ចូលចិត្តទំនើប

របស់ធម្មជាតិ 9 យ៉ាងដែលផ្តល់ជាតិសំណើម

ដោយ: ភារុន 8 AM, Tuesday, 11 Sep, 2018

ពិតណាស់ដែលអាហារបំប៉នត្រឹមត្រូវគឺជាគន្លឹះដែលធ្វើឲ្យស្បែកភ្លឺរលោង ជាពិសេសនៅរដូវធ្លាក់ខ្យល់បែបនេះ។ ខ្យល់ត្រជាក់នាំឲ្យយើងមានស្បែកស្ងួត និង បែកស្រកា។ ដូច្នេះដើម្បីធ្វើឲ្យស្បែកមានជាតិសំណើម និង មានសារធាតុចិញ្ចឹមគ្រប់គ្រាន់អ្នកតែងតែទៅទិញផលិផលផ្សេងៗនៅលើទីផ្សារមកប្រើប្រាស់។ ប៉ុន្តែមុននឹងអ្នកទៅ អ្នកគួរក្រលេកមើលនៅជុំវិញផ្ទះបាយរបស់អ្នកជាមុនសិន។ ដូច្នេះអ្នកមិនគួរមើលរំលងនូវផលិតផលធម្មជាតិដែលមានស្រាប់នៅក្នុងផ្ទះបាយរបស់អ្នក ឡើយ។ ខាងក្រោមនេះគឺជារបស់ធម្មជាតិ 9 យ៉ាងដែលផ្តល់ឲ្យនូវជាតិសំណើមដល់ស្បែកដែលរួមមាន៖
1. ទឹកឃ្មុំ
ទឹកឃ្មុំធម្មជាតិគឺសារធាតុប្រឆាំងនឹងបាក់តេរីខ្ពស់ ដូច្នេះវាអាចព្យាបាលមុនដ៏មានប្រសិទ្ធភាព លើសពីនេះវាជួយបង្រួមរន្ធញើសឲ្យតូច និង ជាអ្នកសម្អាតដ៏អស្ចារ្យ។ វាពោរពេញដោយសារធាតុប្រឆាំងអុកស៊ីតកម្ម ដើម្បីមិនធ្វើឱ្យស្បែកជ្រាវជ្រួញ ស្បែកឆាប់ចាស់ និង មានស្នាមជាំ។

2. ទឹកដោះគោប៊ឺ
ទឹកដោះគោស្រស់សម្បូរដោយជាតិអាស៊ីត Lactic ដែលវាជាធាតុផ្សំមួយដែលត្រូវបានរកឃើញនៅក្នុងផលិតផលថែរក្សាសម្ផស្សថ្លៃៗ។ ជាតិអាស៊ីត lactic មានមុខងារជម្រុះនូវកោសិកាចាស់ៗចេញពីស្បែក និង បណ្តុះកោសិកាថ្មី ហើយទឹកដោះគោស្រស់អាចជួយឲ្យស្បែកមានសំណើមផងដែរ។

3. ប្រេងអូលីវ
ប្រេងអូលីវមានជាតិសំណើមជាច្រើនដែលត្រូវបានគេយកទៅផ្សំធ្វើជាផលិតផលដែលផ្តល់ជាតិសំណើមដល់ស្បែកតាំងពីយូរណាស់មកហើយ។ សារធាតុប្រឆាំងអុកស៊ីតកម្ម និង អាស៊ីតធម្មជាតិរបស់វាជួយឲ្យស្បែករឹងមាំដោយបង្កើតរបាំងការពារធម្មជាតិដើម្បីប្រឆាំងនឹងកាំរស្មីពន្លឺព្រះអាទិត្យ។

4. ប្រេង Castor
ប្រេង Castor មានជាតិសំណើមដ៏អស្ចារ្យ និង មានកំហាប់នៃអាស៊ីតខ្លាញ់ខ្ពស់ដែលអាចឲ្យវាអាចស្រូបចូលក្នុងស្បែកបានឆាប់រហ័ស។ លើសពីនេះវាមានជាតិអាស៊ីត linoleic ដែលជួយការពារស្បែកពីការបាត់បង់ជាតិសំណើមនៅក្នុងស្បែក។

5. ប្រេងដូង
ប្រេងដូង សម្បូរទៅដោយជាតិអាស៊ីត Lauric ដែលជួយផ្គត់ផ្គង់ collagen និង ធ្វើឲ្យស្បែកងាយស្រួលស្រូបយកយ៉ាងជ្រៅនូវជាតិសំណើម និង ធ្វើឲ្យស្បែករបស់អ្នកមានអារម្មណ៍ធូរស្រាល។

6. ប៊ឺ Shea
ប៊ឺផ្លែ Shea ជាប្រភពនៃវីតាមីន A និង F ដែលជួយកាត់បន្ថយស្បែកស្ងួត ផ្តល់សំណើមដល់ស្បែក និង ធ្វើឲ្យស្បែកក្មេងជាងវ័យ។

7. ផ្លែប៊ឺ
ផ្លែប៊ឺ សម្បូរជាតិខ្លាញ់ និង វីតាមីន A, D និង E ដែលជួយរក្សាជាតិសំណើមនៅក្នុងស្បែក ហើយក៏អាចធ្វើជាថ្នាំប្រឆាំងនឹងជម្ងឺផងដែរ។

8. ត្រសក់
ត្រសក់ជាប្រភពសារធាតុទឹកដ៏ល្អសម្រាប់រាងកាយរបស់អ្នកទាំងខាងក្នុង និង ខាងក្រៅ។ លើសពីនេះត្រសក់មានសារធាតុចិញ្ចឹមដូចជា ម៉ាញេស្យ៉ូម ប៉ូតាស្យ៉ូម និង វីតាមីន A និង E។ វាជួយសម្រួលចរន្តឈាម និង មានគុណប្រយោជន៍ដល់ស្បែក ឆ្អឹង និង ក្រចក ព្រមទាំងជួយកាត់បន្ថយភាពជ្រីវជ្រួញ ធ្វើឲ្យស្បែកភ្លឺរលោង និង អាចជួយព្យាបាលការហើមនៅជុំវិញភ្នែក។

9. ប្រទាល កន្ទុយក្រពើ
ប្រទាល កន្ទុយក្រពើ ឬ ហៅថា Aloe ត្រូវបានគេប្រើសម្រាប់ធ្វើជាគ្រឿងផ្សំផលិតផលថែរក្សាស្បែកជាច្រើន។ វាផ្តល់ជាតិសំណើមដែលមិនបន្សល់ជាតិខ្លាញ់លើស្បែកឡើយ និង មានសារធាតុចិញ្ចឹមដូចជា beta-carotene និង វីតាមីន C, E ហើយនិងធ្វើឲ្យស្បែកឡើងក្រាស់។

ប្រភព: mindbodygreen ផ្នែក: បែបបទជីវិត, សម្រស់

អត្ថបទអ្នកចង់អាន

អត្ថប្រយោជន៍នឹកស្មានមិនដល់របស់ថង់ក្រដាស

ដោយ: ដួងច័ន្ទ 9 AM, Thursday, 26 Jul, 2018

ថង់ក្រដាសពណ៌ត្នោតត្រូវបានប្រើប្រាស់សម្រាប់ខ្ចប់អាហារញ៉ាំនៅតាមផ្លូវ ឬសាលារៀន ឬការិយាល័យ។ ថ្វីត្បិតវាជាប្រភេទកាកសំណល់ ដែលអាចធ្វើការកែច្នៃបាន ប៉ុន្តែម...

តើយើងអាចប្រើប្រាស់ផលិតផល ខាត់មុខលើត្របកផ្នែកបានទេ?

ដោយ: ដួងច័ន្ទ 8 PM, Monday, 01 May, 2017

ត្របកភ្នែក អ្នកមានសភាពខ្មៅជាំមែនទេ? តើអ្នកគួរថែរក្សាវាដូចម្តេច? តើអ្នកអាចប្រើការដុសខាត់ លើត្របកភ្នែក ហើយធ្វើការម៉ាស្សា ដូចដែលអ្នកធ្វើលើស្បែកមុខ ដើម...

រូបមន្តផ្សំ សម្រាប់ស្បែកស្ងួត និងរមាស់

ដោយ: រីកា 9 PM, Monday, 21 Mar, 2016

នៅពេល​ស្បែក​រមាស់ឆៀបៗ តើ​អ្នក​អាច​ទ្រាំ​មិន​អេះ​បានដែរ​ឬទេ? អ្នកខ្លះ​អាច​នឹង​ឆ្លើយថា ​ទ្រាំ​មិន​បានទេ ត្រូវតែ​អេះ អ្នកខ្លះ​ទៀត​ក៏​ថា ​ទ្រាំ​មិនបាន​...

គ្រឿងអលង្ការ ៧ប្រភេទ ស្រ្តីគ្រប់រូបគួរតែមាន

ដោយ: ដួងច័ន្ទ 10 AM, Wednesday, 05 Apr, 2017

គ្រឿងអលង្ការ ជាគ្រឿងតុបតែងលំអដ៏ល្អបំផុតមួយ ក្នុងការបង្កើតរចនាបទផ្ទាល់ខ្លួនរបស់បុគ្គលនិមួយៗ។ អ្នកអាចជ្រើសរើសប្រភេទ នៃគ្រឿងអលង្ការអាស្រ័យលើសម្លៀកបំពា...

Tomnerb.Com - YouTube Channel