ចូលចិត្តទំនើប

ការពិតនៃកាហ្វេ ដែលអ្នកគួរស្វែងយល់

ដោយ: ដួងច័ន្ទ 10 PM, Saturday, 25 Nov, 2017

ជារៀងរាល់ថ្ងៃកំណើន នៃការទទួលទានកាហ្វេកាន់តែកើនឡើង ក្នុងស្រទាប់មនុស្សពីវ័យជំទង់ទៅវ័យចំណាស់។ អ្នកមិនធ្លាប់ញ៉ាំកាហ្វេប្រហែលជាគិតថា មនុស្សទាំងនោះញៀនកាហ្វេ ហើយអាចគិត ថាការញៀនមួយនេះ គឺជាទម្លាប់អាក្រក់។ ថ្ងៃនេះ ទំនើប នឹងបង្ហាញពីការពិតទាំង 7 ចំណុចរបស់កាហ្វេ ដែលនឹងធ្វើឱ្យអ្នកប្រែក្លាយគំនិត ចង់សាកល្បងកាហ្វេមួយកែវជាក់ជាពុំខាន។

ពង្រឹងដំណើរការខួរក្បាល
វាមិនមែនជាអាថ៌កំបាំងឡើយ ដែលកាហ្វេជួយពង្រឹងស្មារតី ការប្រុងប្រយ័ត្ន និងការផ្តោតអារម្មណ៍។ ប៉ុន្តែវាមិនទាន់អស់ទេ។ កាហ្វេបន្ថែមជាមួយនឹងស្ករស អាចប្រែក្លាយខួរក្បាលអ្នកឱ្យភ្លឺស្វាយមួយរយៈពេល ពីព្រោះការលាយគ្នារវាងសារជាតិកាហ្វេអ៊ីន និងគ្លុយកូស ធ្វើឱ្យមានផ្នែកមួយនៃខួរក្បាលមានប្រតិកម្ម។ ប៉ុន្តែអ្នកត្រូវចងចាំថា មិនត្រូវទទួលទានកាហ្វេទាំងពោះទទេ ដោយសារវានឹងជះផលបញ្ច្រាសវិញ។

Fact-of-coffee-benefit_health_news-cambodia_tomnerb-03

បង្កើនសម្ពាធឈាម
កាហ្វេមួយពែងតូច អាចប្រយុទ្ធប្រឆាំងនឹង អាការៈ Hypotensive ជាអាការៈដែលសម្ពាធឈាមរបស់អ្នកចុះទាបពេក។ ប៉ុន្តែកាហ្វេត្រូវបានហាមឃាត់ សម្រាប់មនុស្សដែលមានរោគសញ្ញាចង្វាក់បេះ ដូងដើរញាប់ (Tachycardia) និងមានជីពចរលោតខ្ពស់ បន្ទាប់ពីញ៉ាំកាហ្វេ។ អ្នកជម្ងឺសម្ពាធឈាម ទាប អាចទទួលទានកាហ្វេបាន ស្របពេលដែលរាងកាយចាប់ផ្តើមស៊ាំនឹងសារជាតិកាហ្វេ និងមិនមានប្រតិកម្មជាមួយកាហ្វេ ដោយបង្កើនសម្ពាធឈាមបានមួយរយៈ។

Fact-of-coffee-benefit_health_news-cambodia_tomnerb-04
ប្រព័ន្ធភាពស៊ាំរឹងមាំ
យោងតាមអ្នកវិទ្យាសាស្រ្តមួយចំនួន អសរយៈពេលជាច្រើនសតវត្សន៍មកហើយ កាហ្វេអាចកាត់បន្ថយហានិភ័យការរលូតកូន។ បរិមាណនៃការញ៉ាំកាហ្វេកាន់តែច្រើនក្នុងមួយថ្ងៃ នឹងកាត់បន្ថយហានិភ័យកាន់តែទាប។ នេះព្រោះតែកាហ្វេផ្លាស់ប្តូរប្រព័ន្ធភាពស៊ាំ ធ្វើឱ្យវាកាន់តែរឹងមាំ និងមានសុខ ភាពល្អ។ វាក៏ជួយពង្រឹងសុខភាពថ្លើម បេះដូង និងប្រព័ន្ធរំលាយអាហារ។ យ៉ាងណាមិញអ្នកគួរញ៉ាំ កាហ្វេធម្មជាតិ ស្រស់ៗ។ កាហ្វេលាយស្រេច មានបរិមាណសារធាតុចិញ្ចឹមកាន់តែតិច និងមានបន្ថែមសារជាតិគីមី ដែលធ្វើឱ្យប៉ះពាល់សរីរាងរំលាយអាហារ។

Fact-of-coffee-benefit_health_news-cambodia_tomnerb-05
ថ្នាំព្យាបាលរោគឈឺក្បាល
សារជាតិកាហ្វេអ៊ីន នៅក្នុងកាហ្វេធម្មជាតិអាចព្យាបាលជម្ងឺឈឺក្បាល និងឈឺប្រកាំង។ ប៉ុន្តែវានៅតែមិនអាចប្រៀបផ្ទឹមបាន នឹងថ្នាំបំបាត់ការឈឺចាប់។ ឡាតេ កាន់តែមានប្រសិទ្ធភាព ព្រោះវាតែងមានផ្ទុកសារជាតិកាហ្វេអ៊ីនដោយផ្ទាល់ ដែលជួយជម្រុញប្រសិទ្ធភាព នៃសមាសភាពទាំងអស់បាន 40%។

Fact-of-coffee-benefit_health_news-cambodia_tomnerb-06
កាត់បន្ថយស្រ្តេស និងភាពតានតឹង
កាហ្វេដើរតួនាទី ជាសមាសភាពប្រឆាំងនឹងជម្ងឺស្រ្តេស ដោយសារការសាយភាពសារជាតិ Dopamine និង Serotonin ដែលជាកត្តានាំមកនូវអារម្មណ៍ស្រស់ស្រាយ។ កាហ្វេមួយពែង ឬ គ្រាន់តែក្លិនរបស់កាហ្វេក៏អាចធ្វើឱ្យអារម្មណ៍របស់អ្នកស្ងប់ស្ងាត់ដែរ។ លើសពីនេះទៀត កាហ្វេជា សមាសភាពរំញោចដ៏សំខាន់មួយ នៅក្នុងប្រព័ន្ធ Central Nervous System (CNS) ហើយវាអាច ធ្វើឱ្យ ភាពតានតឹងបានប្រសើរឡើងយ៉ាងឆាប់រហ័ស។ កាន់តែគួរឱ្យចាប់អារម្មណ៍ មានតែសារជាតិ កាហ្វេអ៊ីននៅក្នុង កាហ្វេប៉ុណ្ណោះដែលមានឥទ្ធិពលបែបនេះ ផ្ទុយពីជាតិកាហ្វេអ៊ីន ដែលមាននៅក្នុង តែ សូដា ឬសូកូឡា ដែលមិនមានសមត្ថភាពជម្រុញប្រព័ន្ធ CNS។

Fact-of-coffee-benefit_health_news-cambodia_tomnerb-07
ការចងចាំកាន់តែប្រសើរ
កត្តារំញោច និង Neuromediator ដែលទទួលបានពីកាហ្វេ មិនត្រឹមតែជួយធ្វើឱ្យអារម្មណ៍អ្នកស្រស់ថ្លា និងពោរពេញដោយថាមពលប៉ុណ្ណោះទេ ប៉ុន្តែវាក៏ជួយពង្រឹងការចងចាំផងដែរ។ ប្រាកដណាស់ ថាវាមានប្រសិទ្ធភាពតែនៅលើការចងចាំរយៈពេលខ្លី ប៉ុន្តែវាល្អគ្រប់គ្រាន់ ព្រោះគ្រប់ព័ត៌មាន ទាំងអស់ ត្រូវបានរក្សាទុកនៅក្នុងការចងចាំរយៈពេលខ្លីជាដំណាក់កាលដំបូង ហើយត្រឹមតែរយៈពេលមួយម៉ោងក្រោយ វានឹងចូលទៅក្នុងការចងចាំរយៈពេលវែង នៅក្រោមស្ថានភាពជាក់លាក់។

Fact-of-coffee-benefit_health_news-cambodia_tomnerb-08
បញ្ចុះទម្ងន់
នៅទីបញ្ចប់ ក្តីសុបិន្តចង់បញ្ចុះទម្ងន់របស់អ្នក អាចក្លាយជាការពិត។ កាហ្វេអាចជួយអ្នកបញ្ចុះទម្ងន់។ នៅពេលកម្រិតអ័រម៉ូន Leptin ចុះទាប រាងកាយរបស់អ្នក ចាប់ផ្តើមស្តុកទុកសារជាតិខ្លាញ់ ហើយអ្នក នឹងកើនទម្ងន់។ ប៉ុន្តែកាហ្វេជួយបង្កើនកម្រិតអ័រម៉ូន នៅក្នុងរាងកាយ។ នេះជាហេតុផលដែលអ្នកញ៉ាំ កាហ្វេមិនងាយឡើងទម្ងន់។

Fact-of-coffee-benefit_health_news-cambodia_tomnerb-09

Fact-of-coffee-benefit_health_news-cambodia_tomnerb-010

ប្រភព: brightside ផ្នែក: បែបបទជីវិត, សុខភាព, សម្រស់

អត្ថបទអ្នកចង់អាន

អត្ថប្រយោជន៍របស់ស៊ុតចំពោះសុខភាពបេះដូង

ដោយ: ដួងច័ន្ទ 8 AM, Monday, 17 Sep, 2018

ការទទួលទានស៊ុតជារៀងរាល់ថ្ងៃ អាចកាត់បន្ថយហានិភ័យប្រឈមនឹងជម្ងឺសរសៃឈាមបេះ ដូង។ នេះជាលទ្អផលនៃការសិក្សាស្រាវជ្រាវលើមនុស្សវ័យជំទង់ចំនួន 400,000 នាក់នៅក្ន...

ចង់មានស្បែកស្អាត ត្រូវដឹងពីប្រយោជន៍ នៃការទទួលទាន

ដោយ: ស៊ីវងីម 10 AM, Friday, 24 Apr, 2015

តាមអ្នកជំនាញខាងស្បែក បានអះអាងថា អ្នកនឹងមិនអាចរក្សាសម្រស់ខាងក្រៅ ឲ្យនៅយូរអង្វែងបានទេ ប្រសិនបើអ្នកមិនគិតគូរដល់ចំណីអាហារ ដែលមានប្រយោជន៍ដល់ស្បែករបស់អ្ន...

តើនឹងមានអ្វីកើតឡើង បើអ្នកមិនបានទទួលទានទឹក គ្រប់គ្រាន់

ដោយ: ដួងច័ន្ទ 9 PM, Saturday, 14 Jan, 2017

ទឹក គឺជារូបធាតុដ៏សំខាន់ នៅគ្រប់ទីកន្លែងនៅលើសកលលោក ហើយក៏មានក្នុងកោសិការបស់មនុស្សធម្មតាផងដែរ ដែលជាទូទៅផ្សំឡើង ក្នុងបរិមាណប្រមាណពី ៥៥ ទៅ ៦០ភាគរយ នៃសារ...

សមាជិកគ្រួសារ មានជំងឺលើសឈាម គួរទទួលទានអាហារអ្វី?

ដោយ: ដាលីស 11 PM, Thursday, 24 Mar, 2016

វា​ជា​រឿង​ល្អ ​ដែល​អ្នក​បានដឹង​ពី​ប្រភេទ​អាហារ​ ដែល​ស័ក្តិសម​សម្រាប់​សមាជិក​ក្នុង​គ្រួសារ ជាពិសេស​ប្រសិនបើ​មាន​អ្នកណាម្នាក់​ មាន​ជំងឺ​ប្រចាំកាយ។ ខា...

Tomnerb.Com - YouTube Channel