភាពបន្ថែមទៀត។

Early-sign-your-blood-sugar-is-super-high_health_news_cambodia_tomnerb-08

ប្រភព: providr ផ្នែក: បែបបទជីវិត, សុខភាព

អត្ថបទអ្នកចង់អាន

ការពារអាការឈឺក្បាល ដោយសារការខឹង

ដោយ: វិរីយា៉ 11 PM, Friday, 08 Apr, 2016

ការក្រោធខឹង នៅក្នុងជីវិតប្រចាំថ្ងៃ គឺជារឿងប្រក្រតីធម្មតាខ្លាំងណាស់ និងគ្មានគ្រោះថ្នាក់អ្វីទេ បើសិនការក្រោធ​ខឹងនោះវា​រលាយបាត់ទៅវិញ ជាមួយនឹងខ្យល់ដង្ហ...

ម្រុំ ឱសថទិព្វពីធម្មជាតិ ដ៏ចំពោះសុខភាព

ដោយ: រីកា 7 PM, Wednesday, 06 Apr, 2016

មិនដឹងថា​មាន​ប្រជាជន​ខ្មែរ​យើង ប៉ុន្មាន​នាក់​ទេ​ដែល​ធ្លាប់បាន​ស្គាល់ ឬ​បាន​ទទួលទាន​ស្លឹក​ម្រុំ​ ដែលជា​រុក្ខជាតិ​របស់​ខ្មែរ​យើង​ដែល​ត្រូវបាន​ដាំ​ដុះ...

សញ្ញាអាក្រក់ចំពោះសុខភាព ដែលអ្នកត្រូវប្រយ័ត្ន

ដោយ: រីកា 6 PM, Wednesday, 06 Apr, 2016

មុននឹង​កើតរឿង​ហេតុ​ធំ​ឡើង​នោះ តែងតែមាន​សញ្ញា​ប្រកាសអាសន្ន​ប្រាប់​មុនជា​មិន​ខាន ប្រៀប​ដូចជា​មុននឹង​កើត​មាន​ព្យុះ​រលកស៊ូណាមិ គេ​តែង​ឃើញ​មាន​ត្រី​សមុទ...

ដំណឹងល្អ សម្រាប់នារីនិយម ផាត់មុខ

ដោយ: ស. លីង 8 PM, Thursday, 16 Feb, 2017

ទំនើប សូមជូនដំណឹងមួយ ទាក់ទងនឹងសម្ភារគូសត្របកភ្នែក ដែលទើបនឹងចេញថ្មីស្រឡាង។ សុភាពនារីទាំងឡាយ នឹងភ្ញាក់ផ្អើលជាមិនខាន។ នោះគឺប៊ិចគូសត្របកភ្នែក។ ក្រុមហ៊ុ...

Tomnerb.Com - YouTube Channel