ចូលចិត្តទំនើប

តើនឹងមានអ្វីកើតឡើង ប្រសិនបើអ្នកបរិភោគជាតិអំបិលច្រើនពេក?

ដោយ: ភារុន 10 AM, Saturday, 01 Dec, 2018

អំបិលគឺមានសារៈសំខាន់ណាស់ចំពោះប្រវត្តិសាស្រ្តពិភពលោក និង មានប្រយោជន៍ដល់ការថែរក្សាសាច់ឱ្យទុកបានចូល។ អំបិលក៏មានសារៈសំខាន់ផងដែរចំពោះដំណើរការប្រព័ន្ធរាងកាយរបស់មនុស្ស។ ទោះជាយ៉ាងណាក៏ដោយអំបិលតិចតួចនៅក្នុងរបបអាហាររបស់អ្នកគឺមានគ្រោះថ្នាក់ ប៉ុន្តែបរិមាណអំបិលច្រើនពេកក៏មានគ្រោះថ្នាក់ដល់សុខភាពរាងកាយផងដែរ។ ភាគច្រើនអាហារដែលត្រូវបានកែច្នៃ និង អាហារកំប៉័ងមានជាតិអំបិលច្រើនខ្លាំងណាស់ដើម្បីធ្វើឱ្យអាហារទាំងនោះមានរសជាតិឆ្ងាញ់។ តើនឹងមានអ្វីកើតឡើងប្រសិនបើអ្នកទទួលទានអំបិលច្រើនពេក? ខាងក្រោមនេះជាលទ្ធផលអាចជាមហន្តរាយ ហើយក៏អាចធ្វើឱ្យអ្នកភ្ញាក់ផ្អើលផងដែរ៖
1. ជម្ងឺតម្រងនោម
អំបិលធ្វើឱ្យរាងកាយរបស់អ្នកអាចរក្សាជាតិទឹក។ នៅពេលរាងកាយរបស់អ្នកកំពុងព្យាយាមធ្វើឱ្យមានតុល្យភាព រវាងសមាមាត្រជាតិអំបិល និង ជាតិទឹក។ តម្រងនោមរបស់អ្នកត្រូវខិតខំប្រឹងប្រែងធ្វើការ ដើម្បីជៀសវាងមានជាតិទឹកច្រើនហួសប្រមាណអាចជ្រៀតចូលក្នុងតម្រងនោម។ នៅទីបំផុតបញ្ហានឹងកើតមានដោយបណ្តាលឱ្យតម្រងនោមខូចខាតនឹងបង្កជាជម្ងឺតម្រងនោម ឬ ខ្សោយតម្រងនោម ។

2. សម្ពាធឈាមឡើងខ្ពស់
នៅពេលដែលរាងកាយរបស់អ្នកព្យាយាមបន្សាយជាតិអំបិលនៅក្នុងឈាម ដោយរក្សាជាតិទឹកនោះ ជាលទ្ធផលទំហំក្នុងសរសៃឈាមរួមតូច ហើយនឹងធ្វើឱ្យសម្ពាធឈាមកាន់តែឡើងខ្ពស់ នៅទីបំផុតបណ្តាលឱ្យសរសៃឈាមក្រហមបែក ឬ ជាប់គាំងជាដើម។

3. ជម្ងឺគាំងបេះដូង
អំបិលច្រើននាំឱ្យសរសៃឈាមអង្រួន ឬ ស្ទះ ហើយក៏បំផ្លាញដល់សរសៃឈាមបេះដូង។ ប្រសិនបើអ្នកមានរោគសញ្ញាដូចជា៖ ជារឿយៗឈឺចុកចាប់នៅក្នុងទ្រូង – ឈឺចាប់ខ្លាំងក្នុងពេលកំពុងធ្វើសកម្មភាពជាដើម មានន័យថាអ្នកប្រហែលមានជម្ងឺបេះដូងហើយ។ ដូច្នេះអ្នកត្រូវកាត់បន្ថយការទទួលទានជាតិអំបិល វានឹងអាចជួយពន្យឺតការវិវត្តទៅរកជំងឺបេះដូង ប៉ុន្តែបើជាតិអំបិលតិចតួចពេកក៏អាចបណ្តាលអោយកើតជំងឺបេះដូងផងដែរ។

4. បញ្ហាខួរក្បាល
ជាតិអំបិលច្រើនធ្វើឱ្យកើនឡើងសម្ពាធឈាម ហើយអាចបំផ្លាញដល់សរសៃឈាមខួរក្បាល។ ប្រសិនបើវាត្រូវបានបំផ្លាញនឹងធ្វើឱ្យកោសិកាមិនមានអុកស៊ីហ៊្សែនគ្រប់គ្រាន់ វានឹងអាចស្លាប់ ឬ មិនដំណើរការ។ នេះបណ្តាលឱ្យអ្នកមានជំងឺវង្វេង។

5. ជម្ងឺមហារីក
ឥទ្ធិពលនៃជាតិអំបិល ដែលធ្វើឱ្យកើតជម្ងឺមហារីក គឺមានភាពតិចតួចណាស់ប៉ុន្តែវាអាចមាន។ ការទទួលទានអាហារមានជាតិអំបិល(សារធាតុសូដ្យូម)ខ្ពស់ អាចនឹងកើតជំងឺមហារីកក្រពះ ព្រោះជាតិប្រៃច្រើនមានផ្ទុកនូវកម្រិត H. pylori ដែលប្រែក្លាយទៅជាបាក់តេរីដែលបង្កជាជំងឺមហារីកក្រពះ។ ការបន្ថយអំបិលអាចបន្ថយហានិភ័យនៃជំងឺមហារីក។

6. ជម្ងឺពុកឆ្អឹង
ជំងឺពុកឆ្អឹងគឺជាភាពស្តើងនៃឆ្អឹងដែលទាក់ទងនឹងអាយុកាលរបស់មនុស្ស។ មានមូលហតុជាច្រើននៃជំងឺពុកឆ្អឹងមកពីការមិនហាត់ប្រាណ ការផឹកភេសជ្ជៈកំប៉ុងដែលមានជាតិហ្គាសជាដើម។ ទោះជាយ៉ាងណាក៏ដោយការបរិភោគអំបិលកាន់តែច្រើន ជាតិកាល់ស្យូមកាន់តែបាត់បង់ច្រើន ជាតិកាល់ស្យូមបាត់បង់ច្រើននឹងធ្វើឱ្យស្តើងឆ្អឹង ហើយទំនងជាធ្វើឱ្យឆ្អឹងកាន់តែរលាយបាត់បង់។ ការកាត់បន្ថយអំបិលស្របពេលដែលការបង្កើនកាល់ស្យូម និង វីតាមីន D អាចកាត់បន្ថយការពុកឆ្អឹង។

សេចក្តីសន្និដ្ឋាន
អាហារដែលមានជាតិអំបិលគឺមានរសជាតិឆ្ងាញ់! ប៉ុន្តែយើងត្រូវចេះបរិភោគឱ្យបានត្រឹមត្រូវ ដើម្បីឱ្យជាតិអំបិលជួយដល់សុខភាពរបស់យើង។ ជាមួយនឹងហានិភ័យទាំងអស់ដែលបានរៀបរាប់មកនេះអ្នកបានគេដឹងរួចហើយ ដូច្នេះអ្នកត្រូវចេះកាត់បន្ថយអំបិលនៅក្នុងអាហារប្រចាំថ្ងៃរបស់អ្នក។ សម្ពាធឈាមខ្ពស់ត្រូវបានគេស្គាល់ថាជាឃាតករដ៏ស្ងៀមស្ងាត់ ព្រោះមនុស្សជាច្រើនដែលមានសម្ពាធឈាមខ្ពស់មិនដឹងខ្លួនរហូតដល់វាយឺតពេល។ ត្រូវពិនិត្យសំពាធឈាមរបស់អ្នកហើយបន្ទាប់មកត្រូវចេះបញ្ឈប់ខ្លួនឯងលើការទទួលទានអំបិល។ អ្នកនឹងត្រូវចេះថែរក្សាសុខភាពខ្លួនឯងឱ្យបានល្អ និង ធ្វើឱ្យមានអារម្មណ៍ល្អប្រសើរ ដើម្បីរស់នៅឱ្យបានអាយុវែង។

ប្រភព: hhdresearch ផ្នែក: បែបបទជីវិត, សុខភាព

អត្ថបទអ្នកចង់អាន

តើយើងអាចប្រើប្រាស់ផលិតផល ខាត់មុខលើត្របកផ្នែកបានទេ?

ដោយ: ដួងច័ន្ទ 8 PM, Monday, 01 May, 2017

ត្របកភ្នែក អ្នកមានសភាពខ្មៅជាំមែនទេ? តើអ្នកគួរថែរក្សាវាដូចម្តេច? តើអ្នកអាចប្រើការដុសខាត់ លើត្របកភ្នែក ហើយធ្វើការម៉ាស្សា ដូចដែលអ្នកធ្វើលើស្បែកមុខ ដើម...

គួរចាប់ផ្តើមបង្ហាត់កូនតូច ឱ្យចេះចូលបន្ទប់ទឹកដោយខ្លួនឯង នៅពេលណាល្អ?

ដោយ: រីកា 11 AM, Wednesday, 11 May, 2016

តើ​គួរ​ចាប់ផ្តើម​បង្ហាត់​កូនតូច ​ឱ្យ​ចេះ​ចូល​បន្ទប់ទឹក​ដោយ​ខ្លួនឯង​ នៅពេលណា​ល្អ?  យើងជឿថា លោកឪពុក​អ្នក​ម្តាយ​ជាច្រើន​នាក់​ ប្រហែលជា​មិនទាន់​ច្បាស់​...

សញ្ញាមុនពេលមករដូវ និងមូលហេតុ

ដោយ: ដួងច័ន្ទ 10 PM, Wednesday, 08 Feb, 2017

ស្រ្តីភាគច្រើន តែងជួបប្រទះនឹងរោគសញ្ញា រីក ប៉ោង ឬហើម លើផ្នែកណាមួយនៃរូបរាងកាយ មុនពេលមករដូវ។ សញ្ញាទាំងនោះមិនចោទជាបញ្ហាធំដុំទេ ប៉ុន្តែអ្វីដែលបង្កឱ្យកើត...

តើគួរ ថែរក្សាសម្រស់ បែបណាមុនចូលគេង?

ដោយ: ស៊ីវងីម 10 PM, Sunday, 12 Apr, 2015

ការចំណាយពេលវេលាត្រឹមពីរបីនាទីលាងសម្អាតមុខនាពេលយប់មុនចូលគេងមានប្រយោជន៍ខ្លាំងណាស់ក្នុងការថែទាំសម្រស់ផ្ទៃមុខ។ ហេតុនេះប្រសិនបើចង់ស្អាត ត្រូវតែទម្លាប់ខ្...

Tomnerb.Com - YouTube Channel